اخترت الهجرة . محتاجه مساعده الطبيب يجيب 2024.

~ اولا: استخيري الله كثير لانه ما تعرفي ايش مخبيلك المستقبل هناك.

~ ثانيا: لازم يكون محرم معاكي اب او اخ عشان الدين والاسلام اولا ثاينا عشان انتي فغربه والغربه مو سهله وبصريح العباره لازم تحطي في بالك انه عمليت الاغتصاب والاعتداء وعدم الامان وغيرها موجوده بشكل مو طبيعي في الدول الاجنبيه ..ومو معقوله عشان دراسه تخسري نفسك وحياتك عشان كذا لازم تكوني متأكده انك مأمنه نفسك تمام وهذا مارح يتم الا بمحرم على الاقل.

~ ثالثا لازم تكوني مؤمنه نفسك مليون بالمئه من حيث المال لانه ما ينفع الاحتمالات في موضوع زي كذا لانه لو حطيتي رجل على ارض السويد لازم تعرفي ان معاكي بعد الله نفسك وبس واذا ما كنتي قادره تعيشئ بدولتك بسبب ضروفك فكيف رح تعيش في الغربه الي مافيها الا التعب في حالت اذا مافي احد معكي ومافي دخل ليكي اساسي يغنيكي عن كل الاحتمالات الي تحتمل الصح والغلط في نفس الوقت.

~ في دول افضل بكثير من السويد من حيث اللغه عشان التفاهم كمان من حيث التعليم ومن حيث الامان و الرخص المعيشئ حولي تبحثي اكثر .

~ لزم تفكري في موضوع الحجاب لانه حسب علمي في دول اجنبيه ما بتتقبل الحجاب للمراءه المسلمه واصلا ما بيحترموا المسلمين بيخلقولهم هناك الكثير من العراقيل ويتعرضوا للمضايقات فلازم تحطي هذا الشئ في بالك وتختاري دوله فيها احترام للمسلمين ودينهم والحجاب.

~ السويد معروف انها من ضمن دول الاتحاد الاروبي وفيزتها مو فيزه عاديه زي فيزة اي دوله عربيه او اجنبيه لا.. فيزة السويد هيا فيزة الشنغن وهي فيزه المعروف لدول الاتحاد الاروبي ومستخدمه داخل دول الاتحاد الاروبي بس .. عشان كذا لزم تعملي بحث عن كيفية استخراج فيزة الشنغن لان لكل دوله نظامها الخاص ومتطلباتها في استخراج الشنغن.

~ بالاخير حولي تعملي لك خط رجعه بحيث لو صار عليكي شئ هناك تعرف كيف ترجعي لدولتك اقل شئ.
……………………

ولازم تعرفي انه اذا ما عرفتي تعيشئ بدولتك بسبب ضروف معينه كيف رح تعيشئ في غربه معا ناس مارح ترحمك ولا تساعدك لو احتجتي شئ ..فكري بهذه النقطه كثيييييييير.. لانه ممكن تكون دولتك ارحم بكثير من غيرها والدراسه والتخصص ادرسيها بدولتك افضل بكثير..

بتمنى تخذي كلامي على محمل الجد لانه بنصحك مثلما انصح نفسي يمكن الان تقلي نصيحه من اخت بالله بس لو سافرتي مارح تلقي احد يساعدك حتى لو بنصيحه .
…………………..

هذا رائيي ولكي حرية الاختيار