السلام عليكم ورحمه الله وبركاته
اشلوونكم حبايبي
اليوم محتاجتكم حيل وبجد حتى لو قلتوا اني غلطانه والله ماراح ازعل بس احلفكم بالله قبل لا تطلعون ارفعوه بدعوة بظهر الغيب 
انا حياتي ما سويت خير وندمت عليه غير هالسالفة اللي تدبست فيها
عندي شغاله صار لها معي سنين فوق الخمس اول ما جتني كانت تخمخم
من هالزبايل وتشيل لبيتها من شده الفقر
خليتها عندي تروح وترد والراتب يزيد كل ما رجعت لحد ما وصل الان
700 ريال تقريبا
تحملتها بكل مافي هالكلمه من معنى تسبني تصرخ على عيالي تتحكم باللي
يطلع ويدخل بالبيت وانا اعطيها من الكلام واعطيها من التهديدات ماااااااااش كأني احاكي الحيطة اللي وراها
اذا طاحت مريضة اراعيها كأني اراعي عيالي اذا احتاجت عطيتها دون ارجاع مرات تطلب رواتب مقدمه قبل حلولها نعطيها
اخر مرة قالت بسافر ومراح ارجع شريت لها اجهزة وسجاد من حسابي وما دفعت ولا هللة فيهم
عقب سنه دقت وقالت ابي ارجع اشتغل عندكم رجعناها على راتبها القديم
ورضت لانها تدري لو راحت بيت ثاني راح يرجعونها على راتب شغالة مستجدة
عقب هذا كله وعينكم ما تشوف لا النور
الصوت طال اللسان طال قامت تمنن انا اقدر اشتغل بأي بيت وانا اعرف كل شي وانتم مش كويسين وانا غلطانه اللي رديت لكم ومن هالكلام الوقح
وانت يا ماما مش كويسة لانك تامرين علي وتحاسبيني شوفي ماما فلانه وماما علانه ما يحكوا شي لشغالاتهم 0000الخ
واللي يقهرني زايد زوجي تجي عنده وتبكي وتقوله اني كل يوم اتمشكل معها
مع ان الموضوع وبسبب احتكاكي المباشر فيها تغيرها الملحوظ وطول لسانها علي وعلى العيال والاهمال في الشغل من حقي كمخدومه امر وانهي
والزوج ما عنده الا انت السبب وانت محد يتحملك وقف بصفها
هذا جزا اللي يوكلهم مثل ما ياكل وينيمهم في مكان نظيف صرنا الظالمين
ونسوا اللي حتى امهاتهم ما سووه لهم
حسبنا الله ونعم المولى ونعم الوكيل
مااقدر اقول اي شيء بس من الاول انت السبب
كل شيء الا طولة اللسان والتدخل بخصوصات العائله والداخل والخارج
ماصارت شغاله هذه
الا هي الخانم وام البيت
انا من رأيي تتحاسبي وياها وتعطيها حقوقها وتاخذين انت حقوقكم شوفي شنو اللي صرفتوه عليها الى ان وصلت في المره الثانيه
ويادار مادخلك شر
ايش هذا؟؟
الناس تجيب الشغالات عشان ترتاح والا عشان تستورد مشاكل اضافيه؟
هي المشاكل قليله عشان تستورديلك مشكله اخرى
الله يكون بعونك
|
المشاركة الأصلية كتبت بواسطة pakiza
 الله يكون بعونك عزيزتي
مااقدر اقول اي شيء بس من الاول انت السبب كل شيء الا طولة اللسان والتدخل بخصوصات العائله والداخل والخارج ماصارت شغاله هذه الا هي الخانم وام البيت انا من رأيي تتحاسبي وياها وتعطيها حقوقها وتاخذين انت حقوقكم شوفي شنو اللي صرفتوه عليها الى ان وصلت في المره الثانيه ويادار مادخلك شر ايش هذا؟؟ الناس تجيب الشغالات عشان ترتاح والا عشان تستورد مشاكل اضافيه؟ هي المشاكل قليله عشان تستورديلك مشكله اخرى الله يكون بعونك |
بعد عمري شكرا على ردك الطيب
لا ازدك من الشعر بيت تقول بروح بيت ثاني احسن الظاهر خوياتها اللي من جنسها مشيشينها ومطمعينها ومتأكده مراح تلقى من يتحملها عقب هالسنين
لا تكن قاسيآ فتكسر ولا تكن لينآ فتعصر خلي هالجملة قاعدتج بالحياة ونتي مررة متساهلة معاها
ربي يوفقج
اذا مشيت لاترجعينها فكي عمرك منها
|
المشاركة الأصلية كتبت بواسطة جروح دفينة
وكيف متحملتها لايكون عاملة لك سحر؟؟؟
اذا مشيت لاترجعينها فكي عمرك منها |
زالله كل شي جايز بس سحري الاكبر زوجي اللي مخليني سخيفة في نظرهم