وهذي مجموعه من قصائد الشاعر عواد الطواله
الصدفة اللي جابتك دون ميعاد = ليته تكرر قبل ما اموت مره
ياساعة ما داج بها كل حساد = راحت على الحساد فوت ومغره
لولا الرجا في وقفة اليوم تنعاد = لاقول يا حساد والاحباب حره
وش تحسدوني والهوى جرح واشهاد = بلوى وخيره ما يجي ريع شره
وأن صح لي شوف عقب خوف واجهاد = ودقيقة مابها عليكم مضره
هذا وشوفه بالسنة يوم ما زاد = شلون نوفي كل مااروح مره
وله هذه القصيده
وش مزعل الناس في يوم جيتك = وش دخله للشماته بينك وبيني
ياكبر غيظ الخواطر يوم مريتك = أكبر في اللي شمعت وشفت في عيني
لو في يدي شي ما احبك ولاجيتك = مشاعري يا بعد حيي تمشيني
والله ما اخترت حب فيه خصيتك = لكن حبك وجدته عايش فيني
ماهو سبب ميزة من شانها أغليتك = أشوف أنا كل شيء فيك يغليني
واليا كتبتك على شعري وغنيتك = لا جايبك لي ولا يحكم وديني
وكل العوازل زعلهم ليش حبيتك = لي الشرف يوم تزعلهم وترضيني
وله هذين البيتين يفتخر بشمر
أقوله وربعي شانهم بالحرب شان = أنا لابتي شمر تقابس مشاهيبه
على عهدنا الاول ولا فيه واحد خان = نصون العهد وبصحة الصدق نعفي به
أقوله وربعي شانهم بالحرب شان = أنا لابتي شمر تقابس مشاهيبه
على عهدنا الاول ولا فيه واحد خان = نصون العهد وبصحة الصدق نعفي به
صح السان عواد خلف,,,,
على راسي والله فديتهم’’’’’
إنتقاءات رائعه للشاعر المميز’’’’’
ننظر جديدك,,,,
دمتي بود,,,,
أشكرك جزيل الشكر على القصيدة المؤثرة والراقية
طرح متميز بارك الله فيك وفي إنتظار ابداعاتك القادمة