السلام عليكم ورحمة الله وبركاته
/
/
/
/
/
مدخــل :
وش فايده حبي لك .. ودفتر اشعاري
دام كل منــا // بالنهـايه لـه مصــيره
رح فمــان الله وحافــظ عـلى اســراري
وانا بعـيش لحـزني وهمـومي الكبــيــره
.
.
.
.
قصيدهـ كتبتها بدم قلبــي
استخرجتها الآن من دفتر قديم يركن في تلك الزاويه الموحشه
خبأته كي احتفظ بذكراي المؤلمه برغم مرارتها إلا انني لا انسى
اياماً كانت انشلتني من عالم موحش الى امل واعد
لكن الأقدار دائماً تخبئ لنا مالا نتوقــع ..
هنا بينكم حروفــي ..
,
,
,
,
,
أختلى هالكون فيني.. بعد ماعزمت الرحـيل
وعظـمة اللي خلقني صاب احـساسـي بـلاده
ماعـاد احــس بالعـالـم لو علا صـوت العـويل
ولا عاد اشفق على شيء يعــوضـني بسـعاده
انتثر احزاني واجمـع حــروف اسمـك واشيل
واتسلى بكلمتين الحب لاقـبل الليل وسواده
عايشه بضـيق وحــزن ولــيلي اصبــح طويل
ابتسم لاستفاق الفجر واملى بالدمع الوساده
يبتدي يومي بـذكرى وينتـهي بدمعه تسيل
(اسلي نفسي بنفسي ماعلى نفـسي إراده)
مارجيت من الدنيا شي بعـدك لو ..قــليل
وماشكيت همي لاقرب خــلق الله وعباده
اتظاهر بالفرح ,,وامـشي مع العالم علــيل
كاتمه ناري بصدري بالحــزن اجــني رماده
انتحر حلمي بلحـظه وكــل مافيـني قـتيـل
مابــقى بي غـير روح تنـتظر يوم الشهـاده
,
,
,
,
مخــرج :
بس قبــل لاترحل .. وتــودع ديـاري
خذ ثوب (ن) مليتــه بدموعي الغزيره
حبـي لكـــم ..
تحياتي