في الاول ابدأ كلامي بالسلام والصلاة على النبي عليه الصلاة والسلام حبايبي حبيت انقلكم تجربتي البسيطة في حياتي الزوجية واتمنى انكم تستفيدون منها بالاول اكلكم قصة حبنة احنة عانينة كثير لما تزوجنا كنا على علاقة حب واهلة كانو ضدنا بس زوجي وحبيبي اجبرهم يرضون بالامر الواقع بعد معانات المهم تزوجنا واهله كانو ميحبوني بس اني كنت احترهم وداريتهم وبينتلهم اني فقيرة وماعندي اذى وكنت اساعد كل واحد منهم عندما يريد مساعدة وصارو كلهم يحبوني ويمدحون فيني ولما شاف هذا الشي زوجي زاد حبة الي اكثر واكثر فنصيحتي لكل متزوجة تعامل اهل زوجها معاملة زينة حتى لو ماكانت تحبهم وحتى لو كانو مأذينها لانها ماتخسر شي بس تكسب حب زوجها واحترامة وصدكي ما تندمين لو سويتي البكولج عليه. اجي على معاملتي لزوجي كنت مدللته مثل الطفل وابد ما اعصب لمن نتجادل هذا اذا تجادلنا لان حياتنا اني صانعه بايدي ومسيصرة عليها بعقلي انومه بحضني بحيث خليتة وعودتة مايكدر ينام الا لمن يجي بحضني لدرجة صار اذا بروح انام ليلة ابيت اهلي يجي معي وما يكدر يفاركني اتفهم وضعة اذا ضايج بخفف عليه واخلي ينسة الضوجة صدكوني لو ابقة الف ساعة بغرفتي وما اطلع يم اهلة(ساكنة مع اهلة بنفس البيت) يبقة يمي واذا طلعت يطلع ويمشي وراية وين ماروح مثل الطفل ونقطة مهمة جداًحداً ابداً لا تعبسين وشوفي شون يظل جوة جناحك وحسسي انك واثقة منة وما يغلط غلطة مع البنات او انة يباوع علة بنت في الشارع ودائماً كليلة اني واثقة منك متغلط ابد . وبعد هواية نصائح عندي الحابة تستفاد مني انشالله تجاوبني وبساعدها وبترجاكم كلولي اذا بتستفادون مني ولا لاء.
ينقل للقسم المناسب..
