كيفكم يا صبايا
مع برد هل الشتوية يلي ما شاء الله من اولها امطار وسيول ,,,, جمعتلكم كم نوع شوربة وقلت انزلكم اياها
ان شاء الله تعجبكم::
الكمية رح تكون لاربعة او خمس اشخاص
نبداااا بالشوربة الاولى
شوربة العدس
المكونات::
عدس احمر ,, بصل ,,لحمة ,, ملح وفلفل,, رز,,,كمون ,,,ثوم,,,شعيرية ((انا بحب اضيفها بشوربات يلي بعملها فيكي اذا حبيتي تستغني عنها
قطعي البصل وقلبيه ليذبل ثم اضيفي الثوم الشرحات,,,,ثم اضيفي قطع اللحم وقلبيها لتنشف
ثم احضري االعدس والزر واغسليهم وحطيهم فوقها
وهي نسبة العدس للرز
اضيفي الماء لتغمر العدس حوالي 3 سم
واتركيها لتستوي على مهلها انا بحطها بالضغط بتطلع ذايبة
واخر شي حطي الشعيرية ورشي كمون
وهاد شكلها بالنهاية
الشوربة الثانية
شوربة كريمة الدجاج
المقادير:
دجاج مقطع..بصل…كريمة خفق ملعقتين… بقدونس,,, كركم,, ملح
شوفان ملعقتين,,,
انا كمان هون اضفت شعيرية ((بس شوربة الشعيرية ماجي))
بس لاتحطي ملح لانو ظرف الماجي فيه ملح
جربوها لذيذة كتير
شوربة الفطر اللذيذة
هي الشوربة بعشقها كتير طيبة وما بمر شهر الا اعملها فيه
المقادير:
فطر مقطع,, حليب سائل 125 مل,, ملعقتين طحين ,, زبدة ,,
كريمة خفق
لتحضير خلطة الفطر
اضيفي بالاخر كريمة خفق
حطي المقدار يلي بتحبيه على حسب حبك للكريمة
وهاد شكلها بالنهاية
شوربة الخضار
المقادير :: خضار مشكلة,, بصل .. شوفان,, بقدونس…ملح,, رشة بهارات بطاطا مقطعةمكعبات,,,مرقة دجاج او لحمة ورق غار
اضيفي الماء حوالي اربع كاسات شرب,,,واتركيها لتنضج
شوربة الفريكة
هي الشوربة اتعلمتها من بيت حمايي كتير طيبة
المقادير
فريكة,,بصل لحمة..ملح فلفل ,,ورق غار,, ظرف شعيرية ماجي
قلبي اللحمة مع البصل ثم اضيفي الفريكة المجروشة (اجرشيها بالمجرشة يلي بتيجي مع المولينكس)
وهاد شكل الفريكة للي ما بيعرفها
وهون مع اللحمة قلبيها لما تحسيها اخدت لون اشقر شوي
اضيفي الماء حوالي 4كاسات وحطي ورق الغار واتركيها لتنضج انا كمان بهي الشوربة استعملت طنجرة الضغط
بس تستوي اضيفي ظرف شوربة الشعيرية ماجي وخليها لتستوي
وصحة والف هناااا على قلوبكم يا حق
ان شالله يعجبكم الموضوع
واي استفسار اناجاهزة
واذا اعجبكم لاتنسوا تقيموه
بااااااي
مشاء الله تبارك الله .. شو هالابداااااااااااااع
الله يسلم ديااااتك يا قلبي … شوووورباااات ولا احلى ، من يد ما نعدمهااااا يارب
تقبلي مرووووووري وتستاهلي تقيم على هالتعب
الله يحفظك
وكلامك يلي بينسي التعب
ويسلمو على التقييم ياقمر
مبدعه
كالعاده
والحمد لله التقييم ظبط معى
تحياتى
يعطيكي الف عافية
وهاد بعض مما عندكم
يعطيج الف عافية
وزكرتيني بامي شوربة خضار وفريكة يا سلام عىل الشوربات التقليدية 🙂
والفطر والدجاج روعة
اما العدس مع اللحمة صارت طبخة مو شوربة هههه
يسملو ما شاء الله عليكي