هذه تجربة وحدة و حبيت انقلها لكم للفائدة
بسم الله الرحمن الرحيم
السلام عليكم ورحمة الله وبركاته
ابي اضع بين يديكم تجربتي بالزواج…وكيف يثمر الصبر ولو بعد حين..
ومستعده لتقبل اي راي او نقد او تعليق او حتى تجريح..
لكن اهم شي اني افيدكم لان يمكن وأكيد ان في غيري تعيش بنفس ظروفي..
ههذي اول مشاركه لي,,
وارجوكم كل من تفرأ قصتي تدعي لي بثبات زوجي وحمايتنا من كل عين ونفس…
بداية انا عمري 28 وسنه وزوجي 51…
متزوجة لي فقط عشر اشهر…
زوجي اب لخمس اطفال وزوجته على ذمته وتكبره بالعمر..
…الفصل الأول…
تبدأ قصتي اني كنت على شات..بقصد التسلية وتوسيع الصدر..وكنت ناوية اقفل الشات واطلع لكن واحد حكى معي خاص وتجاوبت معه وحكينا سوى..واعطاني رقم هاتفه..
وبعد خمس ايام دقيت عليه بتردد طووووووووويل..
وحكينا..
وبصراحة ماحبيته ابدا…..**
حسيته ثقيل دم وطيب زياده يعني بمعنى ساذج..
الكل يسأل ليش كلمته؟؟
ظروفي مع اهلي كانت ضغط وكبت…بحكم اني كنت اصرف على البيت بس طبعا موكل الصرف..
ماادري يمكن في جفا بيني وبين خواتي بحكم ان شخصيتي حييييل طيبة يعني ساذجة فعشان كذا مالها اي اعتبار بعينهم..
كمان مااعرف شي اسمه زعل او كره او حقد وبسرررررررررررررعه ارضى…
المهم كنت افضفض للشخص هذا عن همومي وهو كمان ومشاكله مع زوجته وحياته..
بالطول بالعرض…..اغليته..كيف؟؟ماادري.
تعودت عليه..كنت انتظره بالمسن…واتشوق اسولف معه..بإختصار عشقته.
وهو حبني كمان..
وبعد شهرين طلبني للزواج….
كنا متخوفين رفض اهلي….ومستبعده موافقتهم….
لكنه تقدم بدون اهلي مايعرفون اني اعرفه..
وحطوا عليه شروط تعجيزية….
ووافق هو…وتمت الخطوبة..
لكن وش اللي صار بعد الخطوبة بشهر….!!
والله متت بالحياة…وحييت بعد الموت…
(تأكد من مشاعرك قبل ان تمنح)
الفصل الثاني
انخطبت له…
وكنت انا وهو طاااااااااااااااااااااايرين من الفرحة
وسعادة مااقدراوصفها لكم
وبحكم انه ماكان من نفس منطقتي ومن مكان بعيد عن ديرتي كانت زياراته حيل قليلة
لكن كنا نكلم بعض يوميا بس بدون سهر وكذا
بحكم انه متزوج ومايقدر يطاول التليفون
ماعلينا…
عرفوا اهلي انه كان يعرفني وانصدموا
وطبعا زي اي اهل…….قرروا يخلعوني منه
انا امتنعت عن الاكل والشرب اسبوع كامل ونذرت مااكل الا لما اسمع صوته
لانهم سحبوا جوالي مني وحرموني من الدوام
وصرت بس ابكي ولا احد يكلمني
وهو كل مااتصل على هاتف احد اهلي يقولون له فلانة نايمة وتعبانة لانها مريضة
ومن هالكذبات
عقب اسبوع من امتناعي عن كل شي
وافقوا ارجع له
وطبعا كلمته من هاتف ابوي
وكلهم حولي
وعقب 6شهور من الخطبة….تزوجنا
والاكيد ان امي واهلي غاضبين على هالزواج ولا كلموني نهائي…
رحت معه ديرته…
كانت زوجته عند اهلها مع عيالها.
ودقت عليه عقب 6ايام تبيه يرجعها وحلفت انها تنعدل وتصير زينه
وقلت له ياابو فلان رح جبها مهما كان عشان عيالك(احسب الطيب يثمر)
المهم..
سافر وجابها وجاء.
وبدت المشااااااااااااااااااكل…
لاصار يومي تفتعل المشكله تحت عشان يطلع غاضب ومعصب وطبعا ان كنت غبيه ماكنت افهم..فكنت اتضايق واعصب واتنرفز.
هو في البداية كان يداري خاطري ويقولي معليش حبيبتي واصبري ومدري كيف.
فصار ذا حالنا هي من تحت وانا من فوق..وكله على راسه….
واقولها لكل زوجة ثااااانية..(اجلسي واركدي)لاتسوين زوبعه عشان توافه.
طبعا هي ماكانت تطبخ له ولاتغسل له ولاتقوم بواجباته بولا شي.
كله عندي انا حتى جزمته كنت انا امسحها واكوي واغسل واطبخ سواء يومي او يوم عياله.
وطبعا مستغريبن ليش قلت يوم عياله..!!
لانه ماينام عندها..ينام بغرفة ثانية..لانه يراسلني للصبح ولوقت متأخر ..فكيف يبي يكون عندها؟؟؟
وانا ماحملت وخلقي ضاق,,
وتبون الصدق,.,..!!
كنت لاصلاة الا متقطعه ولا دين ولا شي..مع ان زوجي مصلي ولا يشرب ولاحتى يدخن..وحتى الصلوات في المسجد.
لكننا حريم مانعرف حجم النعمة..
نرجع لموضوعنا..
عقب شهرين وطبعا المشاكل حدث ولاحرج..
لاحظت ان زوجي جاااااااااااااااحد..وش ماسويت مايبان بعينه..ولاعمره مدح شي او اطرى على شي.
حتى الحق الشرعي لي فيه تقصير…
وصرت انا زي المجنونة..ليش وليش وليش.!!
مااقولكم اني سيئة…لا وربي
ودايم يقول لي ان عقلي عقل حرمة حكيمة..لكن زوجته الاولى هبلت بي.
وانا اكن لها هي وعيالها كل تقدير ولاعمري اذيتها بحرف رغم انها تقول عني (قــ….)والفاظ وربي الواحد يخجل منها.
طبعا صرت اساعده ماديا بشكل جنوني..وترى انا حرمة مااحب الاسواق ولا التشري..يعني قنوعة.
وصرت اداري به واتحبب به لكني كنت عصبية زي الكبريت.
لاصار يومي يطلع معصب من عندها.ولا صار يومها ينزل رايق ولا به مشاكل.
عياله 24ساعة يدقون عليه حتى لو حنا نايمين.
وطلبات اقل من تافهه…واحيان بس حكي فاضي..
يعني مثلا:بابا الارنب يلعب معنا
بابا باكر نبي تشوف الارنب
مع العلم ان اصغر عياله بثاني متوسط يعني مو صغار.
ولا صار يومي يتسلطون نبي عشااااء…..وانا بيومهم ماارفع تليفون عليه.
هو كان يعتقد ان العيال من نفسهم يتصلون..لكني كنت اعرف ان هي ترسلهم..
لانهم يدقون من جوالها.
وهو ماكان يتضايق لا دقوا..
ماكان عندي اشكالية باتصالهم..لكن بروده ورضاه وتماديه خلوني انجن.
يعني كل شي بحدود..
ولا عشاني طيبة داس علي..
المهم…
طبعا بيومي كان ينزل تحت عندهم بالساعات..وبيومهم نفس الحكاية كله عندهم..
والمشاكل زااااااااااااااااادت…وانا خلاص تعبت..لكن علاقتي مع اهلي كانت سيئة فوين راح اروح؟؟؟؟
وكنت دايم اقوله ..حنا طاقة قبل نكون بشر..
لكنه يجاوبني ذي حياتي وتراي تعبت من المشاكل..
والمصيبة ان الاولى كانت تفتعل هي المشاكل بسبب وبدون سببب..
كنت على نيتي وكنت احترق واعصب..
وعقب اربع شهور….اعطاني زوجي درس لكني لليوم مومسامحته برغم كتماني لجرحي….
يتبع
الفصل الثالث
كثرت المشاكل منها
وزاااااااااااااااااااادت بشكل لا يصدق
وانا كنت كبريت كبريت كبرييييييييييييييييت
وعصبية
صرت مااعرف زوجي يحبني او لا
او لأن مهري كان كبير كان مو قادر يطلق…!!!!
بصراحة عشت ايام كانت اسوأ من السيئة
وما كأني عروسة
كل شي زي بعض
وعياله قبلي
واهم مني
ومستعد يظلمني بسببهم..
كنت ابكي..وانهار واضرب راسي بالجدار…
مو انانية لكن ظلم…
خذوا هالموقف وشوفوا يقهر او لا….!!
هو يطلعهم بيومهم وانا بيومي لكني لاطلعت معهم تشتفل اتصالاتهم ..واحد مريض..نبي عشاء…نبي علاج…وهكذا…او تدق عليه زوجتخ وتسمعه كم كلمة يهزون البدن.
المهم نجي للسالفة..
بيوم من الايام سافرت هي لاهلها وخذت معها بس ولدها الصغير..
اللي بالمتوسط..وتركت بناتها وولدها الكبير..
وقال هو لولده رح ودي امك..يعني سافر بها..
قال ابنه لا…انا ماابي اسافر..واخاف من الطريق لان سيارتي مو زينه..
الخلاصة خذاها هو وبيومي وسفرها..لكن الفاجعة ان ابنه يوم رجع زوجي قال ابي اسافر عند امي..!!
وترك خواته ورااااااااااااااااح..
طبعا كيف بينام هو عندي والبنات لحالهم تحت واكبر بناته بثاني ثانوي!!
قلت له رح نم تحت عندهم انا عادي….وفعلا صار يوميا عندهم لكنه تمادى وصار ليل نهار تحت..انا وقسم بالله تعبت..يعني حتى انا زوجتك..
وصار ياخذهم بيومهم ويمشيهم..وبيومي مانطلع لان البنات يخافون لحالهم ولا ودهم يروحون معي.
اخر شي قالهم اذا رحنا ترى بناخذها معنا..موكافي انام تحت بعد..
وافقوا البنات ورحنا..
تخيلوا رحنا سوى وانا على نيتي ..
مجهزه الشاهي والقهوة والحلا والكيك والبزر(الفصفص)وتمر انا مسويته مع طحينية..وانبسطت ان البنات بيروحون عشان يتقربون مني اكثر ويعرفون ان ماعندي خبببببببببببث.
وكان زوجي من عاشر المستحيلات يصدق شي في بناته ودايم يقولي مسكينات..(والله هو المسكين)
وركبنا السيارة ورحنا المول..وطبعا متحضناته من كل جهة..وانا ماشية ورى علشان مااحسسهم بالملل واني ماخذه ابوهم منهم,,لكنه كان يلتفت ويقولي تعالي..
رجعنا السيارة..ورجينا بنزل مكان ثاني قالت بنته الكبيره انا تعبانه..
ونزلنا وخليناها..ويوم جيت وركبت الا عباتي كلللللللللللللللللللللللللللللها ماء….
وسكتت وكتمتها..وقهويتهم وضحكت عاااادي ومررتها..(ابي اسوي زوجة عاقلة)
ويوم جيت البيت وناقشت زوجي بكل هدوء….
قال مو بنتي….!!!
اصلا السيارة مابها الا هي…
يعني مثل قرص الشمس واضحة…
وسألها ع الجوال وحلفت مليون يمين انها موهي..وصارت تبيكي ووووو..الخ..
طبعا بلعتها وسكتت..
لكن الصدمة الكبيرة منه..
قالي بنروح الاردن نغير جو…بس بودي زوجتي وعيالي لاهلها ونروح حنا بالاجازة بحكم اني مارحت شهر عسل..
وراح واشترى لي ملابس عشان نمر على اهلي اول لان الاردن بطريق اهلي..
وشرالي عباة جديدة…
وطول الطريق اسولف واغني واحكي..
واضم يده وراسي على كتفه..,احب فيه…..
المهم وصلنا لاهلي…وسلمنا..قالت امي انا معزومة تروحين معي..؟؟
شاورت زوجي قال روحي وباكر الفجر نمشي ونكمل وانا رايح الشقة لاجيتي دقي علي..
وفعلا رحت..وويوم رجعت خذت لي وله عشاء,,,وقلت له انا قبال الشقق المفروشة كم رقم الشقه لاني نسيتها..
وش تتوقعون قالي:…………………!!!!
انا رجعت للديرة وانتي خلك عند اهلك…
ودخلت بدوامة عذابي..
يتبع
الفصل الرابع
بعد ماقالي انه راح وتركني…
قلت له ارجع..رجيته يجي ياخذني..طبعا اللي تحب بصدق وضحت باشياء كثيرة والله ثم والله توصل لمرحلة انها تهين كرامتها..
وبتقولون وش خسرتي..
خسرت منصبي التعليمي بسببه يوم وافقت اتزوجه لاني تركت الديرة حقتي وكنت بقطاع خاص..
خسرت اهلي عشانه.
وخسرت نفسي..
واثثت بيتي كاااامل
وكنت اعطيه 1500 اساعده بالديون اللي عليه رغم اني موحكومي
اشتغلت صانعة قهوة
وزوجته تاخذ 9000 ماتساعده بريال وهي حكومي..
انا موبياعة هوى..لكن الحياة تتقلب وتدور..وحنا في النهاية بشر..مومعناه اني كلمة اني بنت منحرفة…
انا توجت حبي بزواج..وحطيت احلاي الصغيرة مع رجال ماادري هل بيحقق احلامي او يقتلها..
معليش ابي اوقف هينا واحكي رسالة لكل انثى…زوجة ثانية ثالثة رابعة عاشرة..
ثقي تماما الحب مايعرف انتي اي زوجة..
والغيرة ماتعرف انتي اي زوجة.
بالعكس لو انتي تحبيه والله العظيم بتسوي اي شي..واحيان جنون الحب يخسرنا الاشخاص اللي نحبهم.
كنت اقول لزوجي دائما….
الله يظلمك لو ظلمتها عشاني…
عيالك عيالك تراهم مساكين ومالهم الا انت..
كنت اطبخ وارسل برمضان..
اجيب هدايا للبنات وبطايق شحن
اعطي ولده الصغير فلوس بين فترة وفترة..
نجلس على البلايستيشن وضحك وسواليف..
حتى ولده الكبير قالي:
مانبي امي..جابت لنا وجع الراس..
وقلت له :
ذي امك..ومهما صار انا مااتمنى ولا اسعى لخراب بيتها..لكني انا طاقة قبل مااكون بشر.
انتي زوجة اولى؟؟
طيب بقولك..
ماراح اقولك انه تزوج عليكي لانه كذا وكذا وكذا ولانك مقصرة ولانك بعيدة عنه وووووو…الخ..
هذا حكي فاضي مفروغ منه وبكذا بنخرج بنقاش عقيم.
سؤال يا الزوجة الاولى…
هو…مايجيك بيومك؟
مايقلط على سفرتك؟
مايصرف عليك لو ريال؟
طلقك؟
هجرك؟
ورسالة للزوجة الثانية..
هو..
هجر زوجته الاولى؟
اهملها؟
قسى على مشاعرها؟
طلقها؟
قصر على البيت؟؟
والله العظيم لا.
الا مارحم ربي..
ثقي انتي وهي وانا ان الزوج تزوج فقط لانه يبحث عن الكمااااااااااااااااااااال وهذا ناااادر يلاقيه في امرأة..
ذي طبيعة في الرجل انه يبحث عن الشي الكامل..لكن مومعناه انه كره الزوجة الاولى…بالعكس…لو انه شخص ضميره حي..بها وبدونها بيعدل.
والزوجة الثانية والله العظيم كائن عادي..من لحم ودم..حالك حالها.
ويمكن لوماكانت ضرتك..يمكن صادفتيها بمكان وصارت صاحبتك..يعني الاقدار كذا كذا بتجيبها لك.
بكمل قصتي عشان اثبت لك فقط انه يبحث عن الكمال..مو زي ماانتي راسمه…
رفض يرجع ياخذني..
قال خلك عند اهلك…سؤال معليش…
في مين ضحى؟؟؟؟
بزوجته الاولى؟
لا.
ضحى فيني وبحبي وتضحياتي وذكرياتي…ورجع لها..
صرت زي المجنونة بس اهوجس..وافكر..وابكي ولا انام بالليل..
والحادثة الافجع اللي كسرني بها رغم اني انا وهي كلنا كنا نسوي مشاكل..
اني ادق عليه 3ايام وجواله مغلق
وعقب ثلاث ايام يفتح الخط ويسمعني صوته معها ومع عياله….في مكه..!!
يعني كنت خ ا ر و ف…
الفصل الخامس….
صار يرسل لي منتي راجعة.
ولا ابيكي.
انا عفتك
كرهتك بسبب المشاكل.
كنت اقوله المشاكل موجديدة عليك ..
انت عايشها من يوم تزوجت اول مره..
قال ايه موناقص مشاكلك بعد..
يعني انا صرت كبش الفداء
شوفوني احلف لكم بالله العظيم اني ماقصرت معه بشي..
حتى بالفراش اهانني وذلني
ولا ابي احكي عنها لانها شي يعتبر خاص وحرام احكي به.
السطح ونمت به من القهر…
راسي كنت اضربه بالجدار والارض لين يغمى علي…كررررهت روحي**
وانا عنده كنت اطفي اللمبات واجلس بالظلمة
اذا هو موعنددي
جتني حالة نفسيه
طبعا من الوحده
لو ماخذته عن حب كان صبرت وتصبرت
لكني خذته عن حب ووالمشاعر حييييه
خواته كلن مدح فيني
حتى اخوانه الرجال والله يحسدونه
وخواته ىقولون انهم يقولون ليت نلقى مثلها
رغم انه اخوانه رجاجيل
احترم اهله
وارحب بهم
هي من تزوجها اهله مادخلوا بيتها..وحتى يوم تجيني عزايم للمناسبات هي مايعزمونها.
وانا حبيت اعرف السبب وقالوا لي…
انها كانت تكره امه…ولا تطبخ لها وهملتها…رغم انها عجوز مالها حد ربي يرحمها..
سبحان الله الطيب اسان ضعيف ومغلوب على امره..
يمكن لوكنت خبيثه كان ماوصلت لهالمواصيل.
المهم..
دقيت على خواته
يدقون عليه يرفض يرد
اخر شي كلمت اخوه الكبير..وقالي ان الخبر جاه..وانه منصدم ليش رماني هالرمية..؟؟وان زوجي دايم يطريني بخير بكل مكان.
قالي اخوه..يمكن حسد..يمكن عين..
قلت له ياابوفلان انا ابي زوجي…بعد فترة كلمني واحد من اخوانه….
وكان حاقد على زوجي…
وش تتوقعون قالي…!!
يتبع…
وﻻهنتي غاليتي ابي اقتباس اول ماتكتبي التكملة
|
المشاركة الأصلية كتبت بواسطة رحمةالله لي
 في انتظارك
وﻻهنتي غاليتي ابي اقتباس اول ماتكتبي التكملة |
رحمة الله لي
سحايب ماطرة
ام جهين
شكرا ع متابعتكم وردكم
بحط جزئين للخاطركم و عذروني شوي مشغووولة بس اكمل و اكمل معاكم
فديتكم💋