يابنات وش تسوي من تعرضت للظلم من اقرب الناس واحب الناس لها امها
مااقدر اشكي لكم من امي لكن بأوضح لكم المشكله واسال الله ان لا يؤاخذني
باختصار انا الحمد لله على كل حال تعرضت لظلم شديد من امي ليس لخطأ مني وربي شاهد اني هاديه ومطيعه ولكن لاسباب نفسيه تمر بها اسأل الله لها الهدايه امي تعرضت للظلم ايضا فالظلم شيء متوارث في عائلتنا للاسف فتربت بشخصيه فيها الكثير من العقد نتيجة مامرت به في صغرها فكانت الضحيه انا
التفريق بيني وبين اخواني لسبب بسيط اني بنت وهم اولاد
الحبسه في المنزل وعدم الخروج الا كل 5 شهور او اكثر بسبب ان اخواني صغار وهي تطلع وانا اجلس معهم ويا ويلي اعترض
عدم المشاركة في الحديث وعدم ابدأ رأيي في اي امر من امور حياتي بسبب اني بنت والبنت مالها رأي
اغلب الامور اللي في حياتي مغصوبه عليها
احيانا تحرمني من الاكل بسبب غلط تافه اكون عملته بدون عمد
الاستهانه بمشاعري وبكلامي واستهزاء به لدرجة ان حتى اخواني علمتهم مايحترموني ابدا واذا تكلمت جد جلسوا يضحكون وانا اكبرهم ومااقدر اهاوشهم
خطبني ناس كثير ورفضتهم بدون علمي وماتقول لي الا بعد ماترفضهم لانها تبيني اكمل دراستي واتوظف واعطيها الراتب كله زي ماكانت تعمل هي مع جدتي
تصوروا اني مااقابل بنات خوالي لانها تروح عند خوالي وماتاخذني واذا قابلتهم فشلتني قدامهم يا اما تجلس تسبني او تفضح سر من اسراري قدامهم
بأختصار يابنات امي تعاملني بقسوه شديده ولكل شي عندها حجه وعذر
ضرب بحجة التربيه ظلم بحجة تعليم الادب اهانه بحجة الخوف على المصلحه من يوم عرفت نفسي
حاولت اشكي لوالدي لكنه للاسف شخصيته ضعيفه ويحبها جدا ماشاء الله ومؤيد لتصرفاتها معي
وحاولت اشكي ايضا لخالاتي مالقيت احد ينصفني بالعكس يهاوشوني عيب عليك تتكلمين كذا عن امك
ماحد حاسس فيني ولااحد مصدقني لان امي معروفه بأخلاقها مع جميع من حولها الا معي انا
علموني كيف افتك وارتاح من هذا الظلم
ارجوا من الاداره التعاطف مع حالتي ونشر موضوعي مالي الا الله ثم انتم
واضح ان امج تطبق عليج الي صار لها وهي صغيره
امج فيها حاله نفسية الله يشافيها
حاولي تتكلمين مع ابوج
حتى عن موضوع الخطاب
النبيصلى الله عليه وسلم قال(" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ")
وان هالشي فيه حساب من رب العباد
انهم يوفقون زواجج علشان لفلوس
انتي كلمي عماتج يتفاهمون معاها او مع ابوج
وكلمي أيضا خالاتج بلطف واللين قولي لهم انا مو قصدي اتشكى عليها
بس ابغاكم تساعدوني
والله يهديه ويحنن قلبها لج
|
المشاركة الأصلية كتبت بواسطة من الشرقيه
 حبيبتي انصحك تجلسين معاها وتصاارحينها وقوليها انك تحبينها وتحترمينها واللي تسويه فيك مايجووز وظلم كبير انها تفرق بينك وبين اخوانك في المعامله واللي صاار لها بسبب جدك مالك ذنب فيه قوليهااا هالكلاام ولاتخاافين قولي كل اللي بقلبك وقوليلها انك صابره ومتحمله هالوضع على امل انها تحس فيك وقوليلها ان هالشي متعبك كثير ……اذا مالقيتي احد ينصفك انتي انصفي نفسك بنفسك بالعكس انك تتكلمين عن معاناتك افضل من ان يقولها غيرك عنك ….. وياااااارب تفهمك والله يهديهاااا ادعي لها بالهدااايه واذا ماتفهمت مالك الا الصبررر والصبررر ولك اجرر عظيم بصبرك على طاعتها فكيف بظلمها؟!! ومعاها حق انك تكملين دراستك وبعدين تتزوجين هالشي لمصلحتك ولرااحتك …..والله يوفقك
|
في بداية المحادثة قوليلها ماني زعل او خصام مجرد مناقشة وديها بين الام و بنتها
وقوليلها اللي يضايقك لو شفتي اتقبلت قوليلها كل شيء وان شفتيها ما اتقبلت غيري الموضوع
وخليها تحكي لك عن وهيه صغيرة وكيف كانت تحس يوم اهلها ياعملوها كذا
وقوليلها نفس احساسي وش هالحياة ومثل كذا
عزيزتي اولا هذي امك وحاولي قدر ماتقدرين تصبرين وتهونين على عمرك ,
وثاني شئ لاتنسين اكسبي رضاها وبريها وعامليهاا بالحسنى
وتصدقي على نيتها وراح تشوفين نتيجة الصدقة وراح يتغير حالك وحال امك الى الافضل ..
ترى فيه غيرك كثير يعانون اشد انواع الظلم والقسوة من اقرب الناس لهم ولا فاد شئ غير الصدقة والنية الطيبة .. ولاتنسين قيام الليل والدعاء لهم ان يردهم الله اليك رداَ جميلاً ..والاستغفار بنية تسخيرهم لك ..
وترى فيه كثير امهات فاهمين الخوف على المصلحة والتربية والتعليم غلط وللأسف نتيجتة على بناتهم صعبة بالحيييل …
بس هذي امك ماتقدرين تقولين لها شئ ان تكلمتي ربي بيعاقبك وان سكتي فأجرك على الله وراح ربي يعوضك جزاء لصبرك وبرك في امك …
شوفي اقرب شخص امك تحبه وتسمع لكلامه كثير ( خالك , ابوك , احد من اخوانك اذا عندك اخوان كبار ) ولاتقولين له اللي يصير لك من امك ومعاملتها حاولي تلمحين له انه ينصحها ويوصيها عليك ويكون مفتاح خير بينك وبين امك …
اسال الله العظيم ان يفرج همك وينفس كربك ويجعلك من البارين بوالديك وان يعوضك على صبرك وان يسخرهم لك كما سخر الريح لسليمان ..