حمـــامة الروض .. ولّي ياشقــــــاويه
0000………………………………….000000 0 مانيب ناقص مصابك .. يكفي مصابي!
انا .. ماكـــوّدت اسجّ شـــــوي ياخـيّه
0000………………………………….000000 0 زدتيني بـِ سجعتك .. زودٍ علىَ مابي !
الغابـيه غـــابيه .. بالصــدر مكمـــيه
0000………………………………….000000 0 وانا مانيب مهــبولٍ يفضـح الغابي
اخاف من روحتن ماعقــبهَاا جـــــيّه
0000………………………………….000000 0 يومٍ به اللوم .. يشهق شرهة عتابي
خـاسي وهابي .. مجــازي الطيب بالسيّه
0000………………………………….000000 0 راعي الرديّه رديّ .. وخاسي وهابي
في نحـو (ابو الأسود الدؤلي) .. له نحيــّه
0000………………………………….000000 0 ذا النحو نحوي انا .. وإعرابه اعرابي
ترابي أولى بي .. ان خابت هقــــاويه
0000………………………………….000000 0 وأن عوّدت للتراب .. ترابي اولى بي
هذا ترابي . . وأنا زبن الجــــلاويه
0000………………………………….000000 0 وكنـــوز قارون ماتشـريك يا ترابي
سقــوى .. سقاه الحيا وقتٍ مضى ليه
0000………………………………….000000 0 يوم الرخا محزمي .. وزهابي .. زهابي
يوم ارضي المســقوي عالوسم مذريه
0000………………………………….000000 0 ودون اللحى فرخ بلجيكٍ وشبّابي
يوم إنّي اغمض مريح البال جفنيــّه
0000………………………………….000000 0 قبل السهر تستبيح جيـــوشه اهدابي
من قبل ماشوف وقتٍ دارت رحيــّه
0000………………………………….000000 0 وضيوف (بقعا) سرى .. وقفوا على بابي
وقتٍ ليا ضحك نابي .. جــَات بلاويّه
0000………………………………….000000 0 كنه حرام علي الضحـــــكة بنابي !
قد لي خـــــلاوي 8 سنين .. وشويه
0000………………………………….000000 0 هذا .. وانا لاني بمجــرم ولا ارهـابي
احدن بكى ميته .. واحدن بكى حيّه
0000………………………………….000000 0 واحدن على الصدق عاش ومات كذابي
احيان .. أهيجن وأغني للهــــواويه
0000………………………………….000000 0 وأحيان .. كل الهـــــواويه تغنّى بي
واحيان .. احصّل لي من القايله فيــّه
0000………………………………….000000 0 وأحيان .. من حرقة القيض الله ادرى بي
رهنت لي بندقٍ .. في دين جـنبـيه
0000………………………………….000000 0 وش يآخذ المرتشي من ذمّــة.. مرابي
ظامــي وورّدت بـيرٍ دونها الحــيّه
0000………………………………….000000 0 الله يجــازي زماني ويش سوّى بي
رزقي على عالمٍ جهــري وخافيهّ
0000………………………………….000000 0 ومن مثل ذا الجود رزاق ٍووهابي
وين انت يالحزن ؟!! يا اجمل غناويـه!
0000………………………………….000000 0 أذّاني الهم بغــيابك وشقّى بي
من بين غيـّابي ابطت بك حراويه
0000………………………………….000000 0 فاقدك .. ياأعزّ غــايب بين غيـابي
وين انت ؟!! ياصاحبٍ ماولفني زيّه
0000………………………………….000000 0 ياقو قلبك! .. تخلي الهم يسلى بي؟!!
ودّه اشقق ثيــابي غصب بإيديه
0000………………………………….000000 0 والله لأمــــوت .. ويدي ماشقّت ثيابي
دنيا الهبا .. ســـوّّد الله وجهها فيّه
0000………………………………….000000 0 أبرد صــودايفها .. ياما احرق اعصابي
يرضيك بالله؟!! تبـــيّت بي على نيّه
0000………………………………….000000 0 قبل اتعشى لياليـــــهَاا . . تغــدا بي؟!
هيّا تصدّق !! كذا ! . . وبدون ماريه
0000………………………………….000000 0 اســتنزفت كلّ جرح ٍ. . قد تخبّا بي
خلتني أهجّ واعطي الخبت . . رجليه
0000………………………………….000000 0 والعجّ راح بصميلي .. وأذهب ركابي
ثم ادرجت بي مهامــــية الزرّاجــيه
0000………………………………….000000 0 وجت بي وأخفّ الطعون .. شلاف وجنابي
يرضيك يالحـزن!! . . ياتالي عزاويه
0000………………………………….000000 0 تضحك على شيب راسي .. بين شيّابي؟
يرضيك يالحـزن؟!! تجهر بي عــلانيه؟
0000………………………………….000000 0 حتى تهـاون بحـالي اقرب اصحابي؟؟
وجدي وجود اجــــوديٍ صار عاريه
0000………………………………….000000 0 هذا وهو من ولد .. عتّاق الأرقابي
وجود محــــكوم ماقبلوا منه ديّه
0000………………………………….000000 0 وخلوه مابين سيف ونطع ونصابي
كلن تلقى طعـــون عــداه غدريه
0000………………………………….000000 0 وأنا الوحيد اللي طعوني من احبابي
وأن مت .. قولوا لفاقــدني : وداعــيه
0000………………………………….000000 0 والله ماني ردي .. وقــتي تـردى بي
أخو تكفىَ: محمد الدحيمي
<<<يااااااي ^_^
على العموم تشكوراااات 
عاشت ايدك حبيبتي ميلاف
وسلمت اناملك
يعطيك العافيه يا رب
وبالتوفيق ان شاء الله
أذّاني الهم بغــيابك وشقّى بي
————————————————————-
كلن تتقى طعـــون عــداه غدريه
وأنا الوحيد اللي طعوني من احبابي
———————————————————————–
صح لسان قائلها وسلمت انامل ناقلتها ميلاف الحب
ميلاف القلب
0000………………………………….000000 0 أذّاني الهم بغــيابك وشقّى بي
من بين غيـّابي ابطت بك حراويه
0000………………………………….000000 0 فاقدك .. ياأعزّ غــايب بين غيـابي
وين انت ؟!! ياصاحبٍ ماولفني زيّه
0000………………………………….000000 0 ياقو قلبك! .. تخلي الهم يسلى بي؟!!
**
يرضيك يالحـزن!! . . ياتالي عزاويه
0000………………………………….000000 0 تضحك على شيب راسي .. بين شيّابي؟
يرضيك يالحـزن؟!! تجهر بي عــلانيه؟
0000………………………………….000000 0 حتى تهـاون بحـالي اقرب اصحابي؟؟
***
سلمت ميــلاف ..
ويشكركِ القلب الظمأن لأنك رويتيه من عذب ذائقتك…
كوني على ثقه هناك من ينتظر عذب ذائقتك..,,,
اختك رمز للمشاعر
اسمحيلي أسميك وأناديك أختي ميلاف ( ذات الأنامل الذهبيه ) لأنتقائك وإختياراتك الموفقه والجميله .
وتقبلي أختي ( ذات الأنامل الذهبيه ) مروري المتواضع على صفحتك الرائعه والجميله .
وتقبلي تحيات أختك
( إحساس طفله )
اعجبتني كثيرآآآآ….شكرآ لكِ..