حافز اه من حافز . قرار ما شملني ولا فكني من شره حسبنا الله ونعم الوكيل الطبيب يجيب 2024.

السلام عليكم ورحمة الله وبركاته

اخواتي انا وحده من بين الآف االآف من البنات والنساء اللي ما استلموا حافز .. والسبب العمر ليه لان عمري 35 سنة ؟؟؟؟؟!!!!!!
ليش هذا القرار الظالم كيف يكافأ جميع السكان بمختلف الاعمار والمستويات الا نحن .. وربي قهر قهر ليش احنا مو بشر والا احنا شي زايد بالمجتمع ماله داعي او احنا مثل ما صرنا نسمع من عبارات انتن عجااااااايز ..
ليه نفسي افهم واقتنع بسبب واحد من استثناء هذا العمر بالذات ..

كثير شباب وشابات بهذا العمر بحاجة للمال ولما سمعنا ببشرى حافز فرحنا واستبشرنا مثلنا مثل غيرنا ..
كثير منا بهذا السن سواء رجال او نساء كان عندنا امل بحافز السراب فمنا اللي تخرجت بعد عناء الدراسة والاجتهاد وما لقيت وظيفه والادهى والامر ان بهذا السن فرصة حصولنا على وظيفة بدأت بالتلاشي ..
وظيفة ما فيه ..
ما عندنا دخل مادي ورغم ان هذا سبب كافي لاستلام حافز بالمقابل موظفين رواتبهم ما شاء الله ما احسدهم والله لكن يجيهم دبل راتبين وهم عالاقل عندهم فلوس عندهم وظيفه .. لكنهم فرحوا ..
الطلاب جاتهم مكافأة وفرحوا ما شاء الله ..
العسكري راتبين وترقيه !!!
حتى ذوي الاختياجات وارقى موظفين الدوله فرحوا .. حتى العجايز والشيبان عالاقل عندهم ضمان المطلقه والارمله الكل عنده راتب اساسي قل او كثر المهم انه عنده ورغم كذا شملتهم الفرحة ..

الا … الا .. الشباب بعمر 35

وزيادة على الحرمان سبب لنا حافز مشاكل اجتماعيه ما كان لابوها داعي .. فصرنا حديث العالم
ما استلمتي حافز يووووه اثاريك عجوز .. مع انه ابد ابدا ما عمرنا حسينا بهذا الشعور والاحراج من العمر من قبل ..
حتى زوجي ما عمره عد او اهتم بعمري وجاراتي ومعارفي اللي توقعوا اني اصغر بكثير من عمري بسبب شكلي الحين عرفوا كم عمري وما تسمع الا التحقيقات معقول لا مو معقول عمرك 35
لا والادهى بعض الحريم يقولون ازواجهم يرجعون من العمل ووجه زوجها معتفس يقول اصحابي نزلت لزوجاتهم حافز وكانه يقول لها الا انت والسبب عمرك .. ومرت كم شهر كنت اقول الحمدلله زوجي ما جاب سيره .. وانزل ونصادف اثنين من الجيران يقولون لزوجي زوجاتنا جاتهم رساله من حافز بنروح نفتح حساب وزوجي يطالعني بوجهه اللي راحت الابتسامه منه .. رجع زوجي اليوم الثاني من العمل يقول اصحابي طول الوقت يتكلمون عن حافز وانهم فتحوا حسابات لزوجاتهم الا انا وكم رجال جالس .. لكن بعضهم كبار بالسن !!!!!!
طبعا زوجي يقصد انه ما زال شاب وزوجته اللي الكل صار ينعتها بالعجوز لان عمرها 35 وطبعا الفرق بيني وبينه خمس سنين ..

بالله من اولى بحافز شباب باعمار بداية العشرينيات ما عندهم اي مسؤولية وفرص حصولهم على وظيفة كبير جدا باذن الله .. عندهم فرص للعمل عندهم طموح وطاقة … انا بالنسبة ليه كل معارفي اللي بالعشرينيات استلموا حافز اشتروا فيها جوالات جديدة غيروا المحمول طلعوا لرحلات وفلات في الوقت اللي بعمر الثلاثينات يتمنى القرش علشان يسدد دين او فاتورة او يجمع حافز لعمل مشروع صغير ….
حافز خلت من هذا العمر 35 مشكله غير الحرمان فما نقول غير حسبنا الله ونعم الوكيل فيمن استثنى هذا العمر من غير مبرر ..

ما همتني فللوس حافز بالعافيه على قلوبهم الله يزيدهم غنى فلوس ويزيدنا قناعة ويعوضنا بالاخره ..

للأسف تفكيرك بهذه الطريقه خاطئ جدا .. شبابنا وبناتنا بهذا السن بحاجه ماسه جدا الى من
يأخذ بإيديهم ويشجعهم على البحث عن فرص عمل تؤمن لهم حياتهم وتعينهم على متابعة امورهم
الخاصه دون الإعتماد الكلي على الوالدين
لو كان صحيح انهم يجدون الوظائف بكل سهوله ، لما كثرت العنوسه
في مجتمعاتنا ، ولما اصبح هناك شباب اضاعوا انفسهم في طريق
المحرمات بسبب الفراغ والحاجه الى الماده
انتِ بهذا السن لديك زوج مسؤول عنك وعن حياتك بكاملها امام الله ، لديك ابناء يستحقون منك
الرعايه والإهتمام اكثر من اي وظيفه ، صحيح من حقك ان تحلمي
وتبحثي عن وظيفه ولكن في حال لم تجديها فلن تكون حياتك اتعس
من حياة هؤلاء الشباب الذين لم يعيشوا الحياة بعد ..
ما الداعي لكل هذا البؤس الذي التمسته من حديثك !! الم تعيشي زمن طويل دون مكافأة حافز!
الم تشعري بالسعاده ولو للحظه واحده في حياتك!