مرحبا .. اتمنى تساعدوني تفكون همي
ربي يفك همكم ..
مشكلتي متداخلة ومصيرية في نفس الوقت
بطرحها عندكم وكلي امل اطلع منكم بقرار يريحني ويريح ضميري ..
انا وحدة عمري 28 و ادور على وظيفة !!
وحنا بالبلد عندنا أزمة وظايف .. قد حصل واشتغلت كبائعة في محل نسائي
في مول لمدة سنة في قطاع خاص .. يعلم الله التعب اللي تعبته والبهدلة اللي عانيتها كله عشان
ما احتاج شي ..
انا انسانة من ذوي الدخل المحدود والشغل عندنا ما هو عيب ابد ,,
وانا انسانة احب اتعب على نفسي .. واحب اعيل نفسي بنفسي ولا احب اكون عالة ع احد..
المهم يا بنات انا ما اضطريت اشتغل إلا بعد طلاقي ..
كنت قبل زواجي اعيش بفقر بمعنى الكلمة و بزواجي الحمدلله عشت في بحبوحة .. الله يذكره بالخير (طليقي) ويسعده ربي.. ما كان مقصر معي بشي
لبست الماركات ولعبت بالفلوس لعب ,, والحين بعد ما تطلقت
ردت حليمة لعادتها القديمة حالتي ما اقول غير مستورة و الحمدلله
ماعندي مصرف .. ولا دخل .. وانا يتيمة الأب .. واخواني يالله نفسي محد يسأل
فيني ولا يساعدوني حتى بكلمة طييبة .. الله لا يحوجني .. وانا من النوع اللي
من صغري عندي عزة نفس مستحيل اطلب شي من احد لو شنو .. اصلا ما عمري
طلبت ولا تسلفت !!
حتى امي امي ما آخذ منها شي .. انا اصلا تعودت من اعطيها من قبل وشولن آخذ منها وهي برقبتها ايتام ..
امممم تعليمي ع قدي ,, ثانوي .. يعني تعرفون الوظايف المتاحة لي !!
ما علينا المهم انا قدمت ع وظيفة حكومية عسكرية ,, وسويت مقابلة وكل شي .. واغلب الظن والعلم عند الله .. انهم راح يوافقون علي بإذن الله وتوفيقه .. وينادوني قريب
لأن كل الموصفات المطلوبة موجودة فيني .. المشكلة يا بنات انهآآ تطلب الكشف
يعني بدون عباية طبعا !!
يعني بذمتكم تخيلوا شكلي عسكرية بعباية هههههههههههه خوش شي هع
المهم انا مو مرتاحة واللي مصعب الموضوع انه راح يكون فيه تدريبات على ايادي رجال .. وفيه ركض ورياضة وخبركم يعني تدريبات عسكرية ممكن انبطح واقوم واركض وهيك ..
بس فالأخير اغلب احتكاكنا راح يكون مع الحريم ..
انا بصراحه عاجبتني هالشغلة ..
لأنها حلمي والله من صغري احلم فيهآآ ..
بس مو مرتآآآحةة مآآآ اعرف والله وشلون ..
مع ان عندنا عادي مجتمعنا فرري عايلتنا عادي
وكل من فرح لي ويدعيلي تكون الوظيفة من نصيبي ..
بس اللي حاز بقلبي الاشياء اللي ذكرتهآآ .. انا انسانة ما اقولكم متحجبة بس في نفس
الوقت محتشمة اذا صح التعبير يعني ما قد رميت عباتي ..
ولا اعرف امشي من دونها احس شكلي غلط..
وانا ما شاء الله لا حول ولا قوة إلا بالله
طبيعة جسمي من النوع اللي يلفت ما شاء الله ,,
وش اقولكم احس فيني حيآآ مادري اغار علىروحي ,, احس بإحساس متناقض ..
واللي مخليني احتار اكثر ان انا واعوذ بالله من كلمة انا دايم على بالي فكرة الإلتزام
بكل ما تعنيه هذي الكلمة .. بس ما التزم استغفر الله .. يعني في الليل اقول اني من بكرا بتغطى
شريت لي برقع وقفازات وههيك ..
يجي الصبح واقول بكرآآ .. فيني خير بس لا فعل باين لا شكلي يوحي ..
إن الله لا يغير ما بقوم حتى يغيروا ما بانفسهم .. وانا لا اغير ولا اتغير ..
هذا انا عمرري يروح ولا ماشية لي ع درب لا ذا ولا ذا ..
أحس بإحباط + حماس بنجلط مو عارفه كيف ..
يعني وظيفة احلامي + تردد + حيررة اوففففففففف
بنات وش تشورون علي .. فكروا فيها شوي ,, ساعدوني ..
انا ما افكر بالزواج مرة ثانية .. ابي اشتغل و اصرف ع نفسي ابي دخل ثابت .. ابي سيارة .. وابي وابي وابي تعرفون انا بنت وكل شي خاطري فيه ..وكل شي غالي
بس في نفس الوقت ابي الستر العفو والعافية .. واذا اشتغلت بعد فكر ة التزامي بتروح
الود ودي ما اشتغل .. انا اشوف مكان الحرمة البيت .. بأمانة .. لا هي رجعية ولا هي دونية
بس احس بكرامتي وانوثتي ووجودي وكياني ف البيت ..
وش تنصحوني .. هل معي حق اتردد ولا لا .. ولا انا مكبرة السالفة
هل اقدر اوفق بين شغلي وإتزامي ؟1
هل اوافق ع الوظيفة لإنها المضمونه ..راتب + معاش تقاعد = حياة كريمة
ولا ارفض مع العلم قدمت اماكن كثيرة وبسبب الشهادة لن اتلقى اي اتصال ..
وهذي الوظيفة احسن عرض واساسا حلمي .!؟
آسفة ع الاطالة .. انتظر ردودكم بفارغ الصبرر ..
واللي بتقول لي اشتغلي من البيت ما في امكانية ابداً بتاتاً ..
الامكانيات معدومة وكذلك راس المال ..
ثانيا
اللباس العسكري محتشم و انتي قلتيها فترة و بعدها احتكاكك بيكون مع سيدات فقط
و بعدين الرجال المشرفين ع تدريبك شايفين بنات كثير. و بعدين راج يكونون يأدون وظيفتهم بس. صدقيني ما راح ينظرون لك بالطريقة اللي في بالك
بعدين انتي راح تؤدين خدمة لوطنك بغض النظر عن الجوانب المادية
راح يكون بك دخل ثابت باذن الله و رزق ربي يبارك لك فيه اذا اخلصتي النية لله
لا تردين ع اللي بيقولون لك اتركيه لانه ما يعرف حرارة الجمر الا واطيه
فرصة و جت لك على طبق من ذهب و مثل ما قلتي ما معك غير ثانوية
اذا مالك نية تكملين دراسة الوظائف العسكرية بتكون افضل شي متاح لك
توكلي ع ربي حبيبتي و استخيري قبل كل شي
ومن كل قلبي ادعي لك في غربتي ربي يوفقك
استخيريييييي
الله وحدو بس اللي عالم شو يصلح لك وخير لك لدينك ودنياك وعاقبة أمرك
صلي صلاة استخارة
بقلب منيب خاشع وتوكلي على الحي القيوم
الذي يعلم ما لا نعلم
استخيري وانسي وارمي حمولك على ربك هو يدبرك سبحانو
وتذكككككككري قول الله:
( وعسى أن تكرهوا شيئا وهو خير لكم وعسى أن تحبوا شيئا وهو شر لكم
والله يعلم وانتم لا تعلمون)
صدق الله العظيم
أسأل الله أن يوفقك لما يحبه ويرضاه..
على فكرة .. ما بعرف حسيت حبيتك من قلبي
وانا بقرأ سطورك والحب من الله..
حسيتك صادقة وشفافة وعفوية وعزيزة نفس ما شاء الله لا قوة إلا بالله..
موفقة
الله رزاق الموفق
مرحبآآآآآ بنآآآت
شلونكم عساكم بخير
انا صاحبة المشكلة
أولا حابة اعتذر لكم عن التأخير
اللي صار فصل النت عندي حاولت اتواصل معاكم من التلفون بس
لا قيت صعوبة شوي .. والحين رجعت الخط وحبيت اشكركم
وواشكر كل عضوة خذت من وقتهآ القليل وردت علي ..
اقولكم الله يحزيكن خير
و يرزقكم من حيث لا تحتسبن
ورربي هذذي دعوة من كلل قلبي
بقولكم شي .. انا ما كانت عندي مشكلة بمعنى المشكلة
ولكني مثل اللي كنت حآآيرة بأمري ولا زلت ..
الشي الجديد اني يا بنات والله العظيم من يوم اللي حطيت الموضوع
حآآآآسة بشي غريب .. اممممم حآآآسة بنسايم تشرح صدري وانا اللي دوم خلقي ضايق
حآآسة بخفة وشي ماعرف كيف ,, مدري كيف ..
ما راح اشرح بالتفصيل مو عارفةة اصلاً ولكن يا بنات ارجح الظن
ان دعوة في ظهر الغيب منكن ,, وجابت أثرر .. سبحان الله
مما شاء الله ,, لا حول ولا قوة إلا بالله
وانا هاليومين مستانسة وصدري منشرح ,, قلت اونسكم معاي
ع فكررة رحت المقابلة حق الشغل وتيسرت اموري .. والباقي بيد الله
ومن اليوم لي بكرا مدري وش بيصير .. ربي توفيقك ,,
والله يسترنا فوق الأرض وتحت العرض ويوم العرض ,,
المهم حبيت اشكركم عزيزاتي
لأن من لا يشكر الناس لا يشكر الله
ربي سعدكم .. ويفك همكم .. ويرضى عليكم دنيآآآ وآخرة
سلآآآآآممم
واذا كان لبس واسع ومحتشم وانتي بحاجه لهذه الوظيفه وافقي واتوكلي على الله
ودعواتنا لك