سلام عليكم مشكلتي بإختصاد ومن دون مقدمات وإطالة .. انا عروس جديدة لي شهرين وشي داخله عالثالث تقريباً المهم اذا تجمعت مع حريم حمياني دايم يكررون علي اسئلة الحمل ها جاتك الدورة يارب ما تجيك ومتى موعدها يا بنات حسسوني اني متزوجة لي سنة مالي كم شهر وصرت اتضايق من اي جمعة معهم لان اسئلتهم راح تبدي .. وبيني وبينكم انا خاطري بمولود اكيد بتقولون تو الناس واستانسي بحياتك بس انا خاطري بولد اضمه شغفي للاطفال ماله حد .. ادعولي حبيباتي ربي يفرحني بطفل .. وعلاقتي مع زوجي طيبة جداً مابينا مشاكل وطبعا متكلمين بموضوع لعيال يقولي انتي بنتي وكل شي بدنيتي ومتى ماجوا والله كتب حياهم الله بس انا بديت اتضايق من تنزل الدورة ودي بطفل ودايم اتوسوس اقول لايكون فيني شي وبعض الحريم يحملون من اول شهر او ثاني شهر .. مدري وش فيني دايم افكر بهالموضوع وشاغل تفكيري ليل نهار .. ولاني بعائلة تسأل كثير لان موضوع الحمل بعد الزواج هذا شغلهم الشاغل كثير يفكرون بالاولاد ومتى تحملين والخ فأنا زاد حبي للاطفال وودي احمل بسرعه خاصة اني اصغر وحدة من بين حريم حمياني واخر عروسه فالكل مستلمني وكلهم والحمدالله عندهم اطفال ماباقي الا انا .. وكمان عندي نقطه ثانيه الدورة عندي ملخبطة من بعد الزواج تقدم وتأخر على كيفها صرت ضايعه متى تجيني وهي منتظمه تماماً يقولون صديقاتي وحماتي ان الدورة اللي تلخبط معناه الرحم يتهيأ للحمل وخاصة هالمرة جاتني اعراض لاول مرة احس فيها .. مثل مغص بالبطن وشديد لدرجة اصحى من نومي انا قبل الدورة يجيني آلم بالبطن بس الم عآآديَ ويروح هالمرة قوي مرة وجاني حرقان بالبول خفيف ليوم واحد وراح من حاله وكمان جاني امساك ما اختفى الا بد مانزلت الدورة .. وهالشهر الدورة قبل لآ تنزل نزلت قبل موعدها بإسبوع تقريباً واول يومين نزل مني دم احمر خفيف وافرازات بنيه وانا الدورة عندي تنزل على طول ماتوقعت انها دورة بس ثالث يوم نزلت الدورة وهالمرة الدم كرمكم الله احسه مختلف اول مانزلت نزل مني شي زي المويه فيه دم ولونه بني واللحين الدورة نزلت عاادي .. هل هالاعراض مؤشر للحمل يعني الرحم يتهيأ او فيني شي لآ سمح الله مرة متخوفة .. طمنوني رحمً الله والديكم وجزاكم الله خير واسفة دخلت بمشكلتين حريم حمياني وتغير الدورة .. اعطوني حلول الى الحريم وافيدوني عشان الدورة .. مع العلم مالي خوات كبار يعني مالي غيركم ولاا تنسوني بدعوة نفسي احضى بطفل الله يجبر بخاطري ويعوض هالشهر خير ويرزقني الشهر الجاي .. يالله يا كريم ويرزق كل مشتهيه طفل .. ويفرح قليبها يارب آمين .. وارجوا من الادارة الكريمه تتكرم بعرض موضوعي مع باقات الشكر والامتنان
اعملي تحاليل هرمونات عشان تتاكدي من سلامتك
الله يرزقكِ الحمل يآقمري ..
.
توكلي على الله
واسئل الله ان يرزقك بطفل صالح
وربي يرزقك اطفال عادي بعرف كتير بعد سنه او اكتر متئ ربي ماكتب حيسير …"
وع الدوره روحي لدكتورهـ وسوي تحاليل
|
المشاركة الأصلية كتبت بواسطة litchi
 غآليتي تمنيت أن أفيدكِ لكن ليس لدي أدنى فكرة !
الله يرزقكِ الحمل يآقمري .. . |
شكراً عآلدعؤهـ آلطيبةة و عآلحضؤر حبيبتي 🎈🎈