بسم الله الرحمن الرحيم
ابدا في القصه من بدايتها .
خطبنا لاخوي بنت خالتي وشكله هو مو رغبان فيها او في الزواج العموم هذا جزء وليس مهم
.
ان شاء الله الزواج راح يكون قريب في الاشهر الجايه واخويه عليه ديون و قروض بنكيه و حالته حاله ومدري وين يودي نص راتبه يعني ما جمع اا فلوس للزواج ولا شي وطولت مده الخطبه لذلك ابويه قرر انه هو اللي يتكفل بالزواج والبيت وابوي من النوع المتسلط ويمشي الناس على رايه استجرنا يبت لاخوي شقة تكفيهم المهم راح ابوي واخوي يشترون لها فرش طبعا ابوي ما رضي احنا نروح معاه. هذا طبع في ابويه المهم اختاروا الفرش وانتم صراحة تعرفون كيف راي الرجال واحنا لا حول لنا ولا قوة المهم قطعوا الفرش وفرشوا فيه البيت صور اخويه فرش البيت وارسله لها علما ان امي قالت لخاله وعلمتها ان مالنا يد في شي المهم صوره وارسله لها زعلت البنت وقالت هذا حق الناس القديمين ومن الطراز القديم وارسلت لاخوي صور غرف اسعارها فوق المعقول ، المهم البنت زعلانه وهذي سالفتها وخلصنا منها في الليل اتصلت امها اللي هي خاله وتقول احنا ما نبغا هذا الفرش ولدكم بيدخل بينتي في عزا ولا وين!….المهم انا شقت الفراش ما كان مره شين يعني يمشي فيه الحال المهم قعدت تسب وما تبغا الفراش هذي مشكلتنا اللي ما ندري كيف نطلع منها نقول الله يعين على النناس من جد رضا الاخرين غايه لا تدرك
شوروا علي الله يسعدكم