حبيتك أكتر مـ اللازم ..
أو يمكن كان لازم أحبك
علشان أتعلم أتكلم ..
و أشارك حد فـ تفاصيلى
أحكيلك همى و تحكيلى
و أرتاحلك و أفتحلك بابى
تبقى انتى أعز من صحابى
وحبيبتى و بيتى اللى فـ بيتى
حبيتك قد ما حبيتى ..
أو يمكن أكتر بكتير
و لإنك أصلا مجنونه
كان قلبك زى البلونه
لو سبته " يطير " !
موجود فـ حياتك بمزاجك
بتغيبى فـ وقت ما بحتاجك
و فـ وقت ما تحتاجى وجودى
تلاقينى فـ ضهرك و فـ إيدك
كنتى انتى الغلطه اللى انا دايما
مبصلحكيش كنت بعيدك
مستسلم جدا لمشاعرى ..
مستمتع جدا و انا بتذل
كان كل ما حبى يزيد ليكى
بلاقيكى كإنك حبك قل
انا هعرف أفوق من أوجاعى
لو حبك راح يلوى دراعى
يبقى الموضوع ده ملوش داعى
و البعد هيفضل أفضل حل !!
#الشاعر_محمد_ابراهيم
يسلمو ايديكِ خيتوو
سلمت يداكِ عزيزتي على نقلها لنا
دمت بخير مع محبتي كومي
آ‘لتميز لآ يقف عند أول خطوة إبدآع
بل يتعدآه في إستمرآر آلعطآء
ووآصلي في وضع بصمـتكـ بكل
حرف تزخرفيه لنآ‘
من هنآ أقدم لكـ بآقـة ورد ومحبـة خآلصـة لله تعآلى
ونحن دومآ نترقب آلمزيد
ودي قبل ردي
وسلآإمي
.
.
