السلام عليكم ورحمة الله وبركاته
مشكلتي واضحه من عنوانها
مدري هي مشكله ولا انا مو طبيعيه
اكره الناس واحس انهم حسودين فيهم الخبث اكثر من الطيب
نادر بس الي اشوفهم طيبين
الاحظ ان كل واحد يبي يكون الافضل وبالمجالس دايم اسمع الغيبه والنميمه ما ارتاح بالتجمعات مع احد
وان تكلمت ان عندي شي اليوم الثاني اخسره او يخرب علي دايم اقول لنفسي لازم اصير منحفظه وحذره عشان اعيش بسلام
نفسيتي تعبت مابين اني طبيعيه ولا معقده
مع العلم من قبل كنت مرحه وخفيفة دم وظل واحب التجمعات والصداقات
الحين ماعندي احد ولا ابي احد اكرههم اكرههم افففف
بس مو كل صوابع ايد مثل بعض
لا انتي طبيعية حتى انا هاربة من الناس
و24 ساعة هنا
كأنكِ توصفيني تمآمآ !
ألوحدة ليست عيب دآمنآ لآنفعل شيء خآطئ ، ولأنؤذي أحد ..
لكن أخرجي شوي ، عشآن مآتفقدي ثقة بنفسكِ مع ألوقت ، ^^
حتى ألحديث مآتقدري بسبب ألخجل ألزآئد .. !
وكل مآقلتيه صحيح ، ألغيبة وألنميمة فآكهة ألمجآلس وزينتهآ ..
أستغفر ألله ألعظيم !
صح في ناس سيئين وحسودين بس مو كل الناس الحمدلله لسه في خير وفي ناس نواياهم خير
ويتمنو الخير لك
شيلي الافكار السيئه من تفكيرك واشتغلي ع نفسك اقري عن العقل الباطن وكيف يجذب الخير والشر
اتوكلي ع الله بعلاقاتك بالناس ودايم حصني نفسك بصفه عامه وامورك الي بتسويها او الي عندك لا تخبري اي احد فيها لحديث الرسول صلى الله عليه وسلم {استعينوا على قضاء حوائجكم بالكتمان}
خلي دائما نيتك الخير بالناس
,
الله يسعدك ويريح بالك
اي شي بتسوينه او بيصير لج لا تخبري احد عنه لين يتم الموضوع وينتهي
و حصني نفسج وثقي بالله و بإنه ما راح يصيبج الا اللي كاتبه
و يا حبيبتي الدنيا فيها الزين وفيها الشين … والبشر طبايعهم مختلفة
انا وياج انه اغلب التجمعات وخصوصا النسائية فيها غيبة ونميمة
لكن هذا ما يعطينا العذر انا نقطع نفسنا عن كل البشر
موفقة *.*
استغفر الله العظيم الذي لا إله إلا هو الحي القيوم و أتوب إليه 
اقعدي معهم وسولفي طبيعي شفتي شي غلط سوو شي غلط ؟ نميمه ؟ غيبه ؟
اعترضي على الي يسوونه وقولي لهم مايجوز
شي يضحك اضحكي ، وحده شكلها طيبه مايمنع انك تكلمينها وتسولفين معها
لكن الأشياء الخاصة فيك انصحك بالكتمان
وتذكري ان مهما كنتي حذره سبحان الله لازم تمرين بمشاكل وضيقة النفس
هذي هي الدنيا