انا وشغل البيت -لصحتك 2024.

السلام عليكم
اول نقطه قبل ماابدا انا عارفة اني اتحمل جزء كبير من الغلط وابغاكم تساعدوني مو تلوموني..
مشكلتي هيا اكرررره شغل البيت بشكل فظيع من صغري مااحب اشتغل ابداااا
ومااقدر اقول الشغالات السبب لأنو فيه كثير عندهم شغالات ومع هذا تلقي البنت نشمية وصقرة ونظيفة بطبعها وتحب تساعد وتشيل وتحط..
انا مع الاسف مو كذا فظييييعه جدا جدا كسولة واكره اشتغل او التزم بأي حاجة دايما شغلي ااجله لآخر لحظة ..
مااخفيكم هذا الاسلوب متعب جدا ويسبب لي ضغط لكن حليمة ما سابت عادتها القديمة بكل مرة ارجع للخطأ نفسه وكل شي اسويه بآآآخر لحظة..
مع الاسف سار طبع وعادة..
طبعا مأثرة عليا بشكل كبير واهمها ذحين شغل البيت ..يالله انا والبيت مانتفق زي ماقلتلكم من صغري انا كذا فظيعة مااساعد ولا اشيل ولا احط الشي الوحيد اللي اتقنه المطبخ المعه تلميع وانظفه بس بعد ماايش اسيب الصحون تتراكم وتتكركب وانظف..
قبل الزواج كنت خايفه يأثر هذا الموضوع عليا وصارحت زوجي قلتله اني مااعرف اشتغل..
طبعا ايام الملكه والتميلح قال مافي مشكله وبتتعودي..
بعد الزواج بدأت الكوارث .. البيت بحاله يرثى لها والملابس عمرها ماترتبت المطبخ بعد ماتتراكم الدنيا انظف البيت نادر ماانظف الا اذا بيجينا احد او ارتب ترتيب عادي..
لما جيت افكر مع الايام سرت اعرف انظف ( لانو اول فعلا مااعرف) لكن ذحين تعلمت للكن جداااا اكره شغل البيت ف اطنشه وااجله ..
طبعا ايش النتيجه زوجي غاضب زعلان ومتنرفز وبس يخاصم ( ومن حقه لانه في اشياء مو مرتبة او ماجله)..
سرت اجيب شغاله بالساعه بس مرة وحده كل كم شهر عشان الفلوس مافي..
يعني هذا الحل سار صعب بسبب الماده ..
ف زوجي قال اول عذرتك عروس بعدين حمل بعدين دراسه لكن ذحين اجازة مالك عذر
صح كلامه لكن والله طول الاجازة مانقر بالبيت لانو تعرفو وقت الاجازات تجي الزيارات وجمعات الاهل والاقارب مانقعد اصلا
في البدايه كنت احس بالذنب بشكل كبير لين اكتشفت اني مني لوحدي بنات كثير كذا اقرب شي سلايفي نفس الوضع ياخذو شغاله امهم تنظفلهم وكمان صحباتي نفس الوضع بالعكس استغربوا كيف ماعندك شغاله ( طبعا يقصدوا عدد محدود بالاسبوع وتروح وتجي)
اعرف بتقولو دلع ومجغنه بنات لكن والله ماامزح انا فعلا انسانه جدا جدا كسوله واكره الشغل وحتى ابويا قال لزوجي بنتي وانا اعرفها مستحيل تشتغل جيب شغاله وريح راسك..
وذحين زوجي غير الخصام والزعيق سار يضغط عليا باساليب ثانيه مايخليني اخرج او اذا خرجني شوييية وهوا مرجعني وانا بموت ع القعده عند اهلي غير مهمشني لا يحضن ولا شي متعمد ويقول عشان ماتنظفي..
ممكن تقولو احسن عشان تتعدلي وانتي غلط
لكن معليش اسلوبه احسه استغلالي بالله عشان نظافه يسفهني كذا (وبالمناسبه انا مرة تحسنت عن اول الزواج يعني البيت بشكل عام مرتب ومقبول لكن هوا يبغاه يلمع من كل النواحي) يعني لو كان البيت يقرف وحالته حاله زي اول الزواج كان قلت من حقه اما ذحين لا ..
حتى قلت انظف عشان طاعه له..لكن افكر اقول ماابغاه يستغلني بهذا الاسلوب انو يسفهني ويتجاهلني عشان بيت مو مرة نظيف!!!..
قولولي ايش اسوي وايش رايكم بدون تجريح لو سمحتوا لاني مني محتاجه اللي تجرح خطاي وعارفته..بس ابغا اعرف كيف اتعامل مع اسلوب التجاهل هذا..

وبالتوفيق

المشاركة الأصلية كتبت بواسطة ~Romantic~ عالجي نفسك اولا يا اختي قبل ان تطلبين منا علاج لتعاملك مع زوجك ما اظن كلامي جارح لكنه حقيقة حاولي تصلحين نفسك شوفي يا اختي قولى تعالى (لن يغير الله مافي قوم حتى يغيروا ما في انفسهم ) اختي زوجك ما راح يغير تعامله معاكي الى ان انتي تغييرين من نفسك وبالتوفيق

فعلاً حآولي تغيري من نفسكِ ، ضعي لكِ جدول لترتيب منزلكِ ..
وكآفئي نفسكِ بعد الترتيب ، صدقيني زوجكِ بيغير تعآمله معآكِ إذآ شآف منكِ ..
إهتمآم بمنزلكِ وَ بنفسكِ وَ فيـه ، لآزم يرتآح ببيتـه ولآ حتخسريـه ..

من الطبيعي ان تكرهي شغل البيت لانك تعلمين ان هناك الكثير من الاعمال المتراكمة
افضل حل هو ان تستيقظي باكرا وتقومي بالتنظيف
كل يوم نظفي غرفة او جزء من المنزل
صدقيني ستشعرين بالسعادة والاطمئنان والراحة
جربي ولن تندمي
وفقك الله

المشاركة الأصلية كتبت بواسطة مبدعة بإمتيآاز مساكي فل غاليتي قرأت مشكلتكي وأنا حابة أساعدك جدا ….بس ما عندي إلحين وقت أكتب بس إذا سمحتي لو كنتي عضوة تواصلي معي ع الخاص المشكلة إلي أريد أقوله مرة طويل ويحتاج أتواصل معك هذا إذا تريدي غاليتي ادعيلي بالشفاء وفي حفظ الله ورعايته… يارب ربنا يريحك

اياكي تتراسلي معاه
لوعندك شيء احكيه هنا لمادا الخاص
لو ما عندك وقت خلي حتى تلاقي وقت وانصحيها
انا شاكة انك صرصور