السلام عليكم ورحمه الله وبركاته
بقولكم مشكلتي بختصار
انا اشتغل في شركه خاصه مختلطه
مديري انسان جدا حبوب وطيب واخلاق ومحترم يعني بالاصح ماعنده سوالف الخز وحركات هالشباب له
هو صغير بالعمر مقتبل الثلاثين متزوج وعنده ولد بس زوجته واعياله مو معاه بنفس الدوله
انا بصراحه بديت احس اني اميل له مع العلم اني كارهه هالشعور وهو يناظرني بنظره الاخوه
بس مادري ليه بديت اعجب فيه وساعات احس بداخلي مثل الغيره مادري ليه احس اني ابي امتلكه يعني احس ان ودي اجي له من سالفه الاقامات وكذا على ان لما افكر فيها صعب اني اتزوج شخص مو خليجي
والله يابنات على ان مايعطي وجهه بس مادري ليه انجذبت له
وفي كثير اجانب منهم من لبنان وتعرفون بعد انتو كيف كلامهم بس مع ذلك ماتاثرت فيهم
ابي احاول اني امنع نفسي اني ما انعجب بمديري
السواق الخاص حق الشركه مره قالي ان هو معجب فيني بس انا قلت له اكيد عشان شغلي زين
والله احس اني مشوشه لان مستحيل ارتبط فيه حتى لو كان مو متزوج
ابي امنع مشاعري عنه ابي اتعامل معاه مثل ماهو يتعامل معاي
والله يابنات اني ماادلع جدامه ولا حتى احط مكياج او عطور ولا شي عشان مابغى اجذبه لي من الناحيه الجسديه لان سمعت ان وده يتزوج
بس انا ابغى امنع مشاعري عنه مابي انعجب فيه
لاتقولون لي غيري القسم ماقدر اغير القسم لان الاقسام الباقيه فيها مشاكل اكثر
ومستحيل اني استقيل لان انا محتاجه الوظيفه
صح نسيت اني اقولكم في وحده حرمه كبيره تشتغل معاه بالخمسين عمرها حاطه عينها علي وتراقبني
يعني احس انها معجبه بمديري مع العلم انها مو متزوجه
طبعا هي تستغرب لما تشوفني اتناقش مع مديري بخصوص الشغل او مثلا لما اقوله لاتاخر عشان نكمل باقي الشغل
انا اعرف مديري ساعات يتاخر بره ويعطل شغلي ولما يرجع واقوله يقولي ليش ماقلتيلي او ذكرتيني
فا انا بصراحه كارهتها لانها مره وانا اتكلم مع المدير كانت تتسمع الكلام وانا حسيت فيها طبعا .
المهم اقصد ساعدوني شلون اتخلص من هالعجوز وشلون اتخلص من مشاعر انا مابي انها تكون فيني 
والله عندنا بالسعودية ممنوع الإختلاط من قبل الرجال بالنساء في أماكن العمل
لكن أنا أنصحه يتزوج
الي راح يكون دخلها عالي
ويستفيد منها مادياً وجنسياً
وبعد ذلك يسافر إلى حبيبة قلبه وزوجته في بلدها ويكون كسب فلوس أكثر وأكثر وأكثر
|
المشاركة الأصلية كتبت بواسطة سجلت لأجلك
 الله يعين وبس على هالمشاكل الي كلها صايرة من الإختلاط
والله عندنا بالسعودية ممنوع الإختلاط من قبل الرجال بالنساء في أماكن العمل لكن أنا أنصحه يتزوج الي راح يكون دخلها عالي ويستفيد منها مادياً وجنسياً وبعد ذلك يسافر إلى حبيبة قلبه وزوجته في بلدها ويكون كسب فلوس أكثر وأكثر وأكثر |
استغفر الله وش هالرد السخيف ليتك مارديتي احسن ياتقولين كلمه طيبه او دعوة طيبه او انك تسكتين وتكتفين بالقراءة افضل وياصاحبة المشكله انصحك ان لاتهتمين بمديرك وتشيلينه من بالك نهائيا وصدقيني هالشي لمصلحتك والزواج من جنسيه ثانيه غير ابن البلد اغلبه فاااشل وخصوصا كما ذكرتي انه رجل متزوج فلا تجيبين لنفسك مشااكل انتي بغنى عنها واذا هو اصلاا معجب فيك بصدق لفاتحك بموضوع الزواج ….فلا تعيشي نفسك باوهاام وتخيلات وشغلي نفسك في عملك ولاتفكري بشيء اخر. مووفقه عزيزتي
|
المشاركة الأصلية كتبت بواسطة من الشرقيه
استغفر الله وش هالرد السخيف ليتك مارديتي احسن ياتقولين كلمه طيبه او دعوة طيبه او انك تسكتين وتكتفين بالقراءة افضل وياصاحبة المشكله انصحك ان لاتهتمين بمديرك وتشيلينه من بالك نهائيا وصدقيني هالشي لمصلحتك والزواج من جنسيه ثانيه غير ابن البلد اغلبه فاااشل وخصوصا كما ذكرتي انه رجل متزوج فلا تجيبين لنفسك مشااكل انتي بغنى عنها واذا هو اصلاا معجب فيك بصدق لفاتحك بموضوع الزواج ….فلا تعيشي نفسك باوهاام وتخيلات وشغلي نفسك في عملك ولاتفكري بشيء اخر. مووفقه عزيزتي
|
طيب انتي ترضين زوجك يتزوج عليج ؟؟؟؟؟؟
كان قصده ان المدير معجب بطريقة شغلج
اكيد
انتي لاتفكرين في اشيا ثانيه
واذا استمريتي بهذي الأفكار
يمكن تسوي لج مشكله بشغلج هذي الي تقولين عنها كبيره بالسن
اكيد انتي غلطانه
ولا تتعبين قلبك وتضيعين وقتك بهالافكار