السلام عليكم
بقولكم على موقف صار بيني وبين خطيبي
بس بغيت اقولكم على نقطه يمكن ماتعرفونه وهو ان يوم خطبني ولد خالي امي ماشرطت ولاشرط الا ان لايجي يتكي عندي بس قالتها بشكل البق من كذا يعني معناه لايجي خير شر يزورها مكالمات كيفهم بس خواتي واخواني ماقصروا باتفاق معاهم اشوفه من غير علم امي
طيب موقفي هو ان امس الساعه 11 الظهر دق علي من الدوام وقال انه راح يروح يتغدى بالعزيزيه مع اهله (العزيزيه هذي معروفه بالخبر انا من سكان المنطقه الشرقيه)المهم قلت له بالسلامه عاد انا يوم جلست من النوم على الساعه1عرفت من زوجة اخوي انهم بيروحون العزيزيه عااد انا انبسطت قلت فرصه اقوله ويجي مكان ماحنكون جالسين ونتمشى شوي على هالجو الحلو وفعلا وانا راكبه السياره ارسلت له مسج حبيبي انا رايحه مع اخوي العزيزيه انشاءالله نتقابل هناك المهم وصلنا وجلسنا ةتغدينا وانا كل شوي اطالع الجوال الحين بيدق الحين بيدق اطالع السيارات اللي واقفه يمكن المح سيارته المهم جاني اتصال من اختي ان ام زوجها خذت احفادها وراحت العزيزيه هي وبناتها ام زوجها تصير لام زوجي اختها من ابوها بعدها عرفت انهم مع بعض رايحين انا مازعلت بس اللي زعلني ليه مادق وانا قايله له بكون في العزيزيه المهم جاء وقت المغرب وقال اخوي يالله قمت وانا مقهوره منه المهم وانا بالسياره ارسلت له توقعتك تدق علي وتسألني عن مكانا عشان تجيني
طبعا مادق علي الين ماوصلت البيت دق وانا طبعا خلاص مفوره منه جيتي قلت ايه قال طيب الحين انتي بالذمه شلون تبيني اجيج تبيني اخلي اهلي بروحهم واجيج عاد انا الغبيه مارديت عليه وقلت له اتوقع اهلك ماهم بروحهم بس انهيت المكالمه وانا متنرفزه وقلت له على فكره انا بروح زواج يازعم يبي يلطف الجو عاد انا اقول بجيك اليوم مارديت عليه كل اللي قلت له بس انا بروح الزواج وانهيت المكالمه كلمني بعد ساعتين رحتي قلت لابسه عباتي وعلى فكره ماراح اخذ جوالي لان كاميرا
وبس رحت العرس وجيت الساعه2 دقيت عليه مارد وادري نايم لانه دوام الصباح
ادري طولت عليكم بس عشان تحكمون من الغلطان فينا
بعد مافتح عيونه على 4 قبل الاذان دق علي ونفسه بخشمه ومايكلمني بنفس قلت له ايش فيك قال مالك دخل اخذت معاه وعطيت من غير فايده انهى المكالمه ممكن تخليني انام قلت له طيب وسكرت
اليوم يوم كلمته طلع اللي مزعله موضوع اني ماابديت اي شي يوم قال لي عاد انا ابي اجيك وزعلته يوم قلت على فكره ماراح اخذ الجوال
تناقشنا بموضوع العزيزيه وليه مادقيت قال طيب انتي ليه مادقيتي قلت له انا انتظرك انت تدق وانا عطيتك خبر اني بكون في العزيزيه ايش تبي اكثر تبيني ادق واقول تعال وانا بالمكان الفلاني انت لي انت ماتبادر المهم بعدين قال وبعدين انا ماكنت بالعزيزه البر انا بقرية العزيزه وعلى فكره مايبعدون عن بعض الا10د المهم قلت له مو عذر قال انا وجهي مو صلب قلت يعني تبيني انا اللي ابادر انت الرجال وانا مهما يكون انا الحرمه وطبيعي ماراح اخطي هالخطوه المهم بعدين نرفزني وقلت له حساسيتك صايره على الطالعه والنازله وعصب وانهى المكالمه وارسل لي مسج انا بتعاملي معاج هذا اللي خلاج تتكلمين معاي بهالاسلوب
لا تعيدين وتزيدين في الموضوع .. انتي بينتي انك زعلتي .. وهو اتصل ولا تعكرين الجو..
واثقلي شوي … يعني رسالة وحده باليوم كفااااااااااااااااااااااااايه واتصال واحد … عشان لا تتعبين نفسك
وتقولين انا اتصل وهو ما يتصل …
حطيه براسك عدل اثقلي ع الولد لان لو استمريتوا كدا صدقيني راح تسير مشاكل مو مشكله وبس"""""""""
خلي مكالماتك معاه رسميه الين الزواج ……..
وصدقيني راح تبع المشاكل عنك
انا معاه في هذه النقطه
تخيلي هذا صار في اخوك
يرضيك اخوك يخليكم في اسوق بلحالكم ويروح يتمشي مع خطيبته اكيد رح تنقدين عليها
بلعكس لازم تكوني فرحانه له عشانه مطلع اهله للسوق ومشيهم ترى الي مافيه خير لهله مافيه خير للناس
وانصحك نصيحه خليك ثقيله شوي
وانتي غلطانه في حقه موبس انتي حتى هو بعد عشانه مارد على رسايلك
بس انتي غلطانه اكثر
وهذه وجه نظري لك اتمنى ماكون زعلتك بس انتي طلبتي النصيحه
على العموم هو برر لك موقفه
ما قدر ياتي اليكي لانه ما يتطيع يترك اهله وحدهم وممكن يطول معك
وكما قلن لكي الاخواتي لا تكثري معه الحديث لا بالجوال وحتى مقابلته كتير
خليه هو ليشتاق لك اكثر منك
وكوني ثقيلة حتى تصيري زوجته اعملي معه الهوايل لانه يكون وقتها حلالك
(عمر الرجال مايتنازل )الحين اذا صار نصيب بينك وبينه وتزوجته راح تقابلكم كثييييير من الخلافات سواء كنتي انتي الغلطانه ولا هو بس خلال هذي الخلافات انتي الي تنازلي وروحي قوليله خلاص حبيبي انسى السالفه لانك لو استنيتيه يجي يراضيك راح تعفنين وهوا ماسال عنك بما انك لسا ماتزوجتي ابغى انصحك نصيحه اتمنى تسوينها عشان ماتغلطي الغلط الي انا غلطه روحي مكتبة جرير وخذيلك كتابين راح يفيدوكي كثيييييييييييييييييييييييير الي هم
(الرجال من المريخ والنساء من الزهره)وسعره25 ريال والثاني وهوا الاهم(لماذا لايستطيع الرجال اداء اكثر من مهمه في وقت واحد ولاتستطيع النساء الصمت)وسعره15 ريال والله راح تفيدك انا ماكنت اعرف اتعامل مع زوجي وكنت احسبه من كوكب ثاني طلع مو بس زوجي الرجاااال كلهم كذا هذا الكتاب راح يخليك تعرفي كيف تتعاملي مع حياتك الزوجيه الله يوفقك دنيا واخره اختك فوفو