* المقادير :
زوج كيلو تريد
زوج كيلو بصلة مقطعة على شكل هلال
زوج بصلات كبار مقطعة مربعة
زوج طيور ديال دجاج
معالقة كبيرة اسكنجبير
حفنة كبيرة ديال زعفران الحر
معالق كبار ابزار لبيض و لكحل
– قبطة ديال المعدنوس و القزبور – ربطة
– الملح ,عود قرفة , ملون,2 ضامات دلبنة + زيت العادية + زيت الزيتون
زوج معالق كبار سمن
زوج كيسان صغار دلعدس
– حفنة صغيرة دلحلبة " ماشي ضروري"
* الطريقة :
نغسل دجاج جيدا و نقيه بالماء و الملح و الخل,نرقدو ليلة كاملة فخليط ديال البصلة محكوكة + الملح+اسكنجبير+لبزار+سمن+عود دلقرفة+الزعفران الحر+الملون"
لغد يتصوب اتريد أو يمكن نشروه مصوب,إلى شرناه مصوب,نفوروه فالكسكاس,باش يسخن و يتحل,نرد دجاج يطيب معالخليط اللي بات فيه+ الما+الزيت مخلط
عندما ينضج دجاج نزيله و نحمره فالفران حتى يولي ذهبي,ندير 2 كيلو دلبصلة مشنفة فالمرق اللي طيبنا فيه دجاج,+الما الكمية اللازمة,المرق خاص يكون كافي باش نسقيو ارفيسة مزيان و ماتجيش نشفة,نزيد اسمن+الملح+اسكنجبير+لبزار+الزعفران الحر+الملون+ضامات دلبنة
لعدس نطيبو بحدمن الأحسن"باش ما يطلقش لكحولة فالمرق" منين يطيب نرميه فالمرق اللي طيبنا فيه دجاج,نفس الشي بالنسبة للحلبة.
فطبسيل كبير أو قصرية نقطعو اتريد او لملاوي أو لمسمن على شكل طولي بالمقص,نسقيوه بالمرق,نحطوفوق منو دجاج ,نسقوه بالمرق و نفرشوا فوق منو البصل مشنفة و نفرشها"البصلة" فوق اتريد,نفرش العدس+الحلبة من فوق دجاج و البصلة
