انا مكتوب كتابى لواحد بجد الحمدلله ان ربنا رزقنى بيه بس للاسف الحلو ميكملش ان كان فى واحد متقدملى قبل كده من سنه واهلى رفضوة وقبل مايتقدملى كان مكلمنى وقالى انه عاوزنى وعاوز انى اقف جمبة عشان اهلى يوافقوا عليه وفعلا جه واتقدم واهلى رفضوا وكانت اللى معايا فى الموضوع ده بنت خالتى واقفه جمبى ولقيتها قالت لمامتها مع انى كنت معترضه ان خالتى تعرف حاجه عشان مش عوزه مشاكل بس قالت ولقيت خالتى بتكلمنى فى يوم بتقولى انا هقف جمبك لانه كلمنى ومامته كلمتنى عشان اقنع مامتك وباباكى قولتلها هما مصممين بالرفض قالتلى هتكلم معاهم وفضلت طبعا خالتى على اتصال بيهم وهو بقا يكلمنى عشان يشوف انا كلمت اهلى ولا لا ولغاية ما اهلى اكتشفوا ان الشخص ده بيكلمنى واخويا كلمة وهزقه وقاله لو عملت المستحيل بردوا مش هنوافق عليك وبعدها اكتشفت ان بنت خالتى على علاقة بيه وواجهتها وانكرت مش عشان كان متقدملى ولا حاجه لا خوفا عليها منه لانى وقتها عرفته على حقيقته وبردوا استمرت علاقتهم مع بعض وحصل بينا مشاكل انا وهيا والموضوع انتهى وبعدها بكام شهر اتقدملى واحد تانى اللى هو جوزى الوقتى وبصراحة خوفت اقولة حاجه عن الموضوع ده لانى معرفش هو هياخد فكرة ايه عنى مع انه قالى لو فى اى حاجه فى حياتك قوليها وهسامحك فيها بس معرفش احساس الخوف سيطر عليا اوى واول ما اتقدملى لقيت بنت خالتى دى قالت كلام عن مامتى وانها صعبه عشان الخطوبه متكملش بس الحمدلله كملت وتوقعت انا وجوزى انها متجيش الحفله لكن جت وحضرت وعملت دور البريئه وبعدها بفتره لقيت جوزى بيكلمنى وبيقولى عن الموضوع الاولانى وبيقول ان بنت خالتى مطلعه عليا كلام وطبعا الكلام زايد اوى وطبعا جوزى خد الكلام على كرامته وانى محكتش له حاجه وحصلت مشكلة جامده وكان هيحصل انفصال بينا وطبعا بعد ماسمعت كلامة تعبت جامد ولقيت خالتى راحت عند جوزى هيا وبنتها عشان يقولوا انهم ماقالوش حاجه وكان كلامهم متناقض لبعضه وجت عندى كمان عشان تبرر موقفها وبردوا محدش صدقها انها بريئه لكن جوزى صدق الكلام ده لغاية ماجالى وحكيتله كل حاجه وبردوا مسامحنيش الا لما لقانى بموت اودامه ووطلع الكلام اللى اتقال عنى عكس الحقيقه وبردوا مقدرش يسامحنى لغاية من كام يوم حصلت مشكلة جامده بردوا والشخص ده قابل جوزى وقاله كلام يدايقه وجوزى وقتها مقدرش يستحمل وضربوا بعض وكان بردوا هيحصل انفصال بينا لغاية ما والدى ووالده وقفوا فى الموضوع وراجعو جوزى عن قراره والوقتى جوزى مش قادر ينسا الموضوع ده مع اننا بنحب بعض بس بيقولى انا تعبان وصعب انسا انك سمحتى لحد يدخل حياتك وانا والله العظيم الشخص ده بدعى عليه الوقتى بدل المرة ميه هو واللى المفروض خالتى وبنتها لانهم السبب فى تدمير حياتى كفاية انى اشوف بعينى اتفاقهم مع بعض على تدمير حياتى
معلش طولت عليكم بس بجد محتاجه حد يقولى اعمل ايه مع جوزى عشان ينسا ونقدر نعيش حياتنا والله انا حياتى مهدده بسبب الموضوع ده برغم اننا بنحب بعض وتعبانين جدا من غربتنا بعيد عن بعض بس هو مش قادر ينسا
ياريت تردوا عليا بسرعه وربنا يارب يتقبل صيامكم ويفك كربكم وادعولى ربنا يكملى جوازى على خير ويفك كربى انا وجوزى
ادعي كثير واستغفري و ربي يجمع بينكم ياارب ويجمع شملكم
وتاني حاجة جوزك هداماله علاقة بماضيك يعني حياتو معاك بتتحسب من يوم جا وخطبك بس
وتالت حاجة ادع الله يوفق بينكما واكتري من الاستغفار وراح تحل كل المعيقات بينك وبين زوجك