انا حامل اول حمل لي وتقول الدكتوره اني هالاسبوع تقريبا دخلت الشهر التاسع ..
بس المشكله والمصيبه اللي مخوفتني ومسببه لي قلق ان الجنين راسه فوق والبشيمه فوق بعد .. من زمان على هالوضع وانا احس ان الراس فوق وهالاسبوع رحت المستشفى وسوت لي سونار وخوفتني قالت يمكن اولد بقيصريه اذا ضل الوضع على ماهو عليه وانا مو عارفه وش اسوي عشان الراس يلف وينزل تحت .. موعد الولاده المتوقع مابقاله شي .. بالكثير اسبوعين وانا كل ماافكر ابكي خايفه من القيصريه وابي اولد طبيعي وخاصه ان زوجي بعد كله يحاتيني خايف علي اولد بقيصريه
بليز اللي صار لها نفس اللي صار لي ودخلت الشهر التاسع والراس بعده فوق بعدين قريب الولاده تغير الوضع والراس نزل تحت تقول لي عشان يكون عندي امل .. لان الدكتوره قالتلي المفروض من اخر الثامن ينزل الراس تحت واحتمال ضعيف يتغير وضعه بالتاسع وانا الحين بالتاسع … وش اسسسسسوي عشان ينزل الراس تحت افيدوني خاصه اللي صارت معها هالحاله
شوفي يالغاليه اول شي خلي ايمانك بالله سبحانه وتعالى قوي
كل شي بيد الله وحده سبحانه وتعالى
بعدين عليكي بالدعااااااااااااااء دااااااائما
وامشي كثيييييير سبحان الله مع المشي ان شاءالله ينزل الراس لان الراس وزنه بالنسبه للجسم ومع الجاذبيه الارضيه يتعدل وينزل تحت وكل شي بيد الله سبحانه وتعالى
واكثري من السجووووود
وحاولي قد ماتقدرين تحبين
وفيه حريم كثييييير يكون راس الجنين فوق ووقت الولاده ينزل راس الجنين لتحت
سبحان الله العظيم
والله يسهل ولادتك ويفرج همك وهم كل مسلم