مرحبا حبيباتي…ان شالله بخير
بحب اتشكر كل البنات يلي مشتركين معنا على تعبهم وجهدهم بالتصوير وتظبيط الصور…وانا سعيدة بهل الاطباق يلي عم تحطوها ماشالله عليكم
وهلق بنرجع للمنافسة مع اطباق المقبلات ان شالله يعجبوكم~~~
اطباقي لليوم هي
سلطة مشويات مع البطااطا البيوريه
شوربة خضار
سلطة الملفوف
سلطة الجرجير
سلطة اللبن معع البقلة
الطبق الاول وانا دمجت فيه نوعين من المقبلات
البطاطا البيوريه+سلطة مشويات اقرب للبابا غنوج
المقادير:
باذنجان مشوي،خضار مشوية{بصل بندورة فليلفة}
دبس رمان،ملح
البطاطا البيوريه:بطاطا مسلوقة+ملح وحليب خالي الدسم
السلطة المشوية…تخلط المقادير مع بعضها اما ان تقطعيها ناعم او تضربيها بالخلاط وان فضلت تقطيع الخضورات..يضاف الدبس رمان والملح
البطاطا البيوريه :تهرس البطاطا وتخلط مع الحليب والملح
وهلق بنحط البطاطا بجهز التزيين تبع الكريمة ونعمل فيه شكل يشبه الصحن المقعر
وجواه السلطة المشوية..ونزينه بالجوز والبقدونس
طبعا البطاطا منيحة للريجيم لانها تعطي احساس بالجوع ومسموحة لمرضى السكر ولكن بكميات معقولة
وهي الصور ياعسولات
شوربة الخضار~~
هي نوع خفيف ومفيد من الشوربات لاحتوائها على الخضار المشكلة +الشوفان
المقادير: كأس بزاليا،ربع كوب فليفلة،ملعقتين كزبرة خضراء،نصف كوب بطاطا مقطعة مكعبات،شعيرية،ملعقتين شوفان
الطريقة : توضع البطاطا المكعبات مع الماء على النار
لتسلق مدة عشر دقائق بعدها نحط باقي المقادير عدا الكزبرة والشعيرية ونتركها لتغلي..رح تاخد مدة ثلث ساعة
بعدا نحط الشعيرية مدة خمس دقائق
وبالاخر نحط الكزبرة..ونضبط الملح
وهي شكلها عند التقديم
وصلنا للسلطات…وانا اختر لكم سلطات خفيفة وسريعة
اولا السلطة الملفوف
المقادير..خس ملفوف..بقلة..+صوص ايطالي
يقطع حسب الذوق ويرش بالقليل من الصوص الايطالي
النوع الثاني…سلطة جرجير بدبس الرمان
المقادير: اوراق جرجير بصل جوانح..ملح ودبس رمان
تصف اوراق الجرجير بالصحن وينثر فوقها جوانح البصل..ونرش دبس رمان~~
هي السلطة مفيدة كتير وسهلة كمان
وهي صورها
السلطة الثالثة
لبن مع البقلة
المقادير…بقلة ،نعنع ناشف ،فص توم، لبن،زيت زيتون
يخلط اللبن مع الثوم المهروس يضاف البقلة بعد غسلها والاحسن لو فرمناها…بعدها نحط النعنع اليابس تخلط مع بعض وعند التقديم يضاف زيت الزيتون
وهيك بكون خلصت مقبلاتي…
تحياتي لكن والى لقاء جديد
دمتم بحفظ الرحمن
الله لايحرمنا منك
احلى تقييم لعيونك ياعسل
والله انك فنانة يسلمو اديكي
وبتستاهلي احلى تقييم
افكار رووووعه ياروعه
واحلى تقيييم لمجهودك
دمتي بحفظ الرحمن
و على الصبح و الاطباق الشهية
اااااااخ
عجبتني كثير شكل البطاط فكرتني في الي عملتها انا مرة
و الشوربة و كاني في مطعم ياباني اممممممم مع البرد الي نحن فيه
ابعثيلي صحنيين ههههه
يعطيك العافية يا تشبدي
و تم التقييم بالنجوم
اما النقاط رفض خخخخ
وخاصة طريقة جديدة للبورييه
بس قديش نحط حليب وئام