مساكم الله بالخير يا احلى سيدات .. الله يسعدكم وين ماكنتوا ..
حبيباتي موضوعي بائن من العنوان .. أنا سلمكم الله عندي مكيف جديد تقريباً له سنتين المهم صرت اذا شغلته يطلع ريحه كريهه ومزعجه والله ما خليت شي الا وسويته غسلته وجبت عامل يغسله والوضع زي ماهو .. والله اني متفشله من الناس حتى اختي جاتني وقالت وش ذا الريحه كانها جيفه الله يكرمكم ،،
تكفون ساعدوني يابنات والله تعبت معاه عطوني الحل من تدلني على شي اسويه يفكني من هالريحه الخايسه ..
ربي يسعدكم ويفرج همكم ..
اعرف واحده مثلك يوم فكوه لقوبيض صغيرومليان دود
مدري بيض عصفور او ايش لكن نظفوه وشمسوه تقريبا 3 ايام
والحمد لله راحت الريحه
شوفي المكيفات تكون مساكن للعصافير وترمي فيها اشياء غريبة ممكن تكون هي سبب هذي الريحة ..~~
قوم بتنزيلة واغسليه كويس وافركيه خصوصاً المروحة الخلفية نظفيها كويس واستخدمي الكلوركس .. بأول غسلة والثانية فلاش كل نوع لوحده لا تخلطين هذه المواد مع بعض خطيرة جداً .. وأضربيه هواء فيه جهاز خاص اذا مو موجود عندك اكتفي بضغط ماي عالي وقوي جداً راح تستغربين من اللي بينزل من جهازك ونظفيه كل سنة مرة على الأقل بهذه الطريقة ..
واتركيه يتشمس ويضرب الهواء الحار حوالي يومين وبعدها ركبيه لكن لا تشغليه الا بعد ان يأخذ وضعه بعد ثلاث ساعات تقريباً أو أكثر
وهذا الحال مع كل الأجهزة اللي تحتوي على غاز التبريد الفريون .. يحتاج وقت عشان يرجع لوضعه الطبيعي لا تشغلين الجهاز والغاز ما رجع لوضعه الطبيعي والا بيخرب الجهاز وتخسرينه ..
وبعدها بخري بيتك بعلك البان والأجهزة مطفيه مثل التلفزيون والمكيف وغيرها انتبهي لهذي النقطة لما تبخرين البيت ..
والله يسعدك وتفتكين من هذي المشكلة يالغلا