الدوفاستون ودورتي العله
——————————————————————————–
هلا بفرشات المنتدى.. شخباركم .. حبيت اسولف ليكم عن حالتي ..
اولا انا متزوجه من سنه وشهرين تقريبا.. ولحد الآن الله ماكرمني بحمل.. ومشاء الله وزني هبره خخخخخخخ.. يعني فوق ال100.. <<<حاسبو على روحكم لاتنصدموون خخخخخخخخ..
المهم رحت للخاص حق اجوف ويش سالفت دروتي المتلخبطه.. وسوت لي الدكتور سونار مهبلي.. حق تكشف عن المبايض.. جافت كلشي اوكي عندي بس عندي تكيس على المبايض اثنينهم..
فوصفت لي حبوب الدوفاستون حق انظم دورتي مع الرجيم طبعا..
المهم هي وصفت لي الدوفاستون لمده 4 اشهر..
شربته اول شهر وجاتني الدوره الحمدلله بشكل واجد زين.. يعني نزلت علي بغزاره..
وثاني شهر نزلت علي ب4 ايام.. وثالث شهر الا هو كان بشهر رمضان جاتني بس يوم ونص.. استغربت..
واخر مره جتني كان يوم الخميس اللي فات بس يوم واحد وكان لونه خفيف بعد..
انا قلت هالحبوب ينظم وينزلها عدل.. ليش يعني انقطعت عني جذي..
شكيت قلت يمكن حامل.. رحت امس وسويت تحليل دم ومافي حمل..
خفت الصراحه من هالحبوب.. المفروض ينظم دروتي مو يقطعها…
فشنو انتو اتقولون.. فشنو تنصحووني.. ومن صادها نفسي..
يعني من بعد داومت على حبوب الدوفاستون لاكثر من 4 اشهر بغرض تنظيم الدوره.. وجتها الدوره عدل بدون مااتقطعها..!
وانا استعمل هالحبوب للتنظيم يعني ويه استعماله صارت جذي..
يعني لو انا تاركه الحبوب وخليتها ابروحها طبيعي تنزل بقول هاده من الوزن..
لكن ونا استعمله صارت جذي.. المفروض اتجيني عدل وعال العال.. بس وانا منتظمه على الحبوب صارت جذي.. ومستغربه ولله من هالشي..
وبالنسبه للوزن قالت لي الدكتوره نزليه.. واكييد بنزله لانه ادري مشكله هالوزن..
بس اللي محيرني ليش صارت الدوره عندي جذيه .. معنى اني منتظمه على الحبوب
انقذو اختكم الحيرانه بجواب شافي من عندكم