طرق اهل اول في تصريف عيالهم ليلآ لتعم الفائده -مجابة 2024.

اعزائي ،،،،،،،،،،،،،
في ليلة افتكينا من الحياة الروتينيه والرسميات قررت انا والشله ان نفلها ونطلع البر وطلعنا وذبحنا وسلخنا وعلوم ارجال والذبيحة بالقدر والريحه عجب ،،،،،،،، مالكم بطوالها وشوي طبوا علينا ثلاث شياب(( من اهل اول )) مضيعين ربعهم استقبلناهم وقهوه وسواليف وتعشينا ،،،،،،،،، وبعد كذا بدات السواليف فتجلوا الشياب وكانت سواليفهم ولا احلى (( وتعرفون الشياب لنبسطوا يطلعون بلاوي )) فبدت المحشات ببعض واستلموا أول واحد وقالوله : يابو فلان من أول كنت انت وعيالك ومرتك تنامنون فيخيمه وحده مثل الحق كيف كنت تجي مرتك قال الشايب : الله لا يعيدها من ايام والله يالربع كان عندي كيس فيه حمص وحلاوه سكر (( حلاوه قديمه )) لا جاء الليل اطلع الكيس ويقومون البزارين عطنا يبه عطنا واطنش واروح عند باب الخيمه واخمش بيدي من الكيس وبكل حيلي ارمي الحمص برا الخيمه ويقومون البزارين يجمعون الحمص والحلاوه . وانا اشوف حالي بس نصيحة الطريقة ذي ما تنفع فالنهار والايام البيض .
وواحد قام يحكي عن طريقه سواها غيره ماهو هو (( والله مدري عنه )) يقول : هذا الرجال ينام هو وزوجته وعياله في حوش وهو ينام بالطرف ومتفق هو وحرمته على شفرة معينه لبغا يشوف شغله وهو انه يولع كبريت ويرميه ولا ناموا العيال تجي ومستمرين على ذي الحاله وفي يوم مسكينا المره تعبانه من البزران فراحت عليها النومه واخينا بالله مافيه غير يشب من الكباريت وكأن الولد الكبير لقط الشفره وفاهم الموضوع فقام يصحي امه يقولها : يمه قومي هدا الخل لا يشب فينا .
والشايب الثالث جاب طريقة ماهي بعيده عن القصه اللي قبلها لكن الشفرة مختلفه وهي انه لا بغا شيء يقول لحرمته قومي غسلي رجليك فتقوم ويشوفله أي مكان ويخلص! ونفس المشكه الولد الكبير لاقط الشفره لا وبعد يمكن شايف شيء لانه مره بالليل وهم يستعدون للنوم قال الولد الصغير : يبه رجلي معدومه بالطين . قاله ابوه : قوم غسل رجليك ! والولد الكبير ينغز اخوه ويقوله : والله لو تروح لذبحك
(( فاهم الموضوع ))
فكانت ليلة ولا اروع مثل بساطة اهل اول وطرقهم السهلة والسرررررررررررررريعة وانتاجهم ولا اروع رجاجيل صح .
والحين طرق واساليب ودنيا ونقعد بالساعات والانتاج الله يعلم به .
وسلامتكم
انا الصراحه الموضوع ناقلته من موقع اخر
بس عجبني ومت ضحك وااانا اقراه قلت لازم انقله لكم ههههههههههههه

رينـــاد /

مكرر