السﻼم عليكم ورحمة الله وبركاته
بنات راح ادخل في الموضوع على طووول
إلى متــــــــــى نلعب بأنفسنا!!!
اذا فتحت منتدى نسائي اﻻقي العجب من الخلطات والتحميﻼت واﻷعشاب وبﻼووووي كثيره يستخدمونها المتزوجات
ومايعرفون انه لها ضرر على المدى البعيد
قبل كم يوم قرأت لوحده من البنات نظام وقت الدورة تسويه
يؤ يؤ يؤ
من جد تعبت وانا أقرأه ما بالكم اذا جيت أطبقه
اليوم اﻷول من الدورة له شغل خاص
واليوم الثاني له شغل خاص
مشروبات ومنقوعات وبخور من تحت وتحميﻼت
ما ادري ليش حسيت كأن أجسامنا مكان للتجارب من دون مانعرف انه يمكن نضر أنفسنا ضرر كبير جدا
ونندم عليه
راح اذكر لكم قصتين من الواقع
القصه اﻷولى حصلت لوحده من قريباتي
استخدمت الشبه كغسول للمنطقه
وبعدها بفتره بدأت معاها نزيفات
راحت للمستشفى واكتشفو فيها ورم
قررو لها عملية استئصال لجزء من الرحم
وسوت العمليه وبعدها بيومين توفت الله يرحمها ويسكنها فسيح جناته بسبب خطأ طبي ﻷنهم نسو شاش على ما اعتقد جوااا
القصه الثانيه
عن وحده أستأصلو الرحم كامل عندها ليييييش؟؟
ﻷنها كانت تدخل تحاميل من جوا
والتحميله اللي تستخدمها من محتوياتها رشاد
كانت تدخله حب وماتطحنه
بعدها بفتره حست بقساوه في بطنها وبدأ يكبر وآﻻم
وراحت للمستشفى وهناك اكتشفت الخبر المفاجأ
انه الرشاد نبت جوااا الرحم !!!
وتشعب بقوووه وسبب التهابات وتليفات وﻻزم استئصال على الفووور
ﻻحول وﻻ قوة اﻻ بالله
بنات من جد نصيحه من قلبي لكم
اتركو هالخرابيط وعليكم باﻻشياء الطبيه واﻷعشاب الخفيفه وقت الدوره مثل الكمون والقرفه والحلبه والبردقوش
وبالنسبه للتحاميل انسوووووها تماما
واللي تعاني من الهوا او الخوا >> ما ادري ايش اسمه
اهم شيء وقت الدوره تهتمين بتدفئة جسمك
اما التحاميل والغسوﻻت صدقوني مفعولها وقتي فقط
ولها سلبيات على المدى البعيد
سبحان الله – الرحم بطبيعته يابنات ينظف نفسه بنفسه وفيه بكتيريا في عنق الرحم مفيده جدا واستخدامك للتحميﻼت والغسوﻻت الشعبيه يمكن يقتل هالبكتيريا وبعدها تجيك اﻻلتهابات والقرحه وانت في غنى عن هذا كله
راح احكي لكم عن تجربتي أنا
أخذت نظام لوحده من البنات واستخدمته وقت الدوره وتحميﻼت وغسوﻻت
وفي اﻻخير وش صااار؟
بعد ما انتهت الدوره أحس اﻻفرازات زاااادت وبين فتره وفتره اﻻقي شوية دم نازل مني وانا اول مرره يصير لي كيذا
هذا غير الﻶم اللي جتني في بطني قبل الدوره بكثيييير وكانت قووويه
وطول الوقت احس كأن بطني منتفخ ولما كشفت عند الكتوره قالت عندك تكيساااات !!!!! وانا ما كان عندي
بعدها حرمت استخدم هالخرابيط وقلت راح ارجع لنظامي السابق اللي راح اقولكم عنه
بس قبل ما اقولكم عنه راح اقولكم انا ليش أخذت النظام اللي سبب لي هاﻻعراض السلبيه
وهو انه مره من المرات طلع صوت وقت ……. وفي وضعية معينه اللي هي الفرنسي
بس انا اللحين اكتشفت ليش
ﻷنه المكيف كان عالي
ومن بعدها وانا معلنه حالة الطواريء وانه انا فيني وفيني وبدأت ابحث والف وادور على هاﻻنظمه الكثيييره اللي ثﻼث ارباع اﻻعشاب فيها ما اعرفها بصراحه
بعد فتره سمعت دكتوره تقوول انه هالشيء طبيعي يحصل للمتزوجة في وضعية معينه !!
سمعتوا يا بنات طبيـــــــــــــعي
يعني ﻻ تسويون حالة استنفار اذا طلع منك صوت في وضعيه معينه
ﻻااا هذا طبيعي بس حاولي المكيف يكون هادي والوضعيه مريحه أكثر
لكن بالنسبه للي يطلع معاها الصوت حتى من دون …. وهي تمشي .. تصلي.. جالسه مع الناس
راح اقولك نظام بسيط جدا وحلووو بالمره اتبعيه وان شاء الله يرووح منك كل هاﻻشياء واتركي عنك هالخرابيط واﻷعشاب
النظام وقت الدورة هو :-
طوول أيام الدوره خلي عندك ترمسين
أول ماتصبحين سويها
الترمس اﻷول >>> قرفه +كمون+شوية حلبه علشان ماتطلع ريحتك + شوية مسمار اللي هو قرنفل + سكر
الترمس الثاني زنجبيل طـــــــــــازج مع شوية سكر
أول ما تصبحين أشربي كأس من الترمس اﻷول
والترمس الثاني تقهوي منه طوول اليوم مثﻼ بيالة العصر بيالة المغرب
وقبل ماتنامين أيضا أشربي من الترمس اﻷول
واستمري طووول فترة الدورة
طبعا انتم تعرفون فائدة القرفه تنظف البطن وتسكن أﻵآآم الدورة
والكمون يقول الدكتور عبدالباسط انه منظف طبيعي ﻷعضاء الجسم
والحلبه مثل ما قلت لكم يابنات شووووي أنا احط ربع ملعقه صغيره ﻷني ما احب الريحه
والقرنفل حاااار وينزل الدورة
والزنجبيل مفيد جدا جدا ويدفيك ويطلع الهوا اذا شربتيه وهو تقريبا حار الى دافي
الخطوة الثانيه
3 مﻼعق زيت زيتون مع ذرة زنجبيل تدفيها على النار >>> تدفيها موب تغليها
وتصبيها على بطنك وظهرك وبجامتك عليك وبسرعه لفي نفسك بالبطانيه واشربي وانتي تحت البطانيه من الزنجبيل حلوووه يابنات تطلع الهوا من الرحم
سويها كل يوم من أيام الدوره
الخطوة الثالثه
اليوم الثالث من الدورة تعملين تمارين للبطن
سمعتوووو يا بناااااات
تمارين للبطن اللي تكونين مستلقيه على ظهرك وترفعين راسك
سوي بالتدريج مثﻼ اليوم اﻻول 6 مرات >>> ﻷنها في البداية متعبه
اليوم الثاني 8
الثالث اكثر وهكذا
يابنـــــــــــات انا ﻻحظت انه اغلب البنات المتزوجات أو غير المتزوجات اللي يشتكون من الهواء
ما يسووون تمارين تﻼقين البطن عندها كبير ومترهل شوي
يعني عضﻼت بطنها موب قويه
تتوقعون لو تسوون تمارين للبطن وتقوون عضﻼات البطن الرحم ما راح يقوى؟
إيــــــــــه نعم راح يصير الرحم قوي وهذي معلومه طبيه
أيضا ﻻ تنسون تمارين كيجل
بالنسبه لتمارين البطن وكيجل تكون وقت الدورة وغييير وقت الدورة يعني بشكل دااااااااااائم
وبالنسبه للبسك وقت الدورة أهم شيء تلبسين دااااااافي وما تتعرضين للهواء البارد
وآخر شيء
راح أقولكم على غسول حلوووو بالمره
طبي ويحتوي على البابونج وانتم تعرفون انه البابونج لها مميزات كثيره
اوﻻ مطهر للمنطقه
ثانيها يفتحها بالتدريج
ثالثا والله اعلم سمعت انه يضووق
اسم الغسووول
rozeta
غسول روزيتا
ب65 ريال
غسلي فيه من أول يوم للدورة مرتين يوميا صباحا ومساءا الى نهاية الدوره
كلمة روعه عليه قليله ريحته حلووه ويخليك منتعشه
أيضا غسوول الملح
شوية ملح خشن مع موية دافيه غسلي فيها المنطقه في حالة اذا ما عندك غسول طبي
والمويه والملح ينصحون فيها الدكتورات علشان كيذا كتبته لكم
بنوتــــــــــــــات أدري طولت عليكم
بس ماكتبت هالموضوع اﻻ من خوفي عليكم وخصوصا بعد التجربه اللي مريت فيها
انتبهو ﻻ تلعبون بأنفسكم
لو يوم يجي الوحده منكم شيء بسبب هﻼخرابيط راح تندم وقت ما ينفع فيه الندم
تلفتو حواليكم وشوفو اللي تضررو من هالخرابيط
ﻻ تقولون جداتنا يسوون ويفعلون أدري
بس بصراحه ماكانوا يبالغون لها الدرجه
واذا ولدتم ﻻ تولدون عند اي دكتوره رحوو لدكتوره تكون خياطتها كويسه بعد الوﻻده
ووقت النفاس اهتمي بنفسك بالمعقوول وﻻ تنسين الرياضه ثم الرياضه ثم الرياضه
هي اللي تعطيك مفعوول طويل موب هالتحاميل الشعبيه
نهاية الموضوع اللي عندها تجربه قاسيه او حصل لها او لوحده تعرفها مضاعفات بسبب هالخرابيط ياليت تكتب قصتها هنا علشان البنات يتعظون
اللهم لك الحمد والشكر كما ينبغى لجﻼل وجهك وعظيم سلطانك
دمتم بود
جزى الله ناشرتها الجنة
منقول
م/ن
الله يجزيك الخير حبيبتي على النقل المفيد
محبتي
.