تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك
لا يا حبيبي .. الزمن لا يخليك
تقسى على قلبي وتسقيه سِمِّك
دنيـاك هذي , لا تغيِّر مباديك
مهما إستطعت الظلم إعدل بحكمك
ما هي غريبه من يذمِّك يماشيك
لكن غريبـــه يمدحك من يذمِّك !!
ما كل واحد غاب معناه ناسيك
بعض البشر ينساك لو كان يمِّك
أدري تعزني .. اللـه يعز غاليك
وإن كان لـي عندك معزَّه بضمك
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك
إسمك حبيبي ويا كثِرها أساميك
وقلبي يفز .. لا جابوا الناس إسمك
ليتك تحس في ضيقتي يوم أحاتيك
أحرق لك أعصابي .. وما حَس دمِّك
غايب بدون أعذار .. ربِّي يجازيك
عطني سبب مُقنع حبيبي .. وألمك
همِّك , جنونك , ضحكتك , كل ما فيك
صوتك , سكوتك , وأرجع أقول: همِّك
طيشك , عنادك , لما تزعل وأراضيك
ترسم ملامح ضحكتي .. وتمحي رسمك
[ لبيــه ] منِّك غير .. لمَّا أناديك
كن الكلام العَذب … مرساه فمِّك
مهما غلوك قلوب ناسٍ حواليك
أغليك أكثر منِّهُم بس .. لعلمك
أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك
ما كل واحد غاب معناه ناسيك
بعض البشر ينساك لو كان يمِّك
انشهد
/
[ لبيــه ] منِّك غير .. لمَّا أناديك
كن الكلام العَذب … مرساه فمِّك
اويلاااااااه 
/
حـوريتي
تسلم روحك العذبه علىَ هالرائعه
الله يسعد قلبك، وماتحسين بـِ ضيم أبد
كثري لنَاا مِن هالمشَاركات
لكن غريبـــه يمدحك من يذمِّك !!
كثير الصنف هذا بوقتنا ..؟؟
ما كل واحد غاب معناه ناسيك
بعض البشر ينساك لو كان يمِّك
انا اشهد ..
أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك
عجبني هالبيتين كثير ..
حــــوريه سلمت اناملك على الاختيار الذويق والنقل الاكثر من رائع وصح لسان الشاعر ..
هلا فيك حبيبتي اسعدني مرورك العطر
ربي يسعدك ويسلمك من كل شر
ربي يعطيك الصحه والعافيه
منوره الغلا صفحتي وتسلمين على المرور
ربي يعطيك الصحه والعافيه
وقلبي يفز .. لا جابوا الناس إسمك
روووووووووووعه
الله يعطيك الف عافيه على الأبيات الرائعه
تسلمين يالغاليه
اسعدني مرورك
ربي يعطيك العاافيه