السلام عليكم ورحمة الله وبركاتة وكل سنة وانتن طيبات يا قمرات انا عضوة جديدة هنا معاكم وسعيدة انى بقيت واحدة منكم واتمنى اكون مفيدة ليكم زى ما انا باستفيد من مشاركاتكم المهم علشان ما اطول عليكم يا حبايبى انا كان عندى تجربة شخصية فى التخسيس وحبيت اشاركم معايا يمكن حد هنا يستفيد منها ان شاء الله وهى باختصار انا تعبت من انواع الرجيم اللى مجرد ما الواحدة مننا توقفها ترجع تتخن تانى واكتر من الاول وعلشان كدة قررت انى اغير نظام حياتى يعنى مش انى اعمل رجيم شوية وخلاص لالالالا قررت انظم أكلى وشربى وازود حركتى شوية وآكل كل اللى فى نفسى بدون حرمان بس بشرط بدون طفاسة هههههههههههه يعنى كمية صغيرة من كل شيئ ومش هتصدقونى لو قلتلكم ان الطريقة دى نزلتنى اكثر من 15ك بس مش بسرعة يعنى فى حوالى 3شهور بس الاحلى انى مش ناوية ازيدهم تانى تعرفوا لية لانى غيرت طريقة اكلى للافضل الحمد لله وقررت تبقى هى دى حياتى اللى جاية أكل بدون حرمان بس من غير زيادة واللى تحب تعرف اكتر انا باعمل اية تسالنى وانا اقولها وكمان فيه حجات كتير بأعملها لو يهمكم تعالوا وانا اقولكم معلش طولت عليكم بس حبيت اشاركم فرحتى بالوزن اللى خسرتة الحمد لله
افيدينا بتجربتك
