بسم الله الرحمن الرحيم
بما انى بحب القهوة العربى وانا بشربها فكرت اعمل بيها كيك دورت على وصفات لقيتها كلها بالقهوة العاديه رحت دخلت المطبخ واخترعتها بفضل الله مع الصوص بتاعها وهو (اللبن المكثف بنكهة القهوة العربى ) والحمد لله طلعت حلوة
يلا نبتدى
لا احلل نقل وصفاتى الا بذكر المصدر
المقادير
3 بيض بدرجة حرارة الغرفة
1 كوب سكر ( انا بحب كميه السكر قليلة شويه علشان الصوص حيبقى فيه سكر )
3/4 كوب زيت
2 كوب دقيق
نص كوب لبن رايب انا عملته فى البيت حطيت حليب عليه شويه خل صغيريين ممكن جاهز طبعاا بس من ضمن الاختراعات
ربع كوب قهوة عربى مصفاة
ربع كوب قهوة محوجه مصفاه
1 ملعقة كبيرة بيكينج بودر
فانيليا
مقادير الصوص
1 كوب لبن بودرة
1 كوب سكر بودرة
نص كوب قهوة محوجه على قهوة عربى مركزين ومتصفيين من اى شوائب
نحطهم على النار مع مكعب زبده صغير لحد ما يتقل ويكون زى الحليب المكثف العادى
الطريقة
نخلط البيض والفانيليا والسكر لحد مايكون خليط كريمى
نضيف الزيت والقهوة ونخلط
ننخل الدقيق مع البيكينج بودر ونخفق برفق
توضع فى صينيه تدخل الفرن لمده 35 دقيقة ويتم اختبار سواها بالخلة
بعد ما نخرجها من الفرن نخليها تبقى دافيه ونحط عليها الصوص
والف هنا وشفااا
لا احلل نقل وصفاتى الا بذكر المصدر
|
المشاركة الأصلية كتبت بواسطة مشاشة عتيقة
 تسلم ايديك اختي على الوصفة
|
تسلمى ويسلم مرورك الغالى
|
المشاركة الأصلية كتبت بواسطة malak252
يسلمو الايادى
|
تسلمى حبيبتى