بسم الله الرحمن الرحيم
((لحظة الصمت))
لاهنت ياللي بإنكساري تبسمت
يحق لك دام المشاعر عطيبه
ياما حضنتك في عيوني إليانمت
واليوم تطعن في حشايه غريبه
ماظنتي مرت عليك وتألمت
قلبك خلي ماظنتي فيه طيبه
لحظه ولكن ماجبرها سوى الصمت
ألا قسم بالله لحظه عجيبه
ياهي رضت بأن الهوى يقبل الشمت
ياأنا قنعت أن الهوى بي إغدي به
بس الأكيد أني شربت وتعلمت
ومحيت من وسط المحاني حبيبه
لأحدٍ معاتبني على الوقت لوهمت
مادام راسي معتلي بالرقيبه
ياحب أنا عن رشفتك بأعترف صمت
وبالله طاري رحلتك لا تجيبه
أبعد مسارك لاتجي لو تكرمت
ماعاد به من يتبعك ينهقي به
أسرفت فيني مازعلت وتكلمت
ماكنت أحسب أن اللبيبه لبيبه
أثر الذكا يطعن من الخلف مادمت
طبعك عزيز ولاتحب الغليبه
يالله دخيلك بالنقا لو تعشمت
هالوقت..لا لا.. لاتعشم مصيبه
لأنك إذا أخلصت بكرا تندمت
تلقا الشقا بين الطليب وطليبه
واليوم أنا ياحب أجزمت وأجزمت
صدري ترى ضمن الصدور الرحيبه
لكن رحلت ولو رجع لي.. تبسمت
بأجاوبه هل يقبل الظن خيبه؟؟
…..}عزوفه
جميلة جدا
واحلى تقيم
تسلمين اختي.
إنتقاء قمه فالروعه والذووق
لاعدمنا هالذائقه .
يقيم
مودتي
كلمات رائعه لامست احاسيسي
سلمت يمينك وحرم الله النار عن جسدك
لك ودي قبل ردي