السلام عليكم خواتي العزيزات
الحوامل والمنتظرات للحمل
والله اني اشتقت لكم وايد
ولكن …
الشي ما كان في يدي
انا مثل ما تعرفون حامل
والحين انا داخلة ال14 اسبوع
وصادتني مشكلة النزيف
وبشكل جنوني
واكتشفوا ان المشيمة نازلة عندي وايد وتسد على عنق الرحم
لا حول ولا قوة الا بالله
والحمدلله على كل حال
وصرت يا اتنوم بالمستشفى
يا اجازة عن الجامعة والشغل بالهبل
ويعني بالمعنى الاصح كنت متضايقة بالحيل
وخايفة موت
ولكن الحمدلله الحين انا بصحة وبسلامة
والبيبي بعد
واتمنى تدوم الصحة عليّ وعليكم وعلى كل المؤمنين بحق هذا اليوم
يوم الجمعة
وعساها جمعة خير وجمعة مباركة علينا وعليكم
آآآآآآآآآآآآآآآآآآآآآآآآمييييييييييييييييييييييين
وفي الختام
اتمنى تسامحوني
بس انا شلت بخاطري عليكم
معقولة محد تذكرني
ومحد قال وينها اختنا
يلا المسامح كريم
وانا مسامحتكم من كل قلبي
واتمنى انتوا بعد تسامحوني على الغيبة
اهم شي انتي تكوني بخير والحمدالله ان الجنين بخير
والله يتمم عليك بصحه وعافيه
لاتزعلي اذا مافي احد سئل
لان انتي تعرفي الكل مشغول
بس الاكيد انك على البال
والف الحمدالله على سلامتك
اختك
الملح كلهـ
الحمد لله ع سلامتك وسلامت البيبي
وانشاء الله مافيكم الا العافية
حافظي على نفسك
وانشاء الله ربي يتمم لنا حملنا ويرزقنا بالذرية الصالحة المعافاة
ولاتزعلي المنتدي الفترة هذي بااااارد حبيتين
عشان الصيف والاجازات والسفريات
وتذكرتك لمن رجعت بس نسيت اسمك اللي اذكره انك جبتي بامبينو
وبعد فترة توفى صح فماكنت عارفة كيف
اسال عنك
الله يتمم لك حملك على خيير يارب
مشكورين ع المرور
وع الرد
والله فرحتوني
اختي العزيزة صفاء 2024
اي انا يبت بامبينو وعقب فترة مات
وطلعت بعدها بكم اسبوووووع حاااامل
كان مثل ما يقولون دفع البلاء عني
الحمدلله على كل حال
حبيبتي ما تزعلي والله انت دايما ببالي بس زي ما حكتلك فجر العفاف المنتدى كل وحدة التهت بحالها وانا بعد ما ولدت صرت ادخل بالسنة مرة بس اكيد ما نسيتك وما نسيت حدا من البنات خاصة بنات التجمع