صبآآح الوورد …
يارفيق الـدرب اسمـع بوصيـك
اسمع كلآمي وآفهمـه فهـمٍ يقيـن
وصيةٍ خذهآ من خـويٍ مصافيـك
مآهي خوة مصالح كلـه ساعتيـن
صدآقـةٍ متينـه مابهـا تشكـيـك
من يوم آنآ ويـآك كنـآ بزآريـن
لآني مـن اللـي قطـوعٍ يخليـك
ولآنك من اللـي بالشدايـد تخليـن
يآعزوتي اسمع كلآمي الله يخليـك
كلآمٍ سمعتـه مـن عـوّدٍ فطيـن
آحـذر ثـم آحـذر ثُـمٍ حذآريـك
هـرج الشمآتـه وخلـك رزيــن
ولآ تصآحب النمآم تـرآه بيعديـك
من جالس النمـآم غدالـه قريـن
وانفض شليلـك وآغسـل آيديـك
من صآحبٍ تهزه مدعوجة العيـن
ولا تشتكي للنآس باللي عثـا فيـك
آحمل سرك بنفسـك وخلـه دفيـن
ولآ تتبع المقفي لو كـآن بنآخيـك
آن صد خطوه صد عنه خطوتيـن
وابعد عن طريق الكذب لا يغويـك
حبل الكذب قصَيّر والخافـي يبيـن
ولا تسمع لهرج المشتكي لين توفيك
صدق شكوآه من يسآر ومن يميـن
وآحفظ لسآنك من كـلآمٍ يوطيـكثمن كلآمك وبالكلمـه لا تستهيـن
والنسب لا تكثـر بهـآ حكآويـك
تطريز اسامي ارمهـآ بالجزمتيـن
مظآهرٍ في درب الـردى ترميـك
مهآيطيه وعلى المرآكي مرتكيـن
آشتـر آرجـآلٍ آفعآلهـم تغنيـك
لا تنشد عن آصلٍ وفصـلٍ متيـن
بعض البشـر بآروآحهـم تشريـك
ويرمون آعمآرهم تحت سبعٍ العرين
ونوبٍ يكون ابن عمك طآمعٍ فيـك
مآ يوّدك وبنجآحك يحطلـك كميـن
ولا تقرب دراهم العـذرى اياديـك
تعآيرك فيهآ بكل حزه وكـل حيـن
ولا تتبع شور النفس يـوم تلفيـك
النفـس حآكمهـآ شيطـآنٍ لعيـن
وآستر حرمة الجآر مثـل آهآليـك
الجآر لـه حـقٍ وصّآبـه الديـن
والمقبره زرهآ قبل النـآس تبكيـك
ويحطون فوق رآسك لبـن وطيـن
آسجد لرب الكون ولـح بدعآويـك
وآذرف آدموعك وآطلبه حآجتيـن
يغفر لك اذنوبك ويقبـل مسآعيـك
وحسن الخآتمه بنطـق الشهآدتيـن
تقبلي مروري
قصيدة جزلة في النصح ’..
أنتظر المميز من ذائقتكـــ ’’
دمتي بود
//تقيم ’’
جنـ وـوـون
