السلام عليكم
اخباركم حبايبي
طلبتكم يابنات مالي غير الله ثم انتم انكم تساعدوني مالي احد يشرني
وابي رايكم
الصراحه انا صارت لي مشكله بيني وبين زوجي كله واغلب سبب
المشكله اهله وتدخلاتهم
رغم اني كنت ساكنه بمنطقه بعيده عنهم والحين لي فتره وانا
عند اهلي بسبب هالمشاكل
وانا لي فتره من زوجي مااكلمه ولااشوفه عشان قلت يمكن البعد يحل
المشكله بس للاسف زاد الموضوع تعقيد بتاثير اهله عليه
لانهم يقولوله كلام موصحيح عني
والحين بكره راح يجي هو واهله عشان يراضوني
بس طلبوا اني انقل لنفس منطقتهم وطبعا زوجي كان رافض هذي الفكره
بس عشان بعدي عنه قدرو ياثرون عليه ويقنعوه
اتصلت علي امه وقالت طلبنا انك تنقلين مع زوجك عندنا او تطلقين
وانا يابنات مو عارفه وشلون اتصرف لو انقل معه عندهم
بتخرب حياتي بدخلاتهم وبكون قريبه منهم وبتصير المشاكل اكثر
وهو يشوف وساكت يقولي اهلي مااقدر امنعهم من دخول بيتي
المهم انا بكره بقابلهم وراح اجلس معه بروحنا واحس اني خايفه
ومتوتره وكاني اول مره اشوفه
بنات تكفون احس اني بكره اذا قعدت معه بيوقف لساني وبكون متصلبه
ومابعرف اقنعه انه يرد بكلامه وانه ماينقل لمنطقه اهله
بنات تكفون حسو فيني بكره حياتي معه ياتستمر ياتنتهي وكله
بعد الله بيتوقف على جلستي معه واسلوبي باقناعه
ابي حلول وابي طريقه تكون اكيده وتكون سحريه اقدر اقنعه
تكفون يابنات ماابي بيتي يخرب
احس اني مابعرف اسوي شي
انتظر الرد السريع عشان مابقى وقت لبكره العصر
وكل وحده تدخل ماتبخل برايها 
بصراحه و الله يشهد انك حكيتي قصتي في زواجي الاول… انا رحت سكنت جنبهم و ما اظنها اصلا كانت حتفرق و الله لانهم كذا كذا كانو حاطيني في راسهم اصلا يطلعوني اووووت فتغديت بيهم قبل يتعشو بيا لما حسيت بانهم ناويين ليا على نيه و هربت لبيت اهلي و طلبت الطلاق….
لكن اصابع يدك مو سوا و انتي ادرى بزوجك و استخيري ربك و شوفي المحاسن و المساوئ و ايش يغلب و هل انتي مستعده فعلا تختاري اما المر و الا الامر؟
وكلميه لوحدكم لما يجوا اهله انه ما يقرب من اهله
حتى تصبح علاقتكم بهم جيدة
احسن من المشاكل كل يوم بدون فائدة
وفهميه انك تبني معه في مستقبلكم وادا كانت المشاكل
فكيف تبنون حياتكم وكيف رايحين تعيشوا حياة مثل باقي الناس بامان
اقنعيه ادا اقتربتم من اهله رايح يفتح ابواب ما لها داعي لفتحها
ودكريه حين كنتم مبتعدين عنهم كيف كنتم عايشين
وادا استمر على اصراره انه يبقى بجنب اهله ما يلوم الا نفسه
وقد اعدر من اندر
بنات حياتي بتنتهي قولولي وشلون اقنعه تكفون
وشلون اقله عشان اهلك ماابي انقل بيعصب عشان مابيرضى على اهله
وبيقولي مثل كل مره انتي مكبره الموضوع وفاهمه اهلي غلط
بس الحين مااقدر اقوله عشان اهلك لان لي فتره مني
وماابي اول مقابله اتكلم علىاهله
انتي جربي اول مقابله اليوم تكوني عادي و تتكلمي في مواضيع عاديه يعني المشاكل الخفيفه تبع كل يوم .. مو اهله… و قولي له انشالله نتفاهم بعد بكره كمان… بس كلميه تلفون و خليكي نايس و عطيه الكلام الحلو…. من يجي بعد بكره تكلمي عن البيت اللي انتو ساكنين فيه و كيف انه فيه ذكريات حلوه لكم سوا و انت مرتاحه فيه على الاخر و ما تتخيلي نفسك ساكنه بمكان ثاني… برضه قولي له نتفاهم بعد بكره… و برضه خليكي نايس و حليوه عالتليفون بس هالمره اوعديه بشغلات لما تصيرو في البيت سوا تعمليها له قبل ما تنامو… فاهمه عليا؟؟ و لما يجي من بعد بكره تقولي له انه ما تبغي تنقلي من الشقه و لا تعطيها في وجهه انه بسبب اهلك لا انتبهي جيبيها حبه حبه و من الطرفين يعني مو بس اهلو كمان حطي اهلك في السالفه عشان ما يقول انك متحامله على اهله…. و الله يستر عليكي و يهدي سرك يا رب …
شاكره لك وانشالله تكون النتيجه مرضيه
اسعدني مرورك ومشاركتك معي
والله يسعدك ويوفقك ويعطيك اللي ببالك
يا ربي يوفقك و يسعدك و يريح بالك يا رب