السلام عليكم ورحمة الله وبركاته
شغالتي اسلمت ولله الحمد بواسطة مكتب الجاليات وقالو لها كل اثنين تجيهم لمدة ساعتين تاخذ دروس اسلاميه وبعد 10 دروس تختبر ويعطونها شهادة الاسلام
والله الي اشوفه بالشغاله انها جاده بسالفة الاسلام محافظه على الصلاة وتسألني كثير عن اشاياء تتعلق بالصلاة والاسلام وتقول مرتاحه انها اسلمت وفي اشياء كثير كانت تجهلها وعرفتها يوم اسلمت وناويه تخلي اهلها يسلمون حتى بكت يوم اسلمت من الفرحه
المشكله هنا انا ساكنه مع اهل زوجي بشقه فوق وهم دور تحت والشغاله تشتغل عندي وعندهم وكانت تتضايق من قبل ومتحمله علشان لقمة العيش مسكينه وراحت 3 مرات الجاليات وصارت مشكله مع اهل زوجي جاتني الشغاله تشتكي تقول ان خوات زوجي مايعاملونها زين وانها ماتبي تشتغل عندهم
(هي من قبل الشغاله قبل لاتسلم تشتكي منهم )
وقالت لو بنزل بشتغل عند امه بس ماتبي تشتغل بالغرف وهذا شي من حقها لان بجد تعب عليها
وكلمت زوجي انها ماتبي تجلس وقال لامه وعصبت اول شي وتقول محد خربها الا مكتب الجاليات من اسلمت وهي متغيره وتقول كل مني انا يوم فتحت هالباب وتتحلطم الله يهديها
ووافقت اخر شي وقلت للشغاله خلاص محد بيكلمك من خواته واقتنعت ورضت تجلس
هنا المشكله
ام زوجي قالت لزوجي لاتوديها الجاليات يخربونها الشغالات الي تقابلهم وتقول له من اسلمت وهي مستقويه علينا وكل تبي تصلي وتغيب نص ساعه عن الشغل علشان تصلي سمعت ام زوجي بنفسي تقول كذا متضايقه علشان الشغاله تخلي الشغل وتصلي وتقول لزوجي مو كفو توديها الشغاله ماتمشي كلامها عليكم وتهدده لو وديتها لاتنزل عندي ( يعني بزعل عليك )
ام زوجي تفكر ان الشغاله مو جاده بسالفة الاسلام وانها تكذب وتكرر علينا قصة شغالة اختها اسلمت ويوم جات بتسافر رمت كل كتب الاسلام وارتدت
ما ادري ليه تفكر ان كل الشغالات الي يسلمون بيسوون نفس شغالة اختها
وزوجي بار بأمه مره ومايرضى بزعلها
ادري لاطاعه لمخلوق في معصية خالق
لاتقولون لي كلمي ام زوجك لان ام زوجي مستحيل تسمع لكلامي انا موعاجبتها ليه الله اعلم
مع اني وربي يشهد علي ماعمري غلطت معاها ومحترمتها بقوه والدليل الشغاله لي واخليها تشتغل لهم اكثر مني وساكته وعندي 4 اطفال وموظفه والله حتى هدايا اهديها اكثر من امي
ترا ام زوجي انسانه متعلمه و تصلي وتصوم وتتصدق وتاخذ عمره كل فتره ماشاء الله وفيها اشياء زينه كثيره
بس مشكلتها لسانها وسوء الظن بالناس الله يصلحها
وهي عندها 5 بنات كبار بالبيت اكبر وحده عمرها 33 واصغر وحده 15
وانا صابره على كل هذا علشان زوجي وعيالي بس مابي اسوي مشاكل وافتح باب ام زوجي دايم تسيء الظن فيني علشان كذا ماتكلم معاها
والله يابنات اني متضايقه حيل مو بس هذي مشاكلي
الشغاله جبتها لي وانا الي ادفع راتبها ويشاركوني فيها حتى زوجي يقصر معاي علشانها يشهد الله اني اسكت لوجه الله واقول امه معليه
ام زوجي ابد ابد مو شايفه نفسها غلطانه وواثقه انها دايم صح وان كلامها ونصايحها كلها درر يعني الي يقول لها لا غلط يمكن يصير عدوها
واكبر مشكله انها ماتحس ان الي تسويه غلط ومقتنعه من نفسها
يمكن صعب تلقون حل لمشكلتي بس انا مستفيده ان شاء الله من دعواتكم لي واني فضفضت لاني شايله هم بقلبي ومحتاجه احد اطلع له الي بقلبي
شوفي اختي انا ما عندي خبرة في الشغالات بس الصراحة انا احس انها هالشغالة فعلا مظلومة سواء كانت مسلمة او غيره.. وهذي انسانة لازم ما تحممل اكثر من طاقتها.. يعني هي جاية على بيت وتاخد راتب واحد والمفروض تكون مسؤولة عن تنظيف وترتيب هالبيت وبس
وبصراحة هذي االشغلة مافيها زعل المفروض ام زوجك اذا تخاف الله تعرف اللي لها واللي عليها وما تطلب الشغالة عندها خاصة انها عندها بناتها.. الشغالة هذي انسانة مو مكنسة كهربائية او جلاية صحون تعيريها لأم زوجك وتستخدمها ليل نهار وتزعل اذا ما اعطيتيها
والله انا من رأيي يقوللها زوجك انها الشغالة مكلمة المكتب وتبي تشتكي علينا لأنا نشغلها في بيتين وتعبانة ومو راضية تكمل وهذا حقها.. واذا محتاجين شغالة نجيبلكم وحدة ثانية على عيني وراسي
انا هذا رأيي وبالنسبة انها ما تبي توديها لعند الجالية ما عليكم منها.. قوليلها اللي يهدي انسان للاسلام له ثواب عظيم.. حتى لو كانت مو صادقة ممكن يعجبها شي في الاسلام وتعتنقه من قلب.. واهم شي لازم تشوف تعاملنا كمسلمين من رحمة وتواد وتراحم
ممكن حبيبتي تخلوها تسمع فتوى او شي فهالموضوع ممكن يرق قلبها
الله يهدي ام زوجك يارب
والله العيشة مع الحمولة تجيب الضغط والسكر ..
بس انتي ماشاء الله تبارك الله باين عليك رزينة وعاقلة ومن ناحية نقها على اسلام الشغاله .. ذكروها بالاجر الي بتاخذه من ورى اسلامها .. اجر عظيم وتصبر وان غابت نص ساعه وش بيصير يعني … وبالاول والاخير مو لها الشغاله وش دخلها ابي افهم <<< مرة معصبة
مدري والله وش اقولك بس الله يعينك على بلواك … و يسخر لك زوجك وام زوجك
ويسخر زوجك لك ويسعدك
والحمد الله كل مصيبة اهون من مصيبة الثانية الله يكون بعونك ياارب
وارجوكم يااخواتى تشوفون حل لمشكلتى
والله مقهورة وودى ابكى الحمد الله يارب على كل حال
والله فعلا اني اخاف الله بهالشغاله تشتغل فوق وتحت وهي اشتكت لي من تعاملهم معاها زفت وقالت لي انها جالسه وصابره علشاني وهي حابه الاسلام
زوجي مره مايحب يزعل امه لو زعلت عليه ينقلب مزاجه ويتغير حتى علي ونفسيته تصير زفت
وانا عندي ولد واكيد اذا كبر ابيه يبر فيني علشان كذا اخاف الله واسكت عنه وعن امه مع انها غلطانه باشياء كثيره والله حتى بنتي تجيني تصيح اقول لها وش فيك تقول جدتي تقول لبابا بزوجك وبنتي الثانيه تجيني تقول جدتي تقول عنك غبيه
طبعا مابينت لبناتي اني تضايقت وقلت لهم جدتكم تمزح ولاتنقلون كلام تسمعونه عيب
والله بداخخلي انجرح واصيح قهر والله ماعمري غلطت عليها مدري وش فيها المشكله شايفه نفسها توب
الله يعين وبحاول بزوجي نودي الشغاله الجاليات حرام كذا مسلمه حديثه وودها تتعلم ويحرمونها
وبعد ازيد واقول ترا ام زوجي فيها اشياء زينه كثيره بس احتار معاها بقوه مره تصير زينه انبسط واتحمس واقول واخيرا فجأه يجيني شي منها يحطمني 10 سنين متزوجه ةعايشه مع اهل زوجي بشقه فوق وليومكم مو عارفه ام زوجي
الله يهديك
موكله امري لله ومالي بالهسوالف