دمي و دم اهلي محروووووق والسبب لانقدر عليه -لصحتك 2024.

السلام عليكم ورحمة الله وبركاته

ابغى ادخل بالمشكله ورجاء منكم ابغى احد يبرد قلبي وقلوب اهلي

بداية ابتدت اجازتي و رحت لاهلي طبعا اهلي ناس متواضعه واجتماعيين..

وعلى وشك ننقل البيت الجديد ملك بس باقي اثاث بسيط ونخلص .

عندي اخ صغير عمره 22 يروح للبيت الجديد ويجلس فيه وينام اخوي هذا هاوي دبابات وجمع كل اللي عنده عشان يشتري دباب بقيمه غاليه وهو من افضل انواع الدبابات..

المهم هو يخبي الدباب بالبيت الجديد اللي باقي ايام ونسكنه..

نويت السفر الى اهلي بعد المغرب وصحيت بنفس اليوم اجهز ملابسي اتصلت علي امي وقالت انسرق البيت الجديد ودباب اخووك

انصصصصصدمت مررررره وانصدت نفسي عن البيت كرهت كل شي

المهم اتصلنا على الشرطه والمباحث ولقيوا بصمات وطبعا تكسرت الابواب والشبابيك وكسروا الفرحه فينا ببيت نستناه سنين و عمر

طبعا اخوي مصدووم وكتئب ومحرروق دمه على البيت والدباب

الصدمه والمشكله بروود ردة فعل الشرطه واهمالهم لوضعنا وقلوبنا تحترق اخواني متهورين واخاف عليهم من اي ردة فعل نتيجة برووود الشرطه وعدم انفعالها

اخوووي شاك بمجموعه وواحد منهم بينه وبين احد من الشرطه مصالح

وشرطي صدم ابوي لما قال ان ولدك هو اللي سرق وابوي انصصصدم من كلامه كيف يتهم صاحب الشي بسرقته و آخر قال ان البصمات موواضحه حاسين انا واهلي ان فيه تلاعب واخفاء للجريمه والتماطل فيها
ومابيدنا شي واحنا محرووووق دمنا

مو عارفين انا واهلي كيف نرد حقنا و حرمة البيت اللي دخلوه قبل ماندخله حسبي الله عليهم..

احنا ماانبغى غير تحرك من الشرطه اللي تعاملها كان بارد ولاكأن شي صار لنا وصار تخفي بينهم وتصريف للموضوع..

الرجاء منكم ابغى حل لمشكلتنا ببداية الاجازه صارت لنا ونكدت علينا السالفه صار لها 4 ايام ولأي شي يشفي غليل اهلي من الشرطه او المباحث

وآسفه على اﻻطاله

قدموا شكوى لوزارة الداخلية عن إهمال الشرطة في التحقيق
و لا تسكتون عن حقكم طالبوا بالتعويضات المادية

أنا أخوي الله يحفظه أنسرقت سيارته وفحطوا فيها وتركوها ,, وأخوي بلغ فوراً

بعد ما لقت الشرطة السيارة و رفعت البصمات , قالوا أن أخوكم هو الي سارقها !

بلا هبال أخوي يسرق سيارته !