] طرق
المقادير
صدور او افخاد فراخ مخليه(زى ما تحبى)
بصل مبشور
فص ثوم مفروم
ك**ره خضراء مقطعه ناعم
نص فلفله خضراء مبشوره(اختيارى)
ملح_فلفل اسود_بهارات مشكله او بهارات كفته_زعتر ناشف_كمون _كارى وده حسب رغبتك
الطريقه
بدايه تفرمى الفراخ المخليه كويس….. بعد كده تضيفى عليها البصل .والثوم.الفلفل الاخضر المبشور.الك**ره المفرومه.الملح والفلفل وباقى البهارات.والبقسماط الناعمه..البقسماط بقا تحطى منها شويه بشويه لحد ما تحسى ان الكفته بقت متماسكه وتقدرى تشكليها….بعد كده صبعيها وتعالى بقا نشوف هتسويها ازاى يا قمر ……..
عندك هنا اربع طرق وانتى اختارى بينهم او ممكن تعملى كميه وتصبعيها وتشليها فى الفريزر وكل مره جربى طريقه
الطريقه الاولى(كفته بانيه)
ودى ..بعد ما تصبعى الكفته بتحطيها فى دقيق..وبعد كد تغمسيها فى خليط من الحليب والبيض مضاف اليه رشه قرفه صغيره (تنتوفه يعنى)ورشه ملح صغيره….
وبعدين تطلعيها وتحطيها فى البقسماط برضه ترشى الاول على البقسماط تنتوفه كارى وفلفل اسود وذره ملح وتقلبيهم كويس مع البقسماط قبل ما تحطى الكفته…
وبعدين ممكن تسبيها بعد ما بقسمطيهاساعه كده مع نفسها فى التلاجه ترتاح شويه…
وبعد كده حمريها فى الزيت….والله العظيم روووووووووووووووعه
دى بقا وانتى بتصبعيها ( شيشيها) يعنى لفيها حول اسياخ الخشب بتاعه الشيش طاووك.وعلى الشوايه واشويها يا قمر..
ولو مش متوفر عندك
ممكن تجيبى قلم عادى وتبلليه زيت وتلفى حوله الكفته وبعدين طلعيها من القلم واشويها على الشوايه
دى سهله جدا بعد ماتصبعيى الكفته بس رصيها فى صينيه وضيفى ليها كوب مرق وخلى بالك من الملح او ميه عادى حسب الموجود عندك وغطى الصينيه ودخليها الفرن..وعلى فكره هى بتستوى بسرعه
شكرا