انا عمري18 سنه ف البدايه كنت انسانه ضحكتي ماتروح مني بكل مكان وكانت أوضاعي ماشيه تمام وكل شي كان كويس حتى كنت م اذاكر وانجح والناس كلهم مستغربين وفي بنات رسبو ويجو يقولولي كيف نجحتي؟ وكنت جميله ع حسب كلام البنات دايمن احس الناس تتقرب مني عشان شكلي وكانت ليا سمعه كبيره ف المدرسه وضعي ف البيت مع اهلي كان عادي الكلام ذا قبل سنتين دحين انقلب حالي والله العظيم تعبت في صحبتي من 8 سنين وأقرب الناس ليا تركتني وراحت بدون اي سبب بدون اي غلط مني م قصرت معاها ف شي تركتني وراحت كان اقرب من اهلي ليا وبعدها بنات خالتي وحده منهم كنت دايمن معاها من الابتدائي ندرس مع بعض وكل شي مع بعض فجاه صارت تبعد وتسبيني لوحدي وحذفتني من البرامج بدون سبب؟ كانو الناس دايمن يمدحو علاقتنا ودحين علاقتي فيها رسميه تقريبا وتسليك لبعض بس وكل م اشوفها قلبي يعورني وبعدها صرت قريبه شويا من بنت خالتي الثانيه والثانيه ذي فتره معايا وبعدين تبعد وصارو هما الاثنين مع بعض يخرجو ويجو عند بعض ولا احد يناديني احس محد يبغاني احس نفسي فجاه صرت لوحدي انا م سويت ل احد شي؟ حتى ذي بنت خالتي الثانيه ماترد عليا ف البي بي وتحدث دايمن وساحبه عليا مو عارفه ليش يعني احس بعد م سكنو ف بيت جديد وصارو يسافرو برا ويقدرو يخرجو ويرجعو زي م يبو سحبو عليا لاني م اقدر دايمن كدا ولانو شكلي صار م يناسبهم؟ يعني انا م اقدر اغير عبايتي وأشتري شنطه وأغير من نفسي زيهم بس ذا مو سبب بنظري دايمن يحسسوني اني اقل منهم بعد م كنت واثقه بنفسي مرا ذحين بديت تهتز حتى شعري دايمن يمدحوه ذحين اتغير والناس تتمصخر ع شكلي وشعري بالذات عيني رجع ليا المرض ولازم عمليه مو لاقيه احد حولي حتى لو اضحك جوتي متضايقه امي وابويا انفصلو عن بعض بيتنا وسخ حياتنا كئيبة حتى خالاتي احس يبعدو ويصرفو امي ولما تطلبهم فلوس محد يديها وابويا ما يصرف ف شي وامي مو لاقيه وظيفه وخلاني كلهم بينا مشاكل معاهم وعماني م نعرفهم ايش السبب ورا كل ذي المشاكل؟ وليش الناس بتبعد حتى بنات خالاتي؟ وع فكره رسبت سنه بعد كلام البنت السنه اللي بعدها رسبت وكنت اذاكر ودايمن أحلامي تخوف ايش اسوي كيف اتغلب ع كل ذا تعبت ف حياتي والله انا حاولت اختصر يارب ساعدني
وما يضيرك ان كانوا راضيين عنك والله لا؟ ربك ارضيه اولا وانظري كيفك يحببك في خلقه
التفتي الى نفسك ودراستك وأجعلي لك هدفا في الحياة
وان شاء الله سترين المستقبل اجمل بكثير من ماضيك وحاضرك
حرب التتار -ملوك حرب التتار