مرحبا يا نسوان يا حلوين، أول شي ما بعرف إذا مكان الموضوع هون بهي الصفحة بس معليه أنا جديدة وبدكن تطولو بالكون عليي
هو مو إستفسار قد ما دردشة أو متل ما منقول بالشامي أخد وعطا واللي عندا شي تفيدني وتفيد باقي البنات فيه بيكون كتر خيرها
أنا عملت عملية حقن مجهري من فترة بسيطة يعني فيكن تقولو اليوم هو خامس يوم من عملية نقل الأجنة أو (embryo transfer ) …العملية بحد ذاتها من أولتها لا اخرتها كانت سهلا الحمدلله، ابتداء من أول يوم ليوم الزرع أصعب شي فيها كان كمية الأدوية والإبر بس شو بدنا نسوي ما في شي بدون مقابل
المهم أنا من تاني يوم نقل وعم حس بأشياء غريبة عجيبة، أوجاع دورة، غازات، وجع ونغزات ناح المبايض بس مو متل الوجع اللي حسيتو بعد سحب البيوض، وجع مختلف متل نغزات بسيطة، في وجع بسفل الضهر كمان والأضرب من هيك جاية عبالي حلو بشكل مو طبيعي اليوم دورت متل المجنونة على شوكولا بالبيت وهي كلها أوجاع دورة وأنا بالعادة بتبلش أعرض الدورة عندي قبلها بعشر أيام ومالي عرفنا يا جماعة شو عم يصير معي… يعني بدها تجيني الدورة؟ ولا هي أعراض عادية؟ كلو كوم وموضوع الشوكولا كوم لأن أنا سمعت إنو ممكن تجي أعراض الدورة وممكن يكون ثبت الحمل بس ما سمعت عن حدا إشتهى الحلو بصراحة
اللي عندها معلومات تفيدنا وأهم شي ما تزبلوني لأني جديدة هة
شو وينكن يا نساوين شو ما حدا عمل حقن مجهري بيناتكون؟!
التزمي الراحة ولا تتعبي حاك الى يوم التحليل
|
المشاركة الأصلية كتبت بواسطة لطيفة بكلامي
 حبيبتي يا رب يكون هالاعراض أعراض حمل يا رب وتبشرينا
التزمي الراحة ولا تتعبي حاك الى يوم التحليل |
نشالله يا رب
|
المشاركة الأصلية كتبت بواسطة [,]n
ان شاء الله تكون اعراض حمل وربنا يفرحك بضم طفلك بين احضانك
|
شكراً حبيبتي الله يسمع منك يا رب