بسم الله الرحمن الرحيم
اخباركم ايه ياقمرات ..واخبار المتزوجات ايه ؟..مبسوطين من الجواز ولا بتقولو ياريت اللى جرى ماكان..عندى مشكلة اكيد عند بنات كتير متجوزة
انا متجوزة من سنين بسيطة مش كتير..وانا وجوزى بنحب بعض وتفاهمين اوووووى والحمدلله كنت اخداه على اد حاله ورضيت وكان وشى حلو عليه والرزق بقى تمام بس للاسف السعادة مابتدومش والفلوس مع بعض الناس بتغير النفوس واول حاجة فكر فيها انه يدوس على اللى حبيته ورضيت بيه وهو على اد حاله..كل شوية يهددنى بانه هيتجوز عليا ويقولى مادام ربنا ادانى فلوس اتمتع بيها وانا لسه شباب ..المشكلة عندى ان انا حاسة انه هيغدر بيا فى اى وقت وينساق لشهواته..شكيت لاهله تهديده ليا كل شوية ومن غير سبب سألوه من ورايا ان كنت قصرت فى شئ قالهم لا..انا بحبها ومش هسيبها ..انا حياتى مهدده وفى خطر جوزى عندى بشكل بشع ولو عملت اى حاجة ضايقته ومتستاهلش يهددنى..فيدوووووووونى اعمل ايه؟
اهتمي بنفسك جدا و كوني انثي بمعني الكلمه كلام رقيق صوت منخفض و اهتمي جدا بلبسك و جمالك و ده هاينعكس علي شخصيتك جدا و هاتكوني مرحه و واثقه من نفسك و ده هايخليكي حلوه في نظره كمان لو عندك عيوب في جسمك تخينه شويه او عندك مناطق مليانه حسني كل ده بالرياضه او حتي بوصفات الاعشاب
عليكي كمان بعمل لوك جديد اصبغي شعرك اعمليلوا فرد و هاتي هدوم جديده مش متعود انك تلبسيها في البيت جيبات جنز و برمودات و بناطيل و بديهات كله جديد و كل يوم افتنيه بلبسك و شعرك و مكياجك و نعومه جسمك
انتي انثي و الانثي لازم تكون حلوه في عنين جوزها و عشان تبقي حلوه في عنين جوزها لازم تكون حلوه في عنيها الاول و واثقه جدا من نفسها
و نصيحه كمان قصقصي ريشه اللي طلعله اصرفي فلوس علي قد ماتقدري علي نفسك و روحي الكوافيرات الغاليه و هاتي هدوم غاليه و لو اشتكي بمنتهي البراءه ردي كله عشانك يا حبي
و عليكي بالدعاء و مافي شيء بيحصل الا و ربنا كاتبه و الدعاء بيرد القضاء
و نصيحه اخيره جددي جدا في العلاقه الخاصه و ماتكوني فقط متلقيه كوني مهاجمه و انتي هاتلاقيه زي الخاتم في صباعك
و ربنا يهديه و يهدي جوزي و كل رجال المسلمين
|
المشاركة الأصلية كتبت بواسطة ام نور و مهاب
 حبيبتي انا مريت بظروف مماثله لظروفك بس صدقيني انتي اللي في ايدكي تخلي جوزك مايشوف غيرك
اهتمي بنفسك جدا و كوني انثي بمعني الكلمه كلام رقيق صوت منخفض و اهتمي جدا بلبسك و جمالك و ده هاينعكس علي شخصيتك جدا و هاتكوني مرحه و واثقه من نفسك و ده هايخليكي حلوه في نظره كمان لو عندك عيوب في جسمك تخينه شويه او عندك مناطق مليانه حسني كل ده بالرياضه او حتي بوصفات الاعشاب عليكي كمان بعمل لوك جديد اصبغي شعرك اعمليلوا فرد و هاتي هدوم جديده مش متعود انك تلبسيها في البيت جيبات جنز و برمودات و بناطيل و بديهات كله جديد و كل يوم افتنيه بلبسك و شعرك و مكياجك و نعومه جسمك انتي انثي و الانثي لازم تكون حلوه في عنين جوزها و عشان تبقي حلوه في عنين جوزها لازم تكون حلوه في عنيها الاول و واثقه جدا من نفسها و نصيحه كمان قصقصي ريشه اللي طلعله اصرفي فلوس علي قد ماتقدري علي نفسك و روحي الكوافيرات الغاليه و هاتي هدوم غاليه و لو اشتكي بمنتهي البراءه ردي كله عشانك يا حبي و عليكي بالدعاء و مافي شيء بيحصل الا و ربنا كاتبه و الدعاء بيرد القضاء و نصيحه اخيره جددي جدا في العلاقه الخاصه و ماتكوني فقط متلقيه كوني مهاجمه و انتي هاتلاقيه زي الخاتم في صباعك و ربنا يهديه و يهدي جوزي و كل رجال المسلمين |
اعتقد ان هذا الرد يكفيكي ،، فهو رد مجربة تنصحك من الواقع
ربنا يبارك فيكي ام نور
وربنا يسخرلك زوجك صاحبة الموضوع
عندك حق فى كل اللى بتقوليه ممكن اكون الفترة اللى فاتت اهتميت بابنى عشان هو لسه رضيع وصغير اوى ممكن لما يكبر شوية ده يتغير..
اختى ام نور عندك حق انا معنديش ثقة بنفسى عشان انا خسيت اوووووى على عكس الناس بسبب الرضاعة ياترى لما افطم ابنى هقدر ارجع زى الاول؟..وكمان الشتا مش مشجعنى البس فى البيت قصير انما فى الصيف تمام اوووووى..جزاكى الله كل خير وربنا يباركلك فى اولادك وزوجك