اترككم مع الصور
استني الردود
اليوم سويت لكم درس رسمة العين المفتوحه من الجانبين
وأهم شي راعيته في الدرس إن الخطوات تكون سهله وواضحه للجميع
طبعا الدرس على ورق فماراح يكون الدمج بالشكل المطلوب لازم تراعون الشي هذا
إذا جيتوا تطبقون الدرس إنتبهوا لمسألة الدمج إن ما يكون فيه فاصل بين الألوان
تكون متداخله في بعضها سواء بالفرشه أو بالإصبع يتم الدمج بخفه
طبعا زي كل مره نسوي فيها ميك أب لازم نحضر البشره أولا بالميلك المنظف بعدين نمسحها بالتونيك
ولا ننسى البيس قبل كريم الأساس يثبت المكياج ويعطيه نضاره وأحسن بيس من فور إيفر ويمدحون كريولان
بالنسبه للرسمه اللي بشرحها اليوم هي الرسمه المفتوحه من الجانبين
فيه ناس يعتبرون المكياج هذا مبالغ فيه
وكل وحده ورغبتها وذوقها
وإخترت ألوان بحريه
أول شي رسمت عين على ورقه
بعدين حطيت كونسيلر هنا حطيت ديرما كول وتقدرين تستخدمين فور إيفر أو الكونسيلر اللي تفضلينه 
رسمت الحواجب بقلم بيرفكت 
حطيت إضاءه تحت الحاجب لؤلؤيه من vov 
حطيت شدو مخملي لون سماوي فاتح من بداية العين 
حطيت لون بجانبه أزرق مخملي 
حطيت بجانبه أيضا لون فيروزي من بيل فيزاج لونه في الطبيعه خيااال روعه مره 
مديت اللون الفيروزي فوق اللونين السابقين وتحت الإضاءه وأحاول أدمجها 
رسمت الكحل بالقلم من بداية العين الى نهاية العين وأحاول أمده على فوق على إمتداد الشدو الفيروزي 
عند مدمع العين من البدايه أرسمها بالكحل السايل من محمود سعيد أو لانكوم عشان البدايه لازم تكون رفيعه مره ولازم تكونين دقيقه في الرسم
رسمت عليه بالكحل المائي من كريولان 
طيت شدو أسود في نهاية العين على نهاية الشدو الفيروزي وحاولت أدمج بس هنا على ورق ما يساعدني في الدمج
حطيت شدو فيروزي أسفل العين من بداية العين ومديته الى النهايه وحاولت أطلعه برا شوي 
رسمت الكحل تحت العين بالقلم ومديته الى نهاية العين طلعته فوق الشدو الفيروزي اللي رسمته تحت العين وعدت عليه بالكحل المائي 
حطيت شدو أبيض في الفتحه الخارجيه وفي مدمع العين 
حطيت جليتر لمحبي الجليتر في الفتحات وعلى الشدو الفاتح 
يارب اكون افدتكم
بنتظار جديدك المميز
لكى منى كل الحب
وان شاء الله نطبق الدرس ونتعلم
وانا احب احط مكياج واحاول اتعلم عدل
تسلمين يا قلبي على شرحك
وانا واحدة من الناس ما اعرف احط مكياج بدقة
ان شاء الله اتعلم علشان اعجب زوجى
بارك الله فيكى