بسم الله الرحمن الرحيم
السلام عليكم ورحمة الله وبركاته
بقلكم تجربتي الناجحه أخيرا معاه
بعد محاولات كثيره بالفشل
كم تمنيت اقضي وقتي كله معاه
واقرا قصص كثير تغريني
وتقولي حاولي
لحد ما أكتشفت الطريقه
تدرون عن مين اتكلم أول
قراءة القرآن
لا يروح بالكم بعيد
أخذت شنطه عاديه
وحطيت فيها سجادتي وشرشف صلاتي
وحطيت معاهم كتاب القرآن المفسر
(زبدة التفسير )بهامش مصحف المدينه المنوره
يقول الشيخ العريفي عشان لما تقابلين آيه ماتفهمينها تشوفين تفسيرها وتثبت أكثر وبتعمق بنفسك اكثر
ومرسمه (أحسن من القلم )
عشان تحطين علامه عند مكان ما وقفتي
(عن تجربه مهمه والله تعطيني دافع كلما سويت علامه آخر الصفحه افتح غيرها )
وتخلين المرسمه بالقرآن كعلامه عن مكان الصفحه وعشان ماتضيع وبدل ماتقرين تقعدين تدورين
الهدف من الشنطه إن القرآن يكون مع السجاده على طول فتستخسرين تشيلينها بدون ماتفتحين القرآن
كل صلاة افرش سجادتي
وافتح القرأن وأحدد
في الركعه الأولي (سوره قصيره) مو صغيره يقول الشيخ لأن مافي القرآن صغير
مثلا المسد
والثانيه أواخر سوره البقره مثلا
عشان لما اسهوا في الصلاة أعرف أنا بأي ركعه ووش قريت
وأقفله واحطه جنب السجاده او عليها
وأبدأ أصلي
وبعد الصلاة أفتح المصحف
وعلى حسب النفس من إقبال وإدبار
أحيانا أيه واحده
واقفله
وأحيانا اختم كم سوره
بتعجبك صدقيني
حطي ببالك عمرك في تناقُص
وماتدرين كم بقي لك فيه
ممكن بدل ما تقرين تحفظين كل يوم آيه وتقرينها وتسمعينها بعد كل فريضه
إذا عجبك الكلام طبقيه
وادعيلي ولو بظهر الغيب
يشفي ابني ويعافيه ويرفع عنه
ويجعل ذريتي كأبي بكر وعمر
وإذا تبين مثل اجري ارفعيه وبتاخذين اجر كل من بتستفيد منه
منقول ادعوا لي ولصاحبة الموضوع