النهاردة يا بنات جايبلكم صور اباجورات جميلة مزينة بشرائط وورود الساتان تقدروا تنفذوها بسهولة ولو عندكم اباجورات قديمة تقدروا تجددوها وانا جايبلكم الطريقة بالصور :
دي الاباجورة المتجددة…تقدروا تشيلوا القماش القديم بتاع الشابوه و تحطوا قماش سادة(قطيفة-ساتان…) و بعد كدة تطرزوا بالورود و الشرايط بالاستعانة بالفيديو اللي تحت
مثلا الاباجورة دي جبنا قماش كانافا او ايتامين و لزقنا عليه ورق النابكينز باي صمغ و بعد مينشف نشده علي طارة و نطرزة زي ماهو باين في الصور و نسيت اقولكم ان احنا نلف شريط الايتامين علي الاباجورة علشان ناخد مقاسها و بعد كده بنشيله و بنشده علي الطارة زي ما قولتلكم و اخر حاجة نقص الورود و نخيطها علي الشابوه و حيبقي عندنا اجمل اباجورة
وشريط الاياتمين بالنابكينز نقدر نطرز بيه حاجات كتير (فوط-ملايات-مفارش….)
اتمنى الموضوع يعجبكوا
ده لينك الفيديو اللي فيه كل الغرز وطريقة الوردة:
تعليم التطريز بالشرائط خطوة بخطوة | Part 1 :Learning Ribbon Embroidery‎ – YouTube
دمتي بخير وسعاده