حملت حمل خارج الرحم – للحمل و الولادة 2024.

السلام عليكم ياسيدات المنتدى اليوم لي ثالث من طلعت من المستشفى فرحتي ماتمت بحملي الالله يعوضني خير يابنات ياحوامل اللي بالشهور الاولى بنات لازم اللي ما تابعت حمل تبتدي تتابع انشاء لو من اول يوم حمل واللله اللي صارلي شي فضيع انا كنت حامل بالشهر اثاني ولا كنت ادري اني بالثاني كنت افكر اني بالاسابيع الاولى وكل ماروح المستشفى احص واسوي سونار مايبان شي معاهم ولا كنت احس بوحم ولا شي بس كنت احس من يوم حملت ان فيه كتله تحت على اليمين في البطن وكنت مستانسه افكر انه بين معاي بسرعه وحسيت فيه بس الفاجعه من كم يوم وانا اشتغل بالبيت حسيت بالم في بطني فجاه وزادت حرارتي وترجيع واسهال وانتو بكرامه جاني اخوي اني متواعده معاه الصبح وشافني جثه هامده بالغرفه طلب لي الاسعاف وودوني الطواريئ تخيلو بنات ان يوم وصلت الطواريئ ان الضغط هابط والحراره 3 يعني جثه الله المستعان ماعرفو حالتي ووش فيني جو الدكاتره اللي بالمستشفى الجراحين والاخصائئين والتمو علي يسعفوني كنت اسمعهم واحس فيهم بس مافي نفس ولا اتكلم واسمع اهلي برا يصيحون علي والدكاتره يقولون لهم ادعو لها وبسرعه سوو لي سونار مهبلي وانا حاسه طبعا وقعدو يدورون في المهبل لمدة ربع ساعه والله ان هذا اللي حصل اخر شي سمعت الدكتوره تقول العمليات على طوول ودخلوني العمليات ورحت في عالم ثاني ويوم فتحت شفت نفسي بالانعاش حطوني فيها لمدة ساعه عشان تستقر الحاله وبعد ماستقرت وودوني غرفتي الخاصه ويوم اخذت يوم جاني الدكتور اللي سوالي العمليه القيصريه قالي انتي طبعا ماتدرين وش اللي صارلج انتي كنتي حامل حمل خارج الرحم وعمره شهرين وصار عندج نزيف داخلي طلعنا من بطنج لترين دم وانفجر ت احد قناة فالوب وقدرنا ننقذج باللحظه الاخيره والله اني انفجعت يابنات خفت وقالي ليش انتي ماكنتي تتابعين حمل قلت لا اصلا انا مدري اني بالشهر الثاني ولا حسيت باعراض قالي اذا فكرتي تحملين مره ثانيه من اول تححلين وتعرفين انج حامل تعالي عندنا على طول انتبهو يابنات ياحوامل تابعو اول باول اتعظو من اللي صارلي لاني اهملت روحي اللهم لك الحمد اللحين انا اكتب لكم وحالتي مستقره واحسن بواجد وتمنياتي لكم بالتوفيق

بارك الله فيك

ربنا كريم و انشاء الله كل التعب الي شفتيه تلاقيه أجر في ميزان حسناتك و ربنا يعوضك إنشاء الله بالذرية الصالحة .