اخواتي بحط الموضوع بين يدكم وابغى حل انا واهلي ؟؟ ممكن بطول في الموضوع شوي علشان تعرفو نحنا من ايش نعنا وتعطونا الحل الصحيح .
ماما مو من نفس بلدنا من بلد تاني ونحنا مننا 3 بنات وللدين وانا اكبرهم وعمري تقريبا 23
وبابا عنيف معانا بكل شيء ضرب وقذف ووو … اصلا هوا من زمان كان كذا من قبل مايتزوج ماما وحتا لجدتي وعماتي كان يضربهم وحارمهم من اشياء كثيرة وبعد الزواج انقطع عنهم تقريبا ماصرنا نتقابل الى في المناسبات وكمان فترة من الفترات حصلت مشاكل بينهم وصار علاقتنا ماتقولو علاقة اهل يعني بص لضروف معيتة الي نجتمع …. ونحنا تعبنا منه يضرب ماما ويضرنبا بكل شي بالاسلاك واللي والصنادل وانتو في كرامه ومانعنا من الجيران وماعندنا احد نعرفه .. ولا صحبات يعني مصيطر علينا بكل النواحي وحتى لمن نكلم عمنا مايقدر يسوي شي اعمامي اكبر منه ولاكن يخافو منه حتى العيد الي هو عيد والناس تتجمع هما مقاطعينه كانه ماعندهم اخو … وماما ياما كلمتة اذا انتا ماتبغاني طلقني ورجعني عند اهلي وهوا يقولها تحلمي لاكن كل مايزعلو يقلها انتي طالق بالثلاث وعلى هالحال ويرجع تاني كانه ماسوي شي يقلها انا زوجك وليا حقوق وووو
وهو لا صلاة ولاصيام ولا شي يقول لاتدخلو فيني هذا شي بيني وبين ربي .
وقلنا خلاص اذا كان فيه شي مضايقة بنحاول نعدل في اسلوبنا صار يزعل من الشغل يجي يكمله علينا بدووون سبب والشرطة ياما ماما راحت يكتب تعهد وبعد كم شهر يرجع تااني
دايم معيشنا بخوف ورعب وزعيق لدرجة صرت اي احد اشوفه يزعق على عياله على طول اتخيل ابويا ..
ومرة ودانا استراحه والاستارحه مافيها لاموية ولاكهرباء ولا شيء لانو لسى ما اتكملت المهم سوى مشاكل وخلانا نبيت فيها بعز الحر والجوع وكان مقفل علينا الابواب وحتى الشبابيك فيها حدايد وقعدنا الين العشاء او المغرب تقريبا اليوم الثاني ونحنا هناك .
وربي خلااص انا طفشت واخواني واخواتي وماما طفشو اختي كذا مرة هربت من البيت والسبب هوا واخوي برضو نفس الشي …نحنا مانبغى فلوسه ولانبغى شي كل الي طالبنه الرااااحه لاغير ..يمكن انتو بتحكمو لاكن قبل لاتحكمو حطو نفسكم مكاننا ..
وحارم ماما واخواتي من كل شي تقريبا جوال نت خروج وحتى حارم ماما من سماع صوت اهلها
واخواني مرة معاهم طيب ومرة يقلب ..
انا جامعية لاكن ماصرت احس اني عندي قيمة في المجتمع او عند الناس والسبب هوا مسببلنا الرعب عالرايح والجاي .
لو رحنا حقوق الانسان هل ممكن يساعونا مانبغى نعيش معاها نبغى نعيش مع ماما لانو ماما قالت لو راحت حقوق الانسان بتخليه يطلقها وتاخذنا عندها .. هل بيسمحولنا ..؟؟ وايش تنصحوني .؟؟
ترى انا ماكتبت كل شي بالتفصيل علشان الوقت . نسيت اكتب انا من جدة من السعودية .
وياليت الي تعرف احد او عندها علم بحقوق الانسان تقلي كل الي نبغاه مانعيش عنهد نبغى نعيش مع ماما .
ايوة ، بلغي حقوق الإنسان ولما يضربكم روحوا للمستشفي وخذوا تقرير عن الضرب وبعدها ارفعوا قضية للمحكمه ويخلعوا امك منهومو برضاه ، الله يعينكم
ما ينفع يتلاعب بمسألة الطلاق ، كيف يطلقها
و يرجعها !!!
روحوا و إن شاءالله حقكم يرجع لكم و الله يهديه
بس كان يطلقها ثلاث ويرجعها تري حرام !!
وانا رأيي ليش ما تنصحوه اول الا ما تلاقين فيه ذرة خير ولو خلص مافي أمل اعملي استخارة حبيبتي صدقيني الله يعرف اكثر مني ومنك ومن كل الناس اين الخير لكي ,,
انا للحين نادمة سويت استخارة والله بين لي ان لا افعل شيء وسويته حسب اقتناعاتي واقتناعات اهلي ولكن طلع كلام الله هو الصح وياريت ما سويته !!
الله يكتب لكي الخير
حبيبتي روحو الهيئه روحو الشرطه حقوق الانسان وفي كمان بسمع عندكو بالخليج والسعوديه في هيئة الامر بالمعروف شوفوهم بلكي اجو وهدو عليه وتغير على ايديهم
الله يصلح حالكم ويهديه يا رب
وش هالاب الي مايخاف الله في زوجته وفي أولاده
مثل ماقالوا الاخوات اذا ضربكم روحوا المستشفى واخذوا تقريرا ووصلوه للمحكمه وتخلعه غصبا عنه
وبعدين يطلق بالثلاث ويرجع سلامات على كيفه هو