يالله حيهم ، طبعًا اخر مره كتبت موضوع بمنتدى يوم كنت بالمتوسط !
وانا الحين جامعيه ابشركم بس حبييت احيي الماضي الجميل
عشان ماطول عليكم ببدأ بس قبل بقولكم
اني انا انسانه ماحب احترم الوصفه كما هي احب اغير احب اضيف
لمستي وابداعاتي حتى بالتقديم
وهذا بان كيك خصيصا لكم
تفضلوا المقادير :
2- بيضتان
ملعقه صغيره فانيلا
بيالة سكر
رشة ملح
بيالة زيت
كوب حليب سايل مثل السعوديه والمراعي
كوب ونص دقيق
ملعقه كبيره باكينج بودر
الطريقه :
توصع المقادير الجافه مع بعض
والزيت والسكر والملح والحليب والبيض والفانيليا بالخلاط
بعدين نصبه فوق المقادير الجافه اللي هي دقيق وباكنج بودر والفانيلا
ونخلطه مع بعض بعدين نجيب الة البان كيك او استخدموا صاج مثلي انا جبت صاج واحيانا قلاية حقت البيض احط دائرة صغيره واستخدم قواطع المعجنات الدوائر احطها جوا القلايه واصب عليها خليط عشان يطلع لي الشكل مضبوط ومرتب
طبعا لازم تدهنين القلايه زيت
تقلبينه لحد ماتحسينه تماسك وصار بان كيك
نجي لطريقة التقديم وهي اهم شيء
انا وضعته مثل ماهو بالصوره ثلاث طبقات او اكثر وثبته بعود اسنان
وكل قطعه تفننت فيها
بجقطعه حطيت فىقها مربى تفاح وقطعة تفاحه
وقطعه حطيت عسل وفستق مجروش
وقطعه حطيت نوتيلا وقطعة كيوي
وقطعة حطيت هرشي وميني ********ز
وبالهناء والعافيه
الطعم لذيذ وماينشبع منه
طريقة روووعه ان شالله بجربها
يسلمووو ايديكِ..:)