السلام عليكم ياحلوين
هيدي أول مشاركة لي بقسم الطبخ وحبيت شارككن بطبق الملفوف الشهي
بتمنى تنال إعجابكم وجربوها مارح تندمو أبداً
بداية نغلي المي بطنجرة عميقة ونحط فيها رأس الملفوف حتى تذيل أوراقه
نقطع الأوراق بالسكين ونزيل الجزء القاسي من منتصف ورقة الملفوف
الحشوة :
هي عبارة عن 1 كغ رز قصير
نصف كيلو لحمة ناعمة او اقل للي ما بحب تكون كتيرة اللحمة
سنين ثوم مدقوقين
وملح وبهار وفليفلة حمرا ناعمة ورشة نعناع ورشة كمون وزيت وملعقة معجون الطماطم نخلطهن مع بعض ونحشي الملفوف وبعدها يصفو بالطنجرة بشكل مرتب ومنخلط بصحن غميق ماء مع معجون الطماطم انا بكتر لاني بحبا تكون سميكة شوي ودبس رمان وملح ورشة بهار وتوم مدقوق مع نعناع ومنحطن فوق الملفوف ومنحط سمنة وبعدا عالنار فوراً
لحتى يغلوا منخفف النار تحتن ومنتركن لتنشف المي
وصحة وهنا عقلبكن
