السلام عليكم
بنات انا لسة في فترة ملكة بس اخواني ماكانوا راضيين فيه بس حصل العقد وتمت الملكة على خير ولله الحمد
الحين اخواني داايم يتريقوا على خطيبي الي هو يعتبر زوجي
مثلا على شكله ولونه وجسمه استغفرالله يارب
والمشكلة يتكلمون فيه عند الناس ويتريقوا عليه
على كل شي فيييييه
ينتفوونه تنتييف
كثيييير يجرحوني بالكلام كنت ارد عليهم واقولهم احترموا نفسكم بس مافي فايدة صرت اسكت وابكي بحررقة
كثير يأثر فيني كلامهم ويفتحوا عيوني على اشياء
بنات افهموني كويس عيشوا معي الجو شوي
مثلا يقولوا لي كيف راح يطلعوا عيالك؟؟؟ بحكم لونه يعني هو اسمر ,, غامق
بس انا راضية فيه وماعندي مشاكل بس احيانا افكر بالمواضيع هذي
يرسلوا صور لبعض ويقولوا هذا يشبه فلان ويضحكوااا وانا احترق
ومايصدقوا يسمعوا اي شي عشان يمسكونه عليه
انا ماانكر ان زوجي فيه عيوب وكل انسان مايخلى من العيوووب
على فكرة اخواني كبار ومتزوجييين يعني فاهمين عيب عليهم يسوا كذا
المشكلة يابنااات احيانا مااكون طايقاه(خطيبي) ماعرف
صرت اشوف كل عيب فيه وامسكه عليه
احياناا اقول ليتني ماااوافقت استغفرالله بس ارجع اقول هذا نصيبي وربي كتبه لي وانا الي وافقت عليه محد غصبني
امي وابوي عادي جدا
بس اخواااااني يجرحووووني
وهو يعرف ان اخواني مايحبوه لانه قد قالي هالكلام
ايش اسوي بنات كييف اتصرف؟؟؟
لا تشمت باخيك فيرحمه الله ويبتليك
لاحول ولا قوة الا بالله.. كبار لكن عقولهم صغيرة
اذا في شي يعيبه باخلاقه او دينه كنت قلت لك اتركيه بس من شكله ما يجوز حرام
الله يعينك
شوفي حاولي تتكلمي مع اخوانك وتفهميهم انك راضيه فيه
حتى لو جلستي معاه او تكلمتي راح يخطر ببالك ان اخوانك تكلموا عليه في هالنقطه وتزيدي انتي عليها مثلا،،، لو كان يلبس نظاره واستايلها مو حديث واخوانك علقوا عليه
وانتي جلستي معاه راح تذكرين كلام اخوانك عنه وعن نظارته وتريقتهم ولا شعوريا راح تأيدينهم بداخلك وتعززين كلامهم بشكل اقسى راح تقولين صحيح كانه شايب او متخلف مايعرف يجاري الموضه والناس
ليه مايغير حاله ويهتم وهكذا قيسي على كل الامور
يعني هم راح يعطوكي الشراره وانتي تولعيها
نصيحتي لك ماعليكي منهم خليكي واثقه من زوجك وحالك ووقفي لهم قولي عادي يعجبني وعلى قلبي مثل العسل
موانا تزوجته راضيه فيه وقبل ماتزوجه شفته ومقتنعه فيه ماعليكم مني
وانصحك انتي متزوجه اطردي هالافكار من راسك ولا تخلينهم ينتصرون عليكي وسدي اذونك عنهم
واذا جوكي بالبيت لا تطلعين عندهم كثير خليك مشغوله باي شيء
وبعدين شوي وتتزوجي وتروحي بيتك ولا راح تشوفينهم مثل قبل
صدقيني لو تركتيه لهالسبب الغير مقنع ماراح ينفعوكي اخوانك كل واحد ببيته وفي حضن زوجته
ولا راح يفكر فيكي احد
واذا امك وابوكي عايشين الله يحفظهم اليوم بكره مااحد عندك الكل لاهي ولا حابه تكوني تحت رحمة زوجات اخوانك ؟؟
فكري واحسبيها صح
الله يوفقك ويربط على قلبك ويهدي اخوانك
حبيبتي هم يمزحون ترا عادي لازم يعلقون لوانا منك اغيظهم اقول لهم احلا شي الشكلاته
كل ماقالو شي اقول انا العكس واخليه احلى راح يسكتون
بس ام انهم يتكلمون فيه عند الناس ترا عيب عليهم قولي لامك تقولهم كذه غلط لازم يكون بينهم احترام
متبادل
انا من الحين حالفه على اخواني يسلمون عليه وعلى راسه وهو بعد<<< عريس الغفله ههههههه
لاتظايقن حبيبتي الله يسعدك ويوفقك
الشرح :
هذا الحديث يدل على ما يدل عليه قول الله تعالى : ((يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ )) [ سورة الحجرات : 13 ] .
الله المستعان
الرجال ما ينعاب يااختى بس انتبهى ياثروا عليك
فتكرهيه اكثر اقول تعوذى من ابليس واستخيرى
مرة واثنين وعشر
يمكن يكون فيه خير لك وما عليك من كلام احد….