اختي فضحتنا!!!مشورتكم يابنات الحلال
السلام عليكم اخواتي…يابنات انا مشكلتي هي اختي بالعشرينات .اختي متزوجه وعندهاطفل..المشكله اختي ذي الوحيده بالعايله اللي مهمله مرة يعني ماتنظف نفسها ولا بيتها ولاطفلها والله اني احزن عليها وع الطفل ..نصحناها وزعلنا عليها وانا ساكنه قريب منها لدرجة اني اروح انظف بيتها واكرف كرف يعني اشتغل في بيتي وازورها بنبسط وماشوف الا اللي يكدر واقوم انظف واهاوشها..ريحة بيتها لاتطاق والطفل مظلوم يعني ماتنظف ودايم شعرها حايس ولبسها مرة وطفلها مثلها والله قهرتني دايم تزعل مني لاني انظف بيتها او انصحها واكتشفت ان زوجها يلاحظ ويدقها بالكلام انك ماتنظفين لين تجي اختك تخزك(يعني تجبرك)وبطلت انظف ماابغاها تكرهني..المشكله زوجها ارسل لي رساله يشتكي منها ومن وساختها ويقولي انصحيها مايدري اني حتى الهواش اهاوشها بس كاتب فالاخير زوجتي لاتدري عن الرسالة..وانا ماقدر اقولها شي علشان ماتنجرح..وهي عندها ضرة وبينهم مشاكل وراحت اشتكت لاهل زوجها من ضرتها وزعل زوجها وقال روحي كذبي نفسك قدامهم وراحت وقالت زي ماقال ..يعني اجبرها تطلع نفسها كذابه عند اهله والسبب انه قال انا حذرتك من انك تطلعين اسرار البيت وذا عقابك…اللي قاهرني انه هو مطلع اسرار بيته برسالته لي ومايبغاه تعرف ويعاقبه على شي هو يسويه بالله نوروني الله يسعدكم احس هالموضوع كابس ع قلبي .اختي وش اسوي حتى تفهم وتنظف نفسها وبيتها وبزوجها وش اسوي قهرني يوم طلع اختي كذابه…وش اسوي اقولها ع الرساله مع ان مابغاها تنجرح …مشورتكم يابنات الحلال؟؟؟مع العلم جربنا معها كل شي حتى نشري لها اشياء للعنايه ولا شي ونعطيها كتب طبخ وولاشي مافيه اسلوب مااتبعناه..والمشكله ماتتحمل مني شي لان زوجها دايم يمدحني عندها يبغاها تتحرك لكن مايأثر فيها..
حيبتي الغالية سؤالي لكي هل كانت اختكي قبل الزواج هكذا؟ اذا كانالجواب بنعم فكان عليكم منذ البدء توعيتها اما الان وهي متزوجة فما الك غير شي واحد انك تقولين الها ان زوجك يتركك اذا ما اعتنيتي بنفسك الرجال يحب المرة النظيفة والا يتركك ويكون كل الوقت عند ضرتك واكيد ضرتكدائما تكون بالمظهرالحلو ونظيفة واحتمال يتركك اهتمي بنفسك وكوني الاجمل بعينة دائما الان المرة ما يخليها تتحرك غير هالحجي واذا كانت امك عايشة فهي من يجب عليها ان تتكلم معاها كلام قوي شوي حتى تتعظ من الاكبر منها والاكثر خبرة في الحياة
اتمنى اكون فدتك
تحياتي
ياعزيزتي ازا اختك من قبل ماتتزوج مو نظيفة فحالتها شوي صعب كان لازم انتو اهلها توعوها قبل الزواج
اما ازا تغيرت بعد الزواج فلازم تنصحوها كتييير
وانا لو محلك بروح بخترع قصة وبقوللها انو وحدة وصلتلك انو الناس عم تحكي عن اختك وبيتها وانها ماتهتم بحالها يمكن تخجل وتضطر تنظف حالها وتهتم ببيتها
وبسسس هاد اللي عندي صراحة لانو مشكلتك محيرة شوي خصوصي انو ماخليتو طريقة الا ونصحتوها فيها ربي يهديها وتصير احسن مرة بنظر زوجها
قوليلها عن رساله زوجها يمكن تتحرك شوي
انتي انصحيها بهدواه وخليها تقارن نفسها بضرتها تشوف انها نظيفه وهي لا وليش زوجها يداافع عنها لانها نظيفه بنفسه وبيته واولاده وان الرجال عندهم كل شي ولا النظاافه وانتي لاعاد تنظيف لها تعتمد عليك
كلما تجين تنظيفين لها عشان كذا هي مرتاحه خليها تعتمد ع نفسها واذا رحتي لمها انصحيها وقارنيها بضرتها وقولي هذا انا شلون زوجك طبعا تلميح بدون تجريح ….
الله يهديها قوليلها ان النظافه من الايمان وكلميها من ناحية الدين شوى وقولى لها ايضا ما يكفيكى ان ليكى ضره وما تفعليه هو انك تطفشين زوجك حتى يروحلها؟ وهو اكيد يقارن بينكم بينه وبين نفسه وممكن راح يطلقك ويبقى معها لانه ما هو شايف منك غير كذا وقوليلها الله يعينه اللى مصبره عليكى بحالك هذا وهو متزوج بأخرى
والله يا اختي الله يكون في عونك معك حق شي يقهر بس ليش هيه هييك بتسوي بتنتقم من زوجها عشان عندها ضرة انصحيها وروحا زوروا خواتكم المتزوجين او بنات عمكم وفرجيها كيف بيتهم نضيف وازواجهم مبسوطين منهم والله يوفقك يارب
اخواتي انا صاحبة المشكله…ضرة اختي برضه زيها مهمله في بيتها والناس تعلمنا فيها.وكمان مهمله باطفالها .لكن مدري عن نظافتها بنفسها..اكيد بتقولون معقوله كل الثنتين كذا..والله انهم كذا لكن الضرة اهمالهابالبيت والاطفال ام بنفسها مدري…لدرجة اننا نقول زوجهم مسوي ذنب وربي يعاقبه ودايم اقولها الله يعينه عليكم..هو يامسوي ذنب والا ربي يحبه ومبتليه…لكن هل اقول لاختي على الرسالة يمكن تصحى من غفلتها..ماكانت كذا قبل الزواج..امي كانت توزع عليهم الشغل وتقوم بشغلها.اما النظافه الشخصيه كانت مو مرة..وكنا نفطنها ..امي كلمتها وغضبت عليها لكن تتحسن تحسن بسيط وتتدهور..اصلا صارت تكرهنا وتزعل منا لو نصحناها…والله حتى فالحلم اتحلم اني اهاوشها على النظافه..بس وش رايكم بموضوع الرساله ,,تسوي لها صدمه يمكن تصحيها..اقولها او لا؟