السلام عليكم ورحمة الله وبركاته
كيفكم اخواتي ؟!
حبايبي انا أعاني من مشكله وهي ان الناس تحكم عليا من لبسي وشكلي
ما تحكم عليا من نفسي انا من كلامي وشخصيتي وهذا الشي يخليهم
يحكوا عليا غلط !
انا دحين عمري 22 سنه والحمدلله حافظه القران كامل ما عدا سورة البقره قريب بخلصها
فلمن يجي احد يسال عن ايه او دليل واجي اتكلم وأذكره ما تشوفوا
كيف يطالعوا فيني الي جالسين وتجي ترد عليه : انتِ الي بدا المظر يطلع
منك كدا شملها ساكت معاكِ بس!
انا يا بنات البنت الوحيده في البيت واميي وأبويا مطلقين من وانا صغيره ما علينا . فاعتبر عايشه مع اولاد اخواني وابويا
لكن ما خليت هذا يأثر فيني انا مقتنعه اني بنت وأحب ملابس البنات والميك اب
لدرجه اغلب فلوسي ضايعه على الميك اب والكريمات وذي الخرابيط
لكن اغلب ملابسي بناطيل وبلايز واحيانا اخذ من ملابس اخويه الي اصغر مني احب البسها لكن هذا ما بعني اني ما احب الفساتين انا احبها مرا أكن آيش يقنع الناس بذا الشي؟
خلاص الناس حاطه في بالها ان فلأنه بويه وتحب بنات
والله مو كدا ما تعرفوا قد ايش يزعلني كلامهم
يعني حتى شعري مو محلوق الي رقبتي بس انا شعري طبيعته كيرلي
فلمن اطوله بتعبني فمخليته قصير فلمن تعرفوا كيف لمن ينفش الشعر
ينط على فوق 🙁 فيصير مرا قصير
بس انا احاول اني احط ربطات اي شي
لكن الناس ما تفهم مخهم متحجر ما اعرف من اي جاهليه جاين
انا ما ابغا اجلس أبرر لهم كل تصرفاتي
قسم بالله اني افهم في ديني يمكن اكثر منهم
بس خلاص اول ما يشوفون الشكل ينعموا من باقي الاشياء
معليش طولت معاكم بس جد مرا مزعلني الموضوع
وأكثر شي يضايقني كلامهم عني عشان ما اتزوجت للحين
مطلعين كلام عني اني شاذه 🙁
كل ما تشوفني وحده من قريباتي ما غير تقول الا الي في سنة متزوجين
ومخلفين 3 بزران وترقعني بكم كلمه فيما معناها شوفي وحده من الحاضرين
يمكن تعجبك وتمشي عني
انا وقتها الدموع اربع اربع انخشيت في وحده من الغرفه وصرت ابكي.
ما يعرفوا انو ما بيدي وانا هذا نصيب بس ايش اسوي هم كذا الناس.
مآآ دام واثقه من نفســكــ ,,, ومتووكله على ربكــ ,,, مآآ في شيء بيضيع عنده
وكل شيء قسمه ونصيب
اكثري من الاستغفار ورددي ربي اني لمآآ انزلت الي من خير فقير وصلي مقام الليل
باذن الله الله يزقكـ الزوج الصالح الي يحفظكــ ويصونكــ ويعووضكــ عن كل شيء بااااالقريب العااجل ياااارب
استغفر الله العظيم واتوب اليه
اتصرفي زي البنات ولا تتصرفي زي الاولاد هنا الفرق
ولا المظهر اغلب الناس يحكمون بالمظهر سوء بالبس الشكل او بطريقة الكلام او بالاخلاق انا احكم بطريقة الكلام والاخلاق صراحة واذا حكمت مااقدر اغير من نفسي يطلع فلانه كذا فلانه كذا اعرف مو تمام بس غالبية اللي احكم عليهم يكون حكمي صح والله ،، اغلب الناس تخدعها المظاهر عشان كذا هم معاك كذا ،، لا تلبسي ملابس اخوك والله لعن الله المتشبهات بالرجال من النساء .. الخ لا تلبسي حتى لو تعتبري متشبها اسمك لبستي لبس رجال ،،!
بيقولون لك بوية اصلا ليه لان البويه ديكور خارجي يلبس ملابس عيال حتى لو تعجبك ملعونين اللي يلبسونها غير حكم الخلق عليهم ،،!
وفوق ذا ايش عرفك انه شوفيلك وحده من الجالسن بالله ،، من جدك ؟ قصدها مستحيل يكون كذا خير كيف يجو العيال ،، لا تفهمي كل شيء عليك عاد وقصدها و قصدها لا تدخلي بالنوايا ،،!
ربك يحاسب عليك بنفسك واللي يتكلم ردي عليها اذا قالو بعمرك متزوجين ومخلفين قولي قسمه ونصيب او قولي سوي خير وزوجيني طيب ولا تتكلمين عن الارزاق كانك تعرفين الغيب !
ردي تسكتينهم وتفتكين مو رد سب لا رد يخجلهم من كلامهم ويعدون حساب لكلمتهم واالله الناس ما تحسب حساب شيء صايرة اعوذبالله ،،
– وأنتي أقهريهم وخليك في كل جمعه أحلا من الأول والله بيبطلوا كلام عليك "
– وأذا سمعتي منهم كلام يضايقك رددي " حسبي الله ونعم الوكيل "
– صدقيني " ربي يمهل ولا يهمل " ومردهم يجون يعتذرون منك على الكلام "
– بالنسبة للزواج أنتي صغيرة ولسى العمر طويل أن شاء الله "
– يعني ترى عمر 22 مرره مو كبيرة وبعض البنات اللي مثلك مايفكروا حتى في الزواج "
– يعني زمان هذا كان يقولوا عانس لكن أحين يقولون 22 يووه لسى صغيرة "
– وحبيبتي في الأخير كلامهم مابيقدم ولا بيأخر والله يأخذ حقك منهم "
– وبالتوفيق ياعسل والله يرزقك بالزوج الصالح ويرزق جميع البنات "
ثانيا الغاليه بما انك حافظه القراءن اكيد حافظه احكامه الغاليه لا يجوز لبس لباس الرجال
عشان لاتكوني من المتشبهات بالرجال
ثالثا والاهم ترا الزواج قسمه ونصيب وباذن الله ربنا بيرزقك الزوج الصالح عاجلا ليس اجلا
تحكم ع الناس من مظهرها
ناس سطحيين
دايما يهمهم المظهر مو الجوهر
نحن مسلمون،وديننا متكامل ،مظهر ومعاملة واخلاق وعقيدة واعمال
وانا لا استغرب ما تواجهينه من الناس،لاننا مسلمون،وقراننا الكريم هو ما نستمد منه الاحكام،والله انزل علينا القران لنتدبره ونعمل به ونحفظه ونتلوه،وانت تحفظين القران وقد حفظت طبعا سورة الاحزاب التي يامر الله تعالى فيها النبي صلى الله عليه وسلم بان يامر نساءه ونساء المؤمنين بلبس الجلباب،وعليك اختي بالمبادرة للبس اللباس الشرعي ولا تجعلي هذه الاية التي في صدرك حجة عليك ( ياأيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما ( 59 ) )
كما اننا منهيون عن التشبه بالرجال ولبس زيهم
ارجو ان تتقبلي كلامي بصدر رحب
تجاهلي كلامهم وثقي بنفسك وكوني قوية لا يأثر عليك كلام الناس اللي لا بيدهم نار ولا جنة
دعواتك لي بتفريج كربتي وتيسير امري وان الله يكتب لي كل خير