لسلام عليكم
بنات انا بفضفض لكم بموضوع اعذروني هو طويل لان مالقيت مكان اقول فيه مشكلتي ومحد وقف معي وحاسه اني بتجنن الا هنا انا بنت مو متزوجه عمري الان 31سنه ابوي توفى وبعدها بكم شهر اصبت بورم غير معروف بالرحم وكان خطير لو ماتعالجت والدكتوره اللي ببلدي انا بمحافظه تبعد عن الرياض 400كيلو قالت لازم تعملي اشعه بالرياض عشان تتاكدي من نوع الورم وكانت مو موجوده عندنا ولازم اسافر وكانت غاليه جدا وللاسف مالقيت احد يوديني اتعالج لان اخواني رفضوا قالوا مافيك شي وانتي موسوسه ومريضه نفسياولا كان عندي مبلغ لها عشان اصرف نفسي مع اي احد للاسف اختي كلمتهم وقالت لهم عن خطورة مرضي بس للاسف ماحد اهتم وكنت للاسف ابكي كل يوم لمدة سته. شهور وكنت اترجاهم واحد واحد واكون منهاره لان صحتي تدهورت بسبب الاهمال وكان كل واحد يرميني ع الثاني ويتعذر باعذاروبعد الست شهور فجأءه قمت من النوم لااستطيع المشي بسبب. الم بطني واسفل ظهري ورحت للمستشفى اللي ببلدي وككان ينقصه الاجهزه غير متوافره وسوى لي اشعه العاديه ع بطني وقال فيه ورم ولازم اشعه. ثانيه مو موجوده عندنا بعدها اقتنعوا اخواني اني لازم اسويها سافرت وقابلت الدكتور ولما كشف علي قال انتي مرضك للو جيتي بالبدايه كان قدرنا نتحكم فيه اماالان نحاول انانسيطر ع المرض عشان مايكبر الورم اكثر ولكن للاسف كنت اتاخر بالمراجعات بسبب رفض اهلي وماعندي احد يوديني مراجعاتي الا يمكن بالسنه مره الين ماكبر الورم كنت كل ماروح للدكتور اسمع كلام جارح من الدكتوراني ليه مالتزم بمواعيدي واني جاهله واني متساهله بالموضوع استمريت ع كذا مايقارب السنتين وانا اراجع وغير ملتزمه والورم اللي عندي عشاني صغيره بالسن خايفين لايعملوا العمليه ويشيلوه. فقالب الدكتور لازم مراجعه باستمرار والورم اللي. بالرحم ماثر ع اسفل ظهري اتالم بكل وقت حيث انني لااستطيع المشي الا بصعوبه وغير منسدحه ع جنبي واعتزلت الناس بسبب مرضي وكنت اسمع كلام جارح منهم اللي يقولي مريضه نفسيا واللي يقولي الناس مراح تخطبك ولاراح تتزوجي عشان مرضك انتشر واللي يقول انتي تتوهمي مافيك شي مع ان فيه تحاليل واشاعات تثبت مرضي بس ماعشان مايطلعوا نفسهم غلطانين والحين تجيني حالات انهيار ابكي بسبب صحتي تدهورت كبرت عشرين سنه بسبب الاهمال الحين انا حاقده عليهم وزعلانه وكل شوي اذكرهم بسواتهم فيني وان لو لا الاهمال ماكان اللي صار صار لاني تركت مراجعاتي تعبت من كل مره موعد تصير مشكله ومايسموني الا الحقود وللاسف محد واقف معي بوجههم ويقول انكم غلطانين لدرجة احيانا اقول يمكن صح انا غلطانه وهم الصح لدرجة قربت انجن اخواتي ابيكم تقولولي ايش التصرف المناسب معهم وهل انا ع حق ولاتقولي ليه انتي ماتتصرفين احنا عايلتنا عيب ان البنت تطلع لازم مع محرم ودعواتكم لي بالشفاء العاجل
ايش من اخوان هذولا ؟!
معقوله مافي حد صاحي وعاقل منهم ؟!
والله ماقدر غير اني ادعي لك بالشفاء
تصدقي حبيبتي بنيه الشفا ولو بالقليل , ربي يشفيك
ويرفع عنك ويأجرك على مااصابك
الله يشفيكي
أسأل الله العظيم رب العرش العظيم أن يشفيك حبيبتي
اتمنى لكي الشفاء العاجل